Залхуу баавгай

Залхуу баавгай
Оршин байсан хугацаа: Хожуу Плиоцен буюу түрүү Плейстоцен – Одоо хүртэл
Вашингтон хот дахь Смитсонийн үндэсний зоологийн парк дахь залхуу баавгай.
Вашингтон хот дахь Смитсонийн үндэсний зоологийн парк дахь залхуу баавгай.
Ховордолтын зэрэглэл

Эмзэг (ОУБХХ) [1]
Биологийн ангилал
Аймаг: Амьтан
Хүрээ: Хөвчтөн
Дэд хүрээ: Сээр нуруутан
Анги: Хөхтөн
Баг: Мах идэштэн
Овог: Баавгайнхан
Төрөл: Melursus
Зүйл: Залхуу баавгай
Латин нэр
Melursus ursinus
(Шоо, 1791)
Дэд зүйлүүд

Melursus ursinus inornatus Пухеран, 1855
Melursus ursinus ursinus (Шоо, 1791)

Ижил утгатай нэршил
  • Melursus lybius Майер, 1793
  • Bradypus ursinus Шоо, 1791

Залхуу баавгай (Melursus ursinus) Энэтхэг, Балба, Пакистан, Бутан, Бангладеш, Шри Ланкын нам дор газрын ойд тархсан баавгайнхан овгийн хөхтөн амьтан. Залхуу баавгай Melursus төрлийн цорын ганц зүйл.[2] Анх саврын хэлбэр, модонд амьдардаг хэв шинжээр нь "баавгай хэлбэрт залхуу амьтан" гэж ангилж байсан боловч 1800-аад онд баавгай гэж зөв ангилсан юм.[3]

Физиологи[засварлах | кодоор засварлах]

Тодорхойлолт[засварлах | кодоор засварлах]

150–190 см урт биетэй, урт, сэгсгэр үстэй, хүрэн зээрдээс хар хүртэл зүстэй, цээжин дээрээ өвөрмөц "V"-хэлбэрийн цагаан тэмдэгтэй, цагаавтар хоншоор, хар хамартай. Хоншоор нь урт, нүцгэн уруултай, дээд үүдэн шүд байхгүй зэрэг нь шавьжаар хооллодогтой нь холбоотой. Урд хөл нь дотогшоо майга, 4 инч урт, эргэж хураадаггүй, тахир савартай нь газар малтах, модонд авирахад зохицсон.[3] Маахай нь 80–140 кг хүнд байхад, эвш нь дөнгөж 55–95 кг жинтэй.[2] Хөлний мөр нь хүнийхтэй их төстэй. Сүүл нь 15-18 см урт байдаг нь баавгайн овог дотроо хамгийн урт юм.[3] Байгалийн наслалт нь тодорхойгүй боловч хүний эрхэнд байхдаа 40 хүртэл насалсан нь бүртгэгдсэн.[3]

Нэмэлт унших материал[засварлах | кодоор засварлах]

Эшлэл[засварлах | кодоор засварлах]

  1. Garshelis, D.L., Ratnayeke S. & Chauhan, N.P.S. (2008). Melursus ursinus. IUCN 2008. IUCN ховордсон зүйлүүдийн улаан ном. 26 January 2009-д авсан.Listed as Vulnerable (VU A2cd+4cd, C1 v3.1)
  2. 2.0 2.1 BearPlanet: Sloth Bear
  3. 3.0 3.1 3.2 3.3 Brown, Gary (1996). Great Bear Almanac. p. 340. ISBN 1558214747.

Гадны холбоос[засварлах | кодоор засварлах]

Викизүйлд Melursus ursinus-тай холбоотой мэдээлэл байна.
 Commons: Melursus ursinus – Викимедиа дуу дүрсний сан
  • Field Trip Earth - Field Trip Earth is a conservation education website operated by the North Carolina Zoological Society.
  • Sloth Bear at Animal Diversity Web