Халзан түнжүү

Халзан түнжүү
	; Fulica atra, нас бие гүйцсэн ;
Ховордолтын зэрэглэл
	; Ховордоогүй (IUCN3.1)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Тогоруутан;
Овог:	Түнжүүрийнхэн;
Төрөл:	Түнжүү, Fulica;
Зүйл:	F. atra;
Латин нэр
	Fulica atra; Карл Линней, 1758
	; Халзан түнжүүгийн тархалт
Ижил утгатай нэршил
	Fulica prior

Халзан түнжүү, Fulica atra, мөн Халзан түнжүүр гэгддэг байсан , нь Түнжүүрийнхэн овгийн шувуу юм.

Тархалт

Халзан түнжүү Европ, Ази, Австрали, Африкийн цэнгэг уст нуур цөөрөмд нутаглана. Мөн саяханаас Шинэ Зеландад нэвтрэн тархжээ. Тэд зөөлөн дулаан уур амьсгалтай газар суурин байх ба хүйтэн сэрүүн бүсийн хэсэг нь өвөл дулаан газарт нүүдэллэдэг.

Гадаад төрх

Энэ шувуу нь 36–42 см урт, нүүрний цагаан хэсгээс бусад нь хар өнгөтэй. Залуу түнжүү нь арай цайвардуу өнгөтэй, цагаандуу цээжтэй байх ба 3-4 сар хүрж байж хар өд сөд ургаж эхэлнэ. Нүүрний цагаан хэсэг нь 1 нас хүрч байж бүрэн гүйцдэг аж.

Зан авир

Халзан түнжүү усанд шумбаж сэлэн, нуур цөөрмийн хажуудах задгай газар алхан идээшлэнэ. Үржлийн улирлын үедээ газар нутгаа харамлан түрэмгий зантай болдог. Үржлийн бус үедээ олноор сүрэглэх нь махчин амьтдаас сэргийлдэг байх магадлалтай.

Үржил

Халзан түнжүү өвс ургамал ашиглан үүр засна. Заримдаа усны ойр хаягдсан цаас, хуванцар зэрэг оролцсон байна. Голдуу 10 гаруй өдөг гаргадаг. Өндөгийг нь бусад шувууд идэх нь их тул маш цөөхөн хэд нь амьд үлдэж дэгдээхэй болдог аж.