Базель Их Сургууль
| Базель Их Сургууль | |
|---|---|
| |
| Байгуулагдсан | 1460 оны 4 сарын 4 |
| Харьяалал | улсын |
| Суурин | Базель |
| Улс |  Швейцар
|
| Ректор | Андреа Шенкер-Викки[1] |
| Оюутны тоо | 12.811 (2019)[2] |
| Ажилчдын тоо | 6400 |
| үүнээс профессор | 378[2] |
| Жилийн төсөв | 776 сая CHF (2019)[2] |
| Сүлжээ | Eucor, Swissuniversities[3] |
| Цахим хуудас | www.unibas.ch |
Базель Их Сургууль (Герман: Universität Basel) нь 1460 оны дөрөвдүгээр сарын 4-нд үүсгэн байгуулагдсан их сургууль бөгөөд үүгээр Швейцар улсын хамгийн эртний их сургууль юм.
Энэ сургуульд багшилж байсан Эрасмус фон Роттердамын оюуны өвөөс үүдэлтэйгээр Европын хүмүүнлэг үзлийн өлгий нутгуудын нэг хэмээн үздэг.[4][5] 19-р зуунд тус их сургуульд багшилж байсан алдартай багш нарт соёлын түүхч Якоб Буркхардт, германы гүн ухаантан бөгөөд яруу найрагч Фридрих Ницше (грек хэл болон уран зохиолын профессор) нарыг нэрлэж болно. Өнөөг хүртэл энэ сургуульд есөн нобелийн шагналтан, хоёр Швейцарын Холбооны Ерөнхийлөгч сурсан буюу багшилсан байдаг.[6][7]
Их сургуулийн харьяа Базель Их Сургуулийн номын сан нь Швейцарын хамгийн чухал номын сангуудын нэг юм. Их сургуулийн барилга байгууламжууд нь долоон факультетэд хуваагдахын сацуу хотын төвөөр тархсан байрлалтай байна.
Түүх
[засварлах | кодоор засварлах]Энэ сургууль нь албан ёсоор их сургууль болох баримт нь пап лам II Пийгээс 1459 оны арваннэгдүгээр сарын 12-нд папын булла хэлбэрээр анх бүртгэгджээ. Сургууль байгуулагдсан нээлтийг 1460 оны дөрөвдүгээр сарын 4-нд хийжээ. Дараах өдөр нь сургуулийн үйл ажиллагаа эхлэв. Анхандаа сургууль дөрвөн факультеттэй байсан ба үүнд нь артист буюу өнөөгийн гүн ухаан, анагаах, теологи, эрх зүйн факультет байв.
- Ректор
- Вернер Арбер, микробиологич, нобелийн шагналтан, 1986–1988 он
- Карл Песталоцци, герман хэл судлаач, 1990–1992 он
- Луциус Вилдхабер, хуульч, 1992–1994 он
- Ханс-Йоахим Гюнтеродт, физикч, 1994–1996 он
- Рене Фрей, эдийн засагч, 1996–1998 он
- Ульрих Гэблер, сүмийн түүхч, 1998–2006 он
- Антонио Лоприйно, египет судлаач, 2006–2015 он
- Андреа Шенкер-Викки, бизнесийн эдийн засагч, 2015 оны наймдугаар сарын 1-нээс хойш
Цахим холбоос
[засварлах | кодоор засварлах]
Commons: University of Basel – Викимедиа зураг, бичлэг, дууны санЭшлэл
[засварлах | кодоор засварлах]- ↑ https://www.unibas.ch/de/Universitaet/Leitung-Organisation/Rektorat/Die-Rektorin.html
- ↑ 2.0 2.1 2.2 Jahresbericht 2019 der Universität Basel (PDF; 2 MB)
- ↑ Гишүүд
- ↑ Urs Hafner: Die Uni Basel muss sparen | NZZ. In: Neue Zürcher Zeitung. 12. Dezember 2017, ISSN 0376-6829 (nzz.ch [abgerufen am 16. Januar 2018]).
- ↑ D’Erasme à Erasmus: ce que la Suisse doit à l’Europe Le Temps. letemps.ch
- ↑ All Nobel Prizes
- ↑ Der Bundesrat: Bundespräsidenten