Бразилиа
| Бразилиа хот | |
|---|---|
| суурин газар | |
| порт. Brasília [Бразия] | |
 |
|
Lua error in Module:Location_map/multi at line 27: Заасан байршлын газрын зургийн тодорхойлолтыг олж чадсангүй: "Module:Байршлын газрын зураг/өгөгдөл/Brazil" байхгүй байна. |
|
| Улс, орон |  Бразил (ХБНБУ) |
| Бүс, орон | Өрнөд төв |
| Муж, тойрог | Холбооны тойрог |
| Суурин газар | Бразилиа |
| Газар нутаг | 5,802 км² |
| Газрын байц | д.т.д. 1171 м |
| Хүн ам (2013) | 2,789,761 хүн |
| Хүн ам (бөөг.) | 2013 онд 4,041,042 |
| 1960-4-21 | Хот үүсэн байгуулагдсан |
| Цагийн бүс | Бразилын цаг (ГЦ-3) |
| Утасны дуг. | (+55) 61 |
| Шуудан-дугаар | 70000-000 |
| Цахим хуудас | brasilia.df.gov.br |
Бразил улсын нийслэл Бразилиа хот (порт. Brasília — Бразия) Бразил орны төв хэсэгт улсынхаа Холбооны тойрогт харьяалагдан оршдог. Хүн амынхаа тоогоор Рио-де-Жанейро, Сан-Паулу хотуудын араас улсдаа гуравт бичигдэж байгаа[1] бөгөөд Латин Америкийн томоохон хотуудаас нэг хүнд ногдох ДНБ-ээр тэргүүлж байгаа хот юм.[2]
Далайн эргийн Рио-де-Жанейрод нийслэл байсныг нутгийн төвд шилжүүлэх санал 1827 оноос эхлэн яригдаж, 1956 оноос барилгачид дөрвөн жил шавдан ажилласны үрээр 1960 оны 4 сарын 21-нд Бразилиа хот үүсэж, Салвадор (1549–1763), Рио-де-Жанейро (1763–1960)-гийн дараах Бразил орны түүхэн дэх гурав дахь нийслэл болжээ. Газрын хувьд Өрнөд төв бүс, Бразилын тэгш өндөрлөгийн төв хэсэгт далайн түвшнээс дээш 1171 метр өндөрт байдаг ба жилийн турш өдрийн 26 °C хэм орчим дулаан, бороо хур их ордог. Засаг захиргааны хуваарь ёсоор улсын доорх Холбооны тойрог (нийслэл хавийн газар) хэмээх нутгийн төв болно. Түүн дотроо суурин газар (município) хэмээн зүйлчлэгдэнэ.
Хүн ам зүй
[засварлах | кодоор засварлах]| Шашин | Хувь |
|---|---|
| Католик | 56.62% |
| Протестант | 26.88% |
| Шүтлэггүй | 9.20% |
| Нутгийн шашин | 3.50% |
| Он | Хүн ам |
|---|---|
| 1960 | 140,165 |
| 1980 | 1,176,935 |
| 2000 | 2,051,146 |
| 2010 | 2,562,963 |
1960 онд үүсэн байгуулагдсан Бразилиагийн хүн амын тоо жилд дунджаар 2.82%-аар өсөж байна. XX зуунд үүссэн дэлхийн өөр ямар ч хот богино хугацаанд ингэж томроогүй. 1989 онд нэг сая, 2000 онд хоёр сая хүнтэй болж байсан бол 2013 онд хотын харьяалж буй 5802 км² газарт 2,789,761 хүн оршин сууж байна.
Хотын хүн амын тал хувь (48.2%) нь холимог арьстан, бас нэг тал хувь (42.2%) нь цагаан арьстан юм. Бас хар арьстан (7.7%), Азиас ирсэн (1.6%) хүмүүс тодорхой хувь эзэлдэг. Бүх хүн амын 52.2% эмэгтэй, 47.8% эрэгтэй.
Хүн амын олноор улсдаа Рио-де-Жанейро, Сан-Паулугийн дараа 3 дахь том хот болчхоод байна.
Хотын нутгаас гадна эргэн тойрны дагуул хот, хүй дүүргийн хамтаар бодвол энэ хавьд 4 сая хүн байгаа.
Барилга, байшин
[засварлах | кодоор засварлах]Бразилиа хот улсын нийслэл болохын хувьд Бразилын төрийн гурван өндөрлөг бүгд байрладаг. Мөн Бразилын олон компанийн төв байр байдаг. Хот нь олон хороололд хуваагддаг ба эдгээр нь Зочид буудлын хороолол, Банкны хороолол эсвэл Элчин сайдын яамдын хороолол гэх мэтээр тодорхой үйл ажиллагаанд чиглэсэн хорооллууд бий.
Эгч дүү хот
[засварлах | кодоор засварлах]Бразилиа дараах хотуудтай эгч дүүгийн адил харилцаж байна.[3]
Цахим холбоос
[засварлах | кодоор засварлах]
Commons: Brasília – Викимедиа зураг, бичлэг, дууны санЛавлах холбоос
[засварлах | кодоор засварлах]- ↑ "Distrito Federal - Panorama". cidades.ibge.gov.br. IBGE. Архивласан огноо 2017-10-18. Татаж авсан: 2023-11-21.
- ↑ Istrate, Emilia. "Global MetroMonitor | Brookings Institution". Brookings.edu. Эх хувилбараас архивласан: 2013-01-15. Татаж авсан: 2024-02-25.
- ↑ "Brasilia Global Partners". Internacional.df.gov.br. Эх хувилбараас архивласан: 2014-02-28. Татаж авсан: 2014-02-25.
- ↑ Martin Austermuhle (2012-03-15). "D.C., Welcome Your Newest Sister City: Brasília". Dcist.com. Эх хувилбараас архивласан: 2013-03-18. Татаж авсан: 2013-03-18.
- ↑ "Lisboa - Geminações de Cidades e Vilas". Associação Nacional de Municípios Portugueses [National Association of Portuguese Municipalities] (Portuguese хэлээр). Эх хувилбараас архивласан: 2015-02-01. Татаж авсан: 2013-08-23.
{{cite web}}: Unknown parameter|trans_title=ignored (|trans-title=suggested) (help)CS1 maint: unrecognized language (link) - ↑ "NYC's Partner Cities". The City of New York. Эх хувилбараас архивласан: 2013-08-14. Татаж авсан: 2012-12-16.