Токио Хотел

Чөлөөт нэвтэрхий толь, Википедиагаас
Харайх: Удирдах, Хайлт
Токио Хотел
Tokio Hotel

Tokio Hotel, 2010. Зүүнээс баруун: Георг Листинг, Билл Каулитц, Том Каулитц, Густав Шефер
Ерөнхий мэдээлэл
Хөгжмийн урсгал Поп рок
Хугацаа 2001–одоо
Студи Юниверсал Мюзик
Черритри, Интерскоп (АНУ)
Вэбсайт www.tokiohotel.com
Билл Каулитц
Том Каулитц
Георг Листинг
Густав Шефер

Tokio Hotel бол 2001 онд байгуулагдсан, поп рок жанраар тоглододог Германы хамтлаг юм. Гишүүдийг дурдвал, дуучин Билл Каулитц, гитарчин Том Каулитц, бөмбөрчин Густав Шефер, аргил гитарчин Георг Листинг нар билээ. Тэд өөрийн улсдаа дөрвөн number one сингл, гурван number one цомог гаргасан бөгөөд тэндээ ойролцоогоор 5 сая CD болон DVD худалджээ. Тус хамтлаг анх ‘Devilish’ нэрэн дор Sony BMG Germany хэмээх дуу бичлэгийн компанитай хамтран демо CD-гээ бичүүлэн гэрээгээ дуусгасныхаа дараа хамтлагийнхаа нэрээ өөрчилж Tokio Hotel нэртэйгээр 2005 онд Schrei гэдэг анхны Герман цомгоо Universal Music Germany дуу бичлэгийн компанитай хамтран гаргасан юм. Schrei цомог дэлхий дахинд хагас сая хувь борлогдсон ба тус цомгоос Герман болон Австрид топ тавд жагсах дөрвөн сингл төрөн гаржээ. 2007 онд тус хамтлаг Zimmer 483 гэдэг хоёр дахь Герман цомгоо, Scream гэдэг анхны англи хэл дээрх цомгоо гаргасан ба нийтдээ дэлхий дахинд нэг сая хувь борлогдож, MTV Europe Music Awards-ийн Best InterAct номинацид ялахад нь тусалжээ. Zimmer 483 цомог нь Германд топ тавд жагсах гурван сингл төрөн гаргасан бол Scream цомгоос Франц, Португал, Испани, Итали зэрэг улсуудад эхний хорьт жагсах хоёр сингл төрөн гарчээ. 2008 оны есдүгээр сард Tokio Hotel АНУ-ын MTV Video Music Awards дээр Best New Artist номинацид анх удаагаа ялалт байгуулсан юм. 2008 оны аравдугаар сард тэд Мексикт зохион байгуулагдсан MTV Latin America Awards наадмаас Best International Artist, Song of the year зэрэг номинациудад ялалт мөн байгуулжээ. Tokio Hotel нь MTV VMA болон MTV Latin America Awards-аас шагнал авсан анхны Герман хамтлаг болсон юм. 2008 оны арван нэгдүээр сарын 6-нд Ливерпүүлд зохион байгуулагдсан MTV Europe Music Awards 2008-аас Headliner шагналыг, 2009 оны арван нэгдүгээр сарын 5-нд Берлин хотод болсон MTV Europe Music Awards 2009-өөс Best Group шагналыг мөн авсан. Харин хамгийн сүүлд 2010 оны арван нэгдүгээр сарын 7-нд Мадрид хотод болсон MTV Europe Music Awards-аас Best World Stage Performance шагналыг гардан авсан юм.