Алганы хээ судлал

Чөлөөт нэвтэрхий толь — Википедиагаас
Jump to navigation Jump to search
"Зөнч", Караважжио (1594–95; зотон тос; Луврын музей), алганы хээ уншилтыг дүрслэн өгүүлжээ.

Алганы хээ судлал нь палмистри, хироматия зэргээр хэрэглэгддэг. Эртний грекээр cheiromancy гэдэг нь kheir (χεῖρ, ός; "гар сарвуу") and manteia (μαντεία, ας; "мэргэ төлгө")) гэсэн үтгатай. Алга уншихуй нь алдартай соёлд тооцогддог ба хирологи гэж бас нэршдэг, алгыг судалж ирээдүйг урьдчилж хэлж болно гэж үздэг. Дэлхий даяар соёлын олон янз байдалтай туршлага бий. Тиймээс зарим газар хироматия гэж байхад, зарим нь алганы хээ судлаач, алганы хээ уншигч, хирологист зэргээр нэршдэг.

Алганы хээ судлал нь Цыган, Энэтхэг, Хятад ба Ази зэрэг янз бүрийн сургалт дээр үндсэн шугам, зураас болон алганы онцлог шинж чанаруудыг олон янзаар тайлбарладаг. Хамгийн дээд зэрэглэлийн алганы хээг уншигчид нь Энэтхэгийн каст Брахманууд хийдэг байсан гэж үздэг. Алганы хээ уншилтын янз бүрийн тайлбар хоорондын ялгаа зөрчилдөөн, алганы хээний уншилтын зөгнөл таамаглалд нотлох баримт дутагдаж байгаа нь эрдэм шинжилгээний ажилтнууд алганы хээ судлалыг хуурамч ухааны шинжтэй гэж үзэхэд хүргэсэн.

Түүх[засварлах | edit source]

Эртний алганы хээ судлал[засварлах | edit source]

Энэтхэг, Балба, Төвөд, Хятад, Перс, Шумер, Палестин, Вавилон зэрэг Евроазийн олон улс орон алганы хээ судлалын өв соёлтой.

Анагаахын доктор, шинжлэх ухааны доктор, зүү эмчилгээний эмч Ёошиаки Омура нь Хиндү одон орон судлал, Хятадын мэргэ төлөг, Ромын зөнч нараас эхтэй гэж тайлбарласан байдаг. Хэдэн мянган жилийн өмнө, Хинду мэргэн Вальмики үзэл санаагаа 576 шад бүхий номдоо бичсэнийг Англи хэлнээ хөрвүүлэн "The Teachings of Valmiki Maharshi on Male Palmistry" буюу "Эрэгтэй хүний алганы хээ судлалыг Вальмики Махарши сургааль" нэртэйгээр гаргажээ.

Япон улс дахь гадаа байршуулсан алганы хээ уншигчийн лангуу

Алганы хээ судлалаас Энэтхэгээс Хятад, Төвд, Египт, Перс болон бусад Европын улс орнууд рүү түгэн дэлгэрчээ. Энэтхэгээс алганы хээ Грект очиж Анаксагор (НТӨ 500-428) үед хөгжүүлсэн. Аристотель (НТӨ 384-322) Гермес бурхны тахилын ширээн дээрээс алганы хээний сэдвээр бичсэн өвийг нээж илрүүлж, Агуу Александр (НТӨ 356-323) хаанд үзүүлсэнд ихээхэн сонирхож цэргийнхээ албан тушаалтнуудынхаа гарын алгын хээ дүрсүүдийг шалгаж үзсэн байдаг.

Дундад зууны үед алганы хээ судлалын урлаг Католик сүмийн шахалтад орсон.

Сэргэн мандалтын үед алганы хээ судлалыг долоон "хориотой урлаг"-ийн нэгд тооцсон.

Алганы хээ судлаач, зурхайчид болон бусад мэргэ төлөгчид захирагчдынхаа захиргаанд байсан. Өөрийгөө хүндэлдэг захирагч бүр өөрийн ордны зурхайч эсвэл алганы хээ судлаачтай байсан гэж үздэг.

Дорно дахинд алганы хээний тухай анхны бичгийн эх сурвалж НТӨ 2000 оны үеэс эхтэй. Алганы хээ судлал нь Ведийн нэг хэсэг бөгөөд Энэтхэгчүүдийн ном судруудад байдаг. Ялангуяа, Салмудрика шастра, хүний гар дээрх шинж тэмдгүүд, тэдгээрийн тайлбарын талаар маш их мэдээллийг агуулсан байдаг.

Энэтхэгийн агуу мэргэн хүний бүтээлүүд өдгөө бидэнд хүрч ирсэн Валмика Махариши (Санскрит хэлнээс - "агуу мэргэн" гэж орчуулсан) таван мянга орчим жил орчмын настай бүтээл бий. Гар болоод гарын алганы тухай сургаалыг ерөнхийлөн бичсэн анхны бүтээлүүдийн нэг бол эртний Энэтхэгийн зурхайч Брахмагупта юм.

Томоохон төлөөлөгчид[засварлах | edit source]

Алганы хээ судлаач Кейро

Орчин үеийн алганы хээ судлал[засварлах | edit source]

1839 онд ахмад Казимир Станислас Д'Арпентиньигийн "La Chirognomie" буюу "Гарын хэлбэр судлал" хэвлэл гарсан нь алганы хээ судлалын орчин үед сэргэх эхлэлийг тавьжээ.

Их Британийн Хирологийн нийгэмлэгийг Лондонд 1889 онд үүсгэн байгуулахын хамтаар урлагийг буруугаар ашиглах, хуурамч этгээдүүдээс хамгаалах ба алганы хээ судлалын урлагийг тогтолцоожуулах бас сайжруулах зорилго тавьсан байна.

Эдгар де Валькур-Вермонт нь 1897 онд Америкийн Хирологийн нийгэмлэгийг үүсгэн байгуулжээ.

Судалгаа[засварлах | edit source]

Алганы хээ судлалыг XX зуунаас эхлэн дэлхийн олон оронд алганы хээ судлал шинжлэх ухааны хэмжээнд байгааг албан ёсоор хүлээн зөвшөөрсөн юм. Өдгөө барууны орнуудын анагаах ухааны ноцтой сэтгүүлүүдээс гар хоорондын харилцаа ба хүний бие махбодын болон сэтгэцийн эрүүл мэндийн байдалтай холбоотой сонирхолтой судалгаануудыг хийж байна.

Алганы хээ судлалыг шинжлэх ухаанчаар судалж байгаа байгууллагуудын томоохон гурван төлөөлөл бий. Үүнд:

  • АНУ-ын Сан-Рафел дахь Олон улсын алганы хээ судлалын хүрээлэн (1985 онд байгуулагдсан) The International Institute of Hand Analysis
  • Канадын Монреаль дахь алганы хээ судлалын төв
  • Энэтхэгийн Мумбай хотын алганы хээ судлалын үндэсний академи

Алганы хээний тухай шинжлэх ухааны үүднээс тайлбарласан судалгаа мэдээ, баримтыг авах боломжтой.

Бусад салбарт[засварлах | edit source]

  • Анагаах ухаан
  • Техникийн зарим шинжлэх ухаан
  • Мэдээлэл технологийн салбар
  • Хууль зүйн шинжлэх ухаан зэрэг олон олон салбар алганы хээний өгөгдлийг ашиглаж байна.

Шүүмж[засварлах | edit source]

Алганы хээ судлалыг шүүмжлэгчид нь тодорхой нотолгоо дутмаг гэж үздэг. Шинжлэх ухааны өгүүлэлд алгын хээ судлалыг ерөнхийдөө мухар сүсгийн итгэл бишрэл эсвэл хуурамч шинжлэх ухаан гэж үзэж байна.

Хэвлэл мэдээлэлд[засварлах | edit source]

  • Fun and Fancy Free (1947 Хүүхэлдэйн Кино)
  • Танд үйлчилж байна уу? (1975 TВ үзэгдэл) гурав дахь цувралд John Inman тоглосон дүр Ази үйлчлүүлэгчийн алгыг уншаад ирээдүйн ослын тухай хэлдэг. Сүүлд энэ нь тохиолддог буюу биелдэг.
  • Өсвөр насны шулам(1989 УСК) Robyn Lively тоглосон дүр нь алганы хээгээ үзмэрчид уншуулахад түүнийг шуламын хойд дүр, хүч чадал нь удахгүй сэргэнэ гэжээ.
  • Яакобын шат (1990 УСК) Tim Robbins тоглосон дүр үдэшлэг дээр алганы хээгээ уншуулдаг нь аймшигтай зүйл болдог
  • Алиалагчийн байшин (1989 УСК) Гол дүр нь циркийн зөнч, үзмэрчийн майханд орох бөгөөд зөнч түүнд удахгүй амийг нь хорооно гэдгийг нь хэлдэг.
  • Хайрын ундаа (Дугаар:9 1992) УСК Гол дүрийг найзууд нь цыган алганы хээ уншигч дээр аваачиж үзүүлдэг.
  • The Simpsons (1992 TВ үзэгдэл) 4 дүгээр цувралын 8 дугаар анги дээр Алганы хээ судлаач гарч ирэв.
  • Before Sunrise (1995 УСК) Julie Delpy тоглосон дүр алганы хээгээ уншуулдаг.
  • The Hunchback of Notre Dame (1996 УСК) Квазимодо (Quasimodo) нь Эсмеральда (Esmeralda) бүсгүйд Би мангас гэж хэлэхэд, бүсгүй түүний алганы хээг уншаад "мангасын шугам" байхгүй гэж хэлдэг.
  • Харри Поттер ба Азкабаны хоригдол (1999 роман)
  • Симиан шугам (2001 УСК)- Алганы хээ уншилт гардаг
  • Ид Залбир Хайрла (2010 УСК) – Гол дүр алганы хээ уншигч дээр очдог
  • Amaya (2011 TВ цуврал)

Цахим холбоос[засварлах | edit source]

 Commons: Алганы хээ судлал – Викимедиа зураг, бичлэг, дууны сан
Wiktionary
Wiktionary: Алганы хээ судлал – Энэ үгийг тайлбар толиос харна уу