Jump to content

Орсэй музей

Википедиа — Чөлөөт нэвтэрхий толь

Орсэй музей (франц. Musée d'Orsay) Парис хотод, Сена мөрний зүүн эрэгт байрладаг дүрслэх урлагийн музей бөгөөд 1850-1910 оны үеийн Европын уран зураг, баримлын дэлхийн хамгийн том цуглуулгуудын нэг юм. Парисын гурав дахь, дэлхийн арав дахь хамгийн алдартай музей.

Орсэй музей

Музейн цуглуулга нь импрессионистууд болон пост-импрессионистуудын бүтээлүүд дээр тулгуурладаг. Цуглуулга нь Art Nouveau буюу Модерн загварын гоёл чимэглэлийн урлагийн бүтээлүүд, гэрэл зураг, архитектурын объектуудаар баялаг юм. Орсэй музей нь Европ дахь хамгийн том урлагийн музейн нэг юм. 2019 онд тус музейг 3.6 сая гаруй хүн үзэж сонирхсон байна. 2022 онд дэлхийн хамгийн их зочилсон урлагийн зургаа дахь музей, Францын Луврын дараа орох хоёр дахь хамгийн олон үзэгчтэй урлагийн музей болжээ.

Тус музейн үзэсгэлэн таван түвшинд байрлаж, урлагийн бүх төрлийг (уран зураг, уран баримал, архитектур, тавилга, кино театр, гэрэл зураг, хөгжим, дуурийн дизайн) он цагийн дарааллаар толилуулдаг байна. Ийнхүү Орсэй музей нь Луврын цуглуулга болон Жорж Помпиду төвийн орчин үеийн урлагийн музейн хоорондох зайг нөхөж байна. Үндсэн давхар нь төвийн гудамжинд баримлууд байрладаг, хуучин төмөр замын замыг өртөөг бүрдүүлдэг доод давхар юм. Парис дахь Дуурийн барилгын загвар нь онцгой анхаарал татаж байдаг. Музейд түр үзэсгэлэн гаргах хэд хэдэн танхим байдаг. Музейн үзмэрүүдийг 2-3 жил тутамд сольдог байна.

Орсэй музей нь мөн тоглолт, концертын тайз болдог юм. Мөн кино урлагийн үүсэлд зориулж жил бүр фестиваль зохион байгуулдаг. Жуулчид бага хурал, дугуй ширээний уулзалт, ялангуяа түр үзэсгэлэнтэй холбоотой уулзалтуудад тогтмол оролцох боломжтой юм.

Одоогийн байдлаар Орсэй музейд дараах мастеруудын бүтээлүүдийг дэлгэн үзүүлж байна. Үүнд:

"https://mn.wikipedia.org/w/index.php?title=Орсэй_музей&oldid=797001"-с авсан