Намжилын Норовбанзад

Чөлөөт нэвтэрхий толь — Википедиагаас
Харайх: Удирдах, Хайлт
Намжилын Норовбанзад
Ерөнхий мэдээлэл
Төрсөн он 1931 он
Төрсөн газар Монгол улсын Дундговь
аймгийн Дэрэн сум
Нас барсан нь 2002 оны 12 сарын 21 (71 наслав)
Яс үндэс Монгол үндэстэн
Улсын иргэн Flag of Mongolia.svg Монгол (БНМАУ → МУ)
Ажил үйл дуучин
Дуулдаг хэл монгол хэл
Урсгал уртын дуу
Танил үе 1950-аад он — 2002 он
Алдар цол
Төр нийгмийн шан
Монгол улсын хөдөлмөрийн баатар
Монгол улсын ардын жүжигчин

Намжилын Норовбанзад (1931 - 2002 оны 12 сарын 21) нь Дундговь аймгийн Дэрэн сумын уугуул, Монгол улсын хөдөлмөрийн баатар, Ардын жүжигчин цолтой уртын дуучин юм.

Тэрээр 1957 онд Дэлхийн оюутан залуучуудын их наадмаас алтан медаль хүртэж байсан. 1993 онд Фүкүокагийн "Азийн соёлын шагнал"-ыг хүртсэн.

Монгол уртын дууг дэлхий дахинд таниулсан түүний гавъяаг үнэлж 1999 онд Монгол улсын хөдөлмөрийн баатар цолоор шагнажээ.

\

Ажил амьдрал[засварлах | edit source]

1952 оны намар 21 настайдаа аймгийн шүүхэд бичээчээр ажилд оржээ. Тэндээ жил шахам ажиллаж байтал 1953 оны усан могой жил 6 сартай хүү нь эндэж уй гуниг болжээ.

1954 онд Үйлдвэрчний зөвлөлд бичээч, бичиг хэргийн эрхлэгчийн ажилд оржээ. Соёлын яамнаас зарласан уралдаанд нөхөр Банзрагч нь II байр эзэлж 6000 төгрөгийн шагнал авчээ.

1955 онд түүний нөхөр Банзрагч нь “Ээмэг” жүжгээ бичээд 2000 төгрөгөөр шагнуулав. Банзрагч “Аймгийн гүйцэтгэх захиргаа”-ны Соёлын хэлтсын орлогч даргаар томилогдов.

Сэрүүн сайхан хангай, Дэлхийн залуучууд оюутны их наадам[засварлах | edit source]

1956 оны гал бичин жил Ардын хувьсгалын 35 жилийн ойн баярт урлагийн үзлэгт оролцож шалгаран Улаанбаатар хот явахдаа 5 сартай охиноо авч явжээ.

1957 оны гал тахиа жилийн зун тухайн үеийн ЗХУ-ын нийслэл Москва хотноо болох Дэлхийн залуучууд оюутны VI-р их наадам болох дөхөж байх үед Норовбанзад болоод "ган хоолой" хэмээн алдаршсан бөхийн засуулч Мягмарын хамт шалгаран нийслэл хотыг зорьжээ. Тэрээр Дундговь аймгийн харьяат алдарт дуучин Дорждагватай уулзаж “Сэрүүн сайхан хангай” дуугаа дуулж үзүүлснээр Их наадамд явхаар шалгарчээ.Ингээд төрийн шагналт, МУГЖ Цогзолмаа багшийн хамтаар 6 сар бэлтгэл хийгээд 7-р сард Москва хотыг зорьжээ. Тус наадмаас тэргүүн байр эзэлж, алтан медаль авчээ.

Норовбанзад хэлэхдээ: “Сэрүүн сайхан хангай бол миний зүрхний дуулал, миний сүлд дуу юм” гэжээ.

1959 онд 2 жил шахам дагалдан жүжигчний ажил хийсний эцэст мэргэжлийн шалгалтад орж жинхэнэ жүжигчний үнэмлэх авчээ. Шороон гахай жилийн намар 3 дахь охин Дэлгэрмаа нь төрөв. Охиноо төрснөөс 45 хоногийн дараа ажилдаа эргэн оржээ.

1960 оны хавар Дани улсын нийслэлд олон улсын уулзалтад оролцсон.

Уяхан замбуутивийн наран[засварлах | edit source]

1961 оны төмөр үхэр жил Ардын хувьсгалын 40 жилийн ойн баярт "Уяхан замбуутивийн наран" дуугаа дуулсан нь өндөр үнэлгээ авчээ.

1963 оны усан туулай жилд 32 настайдаа Ардын Их Хурлын сонгуулиар депутатаар сонгогдож 3 жил ажилласан байна.

1966 онд Улаанбаатар хотын депутатаар сонгогдов.

1967 оны 7 сарын 12-нд Улсын Гавъяат дуучин болсон.