Скотти Пиппен

Скотти Морис Пиппен (Англи: Scottie Maurice Pippen, 1965 оны есдүгээр сарын 25-нд Арканзас мужийн Хамбург хотод төрсөн) — Зодог тайлсан америкийн мэргэжлийн сагсан бөмбөгчин, НБА-д зургаан удаа (1991—1993, 1996—1998) Чикаго Буллз багт, Олимпт (1992 болон 1996) хоёр удаа АНУ-шигшээ багт түрүүлж байлаа. НБА-гийн түүхэн 50 тоглогчийн нэг.

Намтар[засварлах | кодоор засварлах]

Скотти Пиппен — Тэр 12 хүүхэдтэй айлын хамгийн отгон нь. Төв Арканзасын коллежийн багт сагсан бөмбөг тоглож байхад нь Марти Блейк[1] гэгч хүн олж таньж мэргэжлийн спортод хөтлөн оруулж байсан гэдэг. Майкл Жордан, Пиппен нарын хослол Буллз болон НБА-гийн түүхийн шинэ хуудсыг нээхэд хамгийн гол үүрэг гүйцэтгэсэн билээ.

21 настайдаа 1987 оны драфтаар Сиэтл Суперсоникс багт сонгогдсон ч Буллз хүчирхэг төв Олден Полинайсаар сольж эгнээндээ элсүүлсэн байдаг. Пиппенийг 6 жилийн 5 сая доллараар цалинжуулах гэрээ энэ үед байгуулжээ.[1] 1993-1994 оны улиралд 22.0 оноо дунджилсан нь шилдэг амжилт юм.

2005 оны арванхоёрдугаар сарын 9-нд Пиппенд Чикаго Буллз багаас хүндэтгэл үзүүлж 33 дугаарыг нь Юнайтед центрдээ мөнхлөн байршуулсан түүхтэй. Түүний дугаартай зэрэгцээд нэгэн үед хамт зүтгэж байсан 23, (Майкл Жордан), 4 (Жерри Слоан) болон 10 (Боб Лав) дугаарууд мөнхөрчээ.

2008 оны нэгдүгээр сард 42 настай Пиппенийг Финландын Торпан Поят (ToPo) болон Шведийн Сундсволл Дрэгонз багуудад хүндэтгэлийн тоглолтууд хийж байлаа.

2010 онд Сагсан бөмбөгийн алдрын танхим Пиппенийг залжээ.

Эшлэл[засварлах | кодоор засварлах]

Холбоотой товхимол[засварлах | кодоор засварлах]

Эшлэл[засварлах | кодоор засварлах]