Вашингтон хот

Чөлөөт нэвтэрхий толь, Википедиагаас
Харайх: Удирдах, Хайлт
«Вашингтон» үгээр энд холбогдлоо. Өөр зүйлийн хуудсыг «Вашингтон (салаа утга)»-аас олж болно.
Вашингтон, Колумбын тойрог
Washington, D.C.
Хотын зураг
Вашингтоны хөшөө ба Цагаан ордон
Сүлд туг
Сүлд тэмдэг
Туг Сүлд
Хоч нэр: "DC, The District"
Уриа: "Justitia Omnibus (Бүгдэд шударга байдал)"

Вашингтон, Колумбын тойрог-н байршил
Виржиниа, Мэрилэнд мужуудтай харьцуулсан Вашингтоны байршил

Солбицол: 38°53′42.4″N, 77°02′12.0″W
Улс Америкийн Нэгдсэн Улс
Холбооны тойрог Колумбын тойрог
Засаглал  
 - Мэйр Адриан Фенти
 - Колумбын тойргийн зөвлөл Дарга: Винсент Грэй
Газар нутаг  
 - Нийт 177.0 км²
Өндөр 0–125 м
Хүн ам  
 - Нийт (2007) 588,292
 - Нягтрал 3,481/км²
 - Хүй дүүргийн хамт 5.30 сая
Цагийн бүс UTC-5
 - Зун   UTC-4
Цахим сүлжээ: www.dc.gov

Вашингтон (англ. Washington) буюу Колумбын тойрог (англ. District of Columbia) нь 1790 оны 7 сарын 16-нд байгуулагдсан, Америкийн Нэгдсэн Улсын нийслэл юм. АНУ-ын анхны ерөнхийлөгч Жорж Вашингтоны нэрээр нэрлэсэн. Колумбын тойрог нь Потомак голын хойд эрэг дээр орших бөгөөд баруун өмнөд талаараа Виржиниа, баруун хойд, зүүн хойд, зүүн өмнөд талаараа Мэрилэнд мужуудтай хиллэнэ. Тойргийн суурин хүн ам нь 588,292 боловч ажлын 7 хоногуудад ирж ажиллах хүмүүсийг нэмэхэд ннэг сая гаруйд хүрнэ. Вашингтоны метрополи газар нутгийн (бүрэлдэхүүнд нь Колумын тойрог орно) хүн ам нь 5.3 сая бөгөөд энэ нь улсдаа наймд жагсана.

АНУ-ын Үндсэн хуулийн нэгдүгээр заалтад мужуудаас ялгарах холбооны тойрог нь улсын нийслэл байх тухай бичсэн байдаг. Холбооны засгийн газрын гурван салбарын төвүүд нь гурвуулаа тойрогт байрлах бөгөөд үүнээс гадна олон хөшөө дурсгал, музэй байдаг. Вашингтонд 172 тооны гадаадын элчин сайдын яамд, мөн Дэлхийн банк, Олон Улсын Валютын Сан, Америкийн Орнуудын Байгууллага, Интер-Америкийн Хөгжлийн Банк зэрэг олон байгууллагуудын төвүүд байрлана.

АНУ-ын Конгресс нь Вашингтоныг шууд, бүрэн захирдаг бөгөөд ард иргэд нь мужуудаас өөрсдийгөө удирдах эрх багатай юм. Тойрог нь санал өгдөггүй, Конгрессийн төлөөлөгчтэй боловч сенаторгүй. Хэрэв Вашингтон нь муж байсан бол газар нутгаараа хамгийн сүүлд (Рөүд-Айлендийн дараа), хүн амаараа сүүлээсээ хоёрт (Вайомингийн өмнө), нягтшилаараа нэгт, мужийн нийт бүтээгдэхүүнээрээ 35-д, Африк Америкчуудын хувиараа нэгт орно.

Вашингтоны Монголчууд[засварлах]

Вашингтонд урт богино хугацаагаар ажилладаг ба цагаачилсан 5000 гаруй Монголчууд амьдардаг. Вашингтоны Монголчууд бүгд идэвхитэйгээр Америкийн хөгжлөөс суралцаж боловсрол чадвараа дээшлүүлэн Америкийн өдөр тутмын амьдралд хөл нийлүүлэн ажиллаж амьдарч Монголын ба Америкийн хөгжлийг ойртуулхад чухал нөлөө үзүүлдэг юм. Сүүлийн жилүүдэд Монголчууд Вашингтонд машин засварын үйлчилгээ, чулуун гоёл чимэглэлийн үйлдвэр, хувийн ТВ, үл хөдлөх хөрөнгийн зуучлал, дизайн зэрэг цөөнгүй салбаруудад өөрсдийн бизнесээ нээж олон үндэстний их гүрэнд өөрсдийн байр суурийг олсоор байна. Мөн Америкийн олон төрлийн компаниуд, төрийн байгууллагуудад чухал удирдлагын албан тушаалуудад ч тэндхийн их сургуулийг амжилттай төгссөн Монголчууд орж ажиллаж кареерээ дээшлүүлдэг юм.


Гадаад холбоос[засварлах]

Commons
Викимедиа дуу дүрсний сан: Вашингтон хот