Фил Жексон

Филип Дуглас Жексон (Англи: Philip Douglas Jackson, 1945 оны есдүгээр сарын 17-нд Монтана мужийн Дир Лож хотод төрсөн) — Америкийн мэргэжлийн сагсан бөмбөгийн зодог тайлсан дасгалжуулагч, тоглогч юм. НБА-гийн агуу, түүхэн арвын нэг дасгалжуулагч билээ.[1][2]

Замналын товчоон[засварлах | кодоор засварлах]

Тэрээр Өмнөд Дакотагийн коллежийн багаас 1967 онд Нью-Йорк Никс элсэж, арваннэгэн улирал тогложээ. Тоглогчийн замналаа 1980 онд өндөрлүүлэхэд Жексон хоёр ч удаа НБА-гийн аварга болсон байжээ. Тоглож байсан Нью-Йорк Никс багаас нь дасгалжуулагчаар ажиллахыг урьсан ч татгалзаж, 4 жил гаруй сагсан бөмбөгийн тайлбарлагчаар ажилласан түүний дасгалжуулагчийн замнал 1987 оноос эхэлсэн. Чикаго Буллз багийн туслах дасгалжуулагч. Хоёр жилийн дараа Даг Коллинзоос ерөнхий дасгалжуулагчийн халааг авч 1998 оныг хүртэл Буллзийг зургаан удаа түрүүлгэсэн түүхтэй. Түүний удирлаган дор Майкл Жордан, Деннис Родман, Скотти Пиппен нар он удаан жил тоглож байлаа.

Удаад нь Лос-Анжелес Лейкерс багийг мөн таван удаа аварга цолонд хүргэсэн. Ийнхүү Бостон Селтикс багийн домогт дасгалжуулагч Рэд Ауэрбахын 9 удаа багаа түрүүлгэсэн амжилтыг 10 болгон ахиулж, тэргүүнд эрэмбэлэгдэх болсон түүхтэй. Мэдээж түүний дуулгавартай сайн цэргүүд Коби Брайант, Шакил О'Нил, Дерек Фишер болон бусад олон тоглогчид байлаа.

2014 оны гуравдугаар сарын 18-нээс Никс багийн ерөнхийлөгчийн албыг Жексон таван жилийн 60 сая долларын цалинтай хашихаар болжээ.[3]

Эшлэл[засварлах | кодоор засварлах]

  1. Auerbach vs Jackson
  2. "Top 10 Coaches in NBA History". NBA.com. Turner Sports Interactive, Inc. Archived from the original on 2008-07-11. Retrieved 2008-07-12. {{cite web}}: Cite has empty unknown parameter: |coauthors= (help) (англ.)
  3. "Phil Jackson Named President of New York Knicks". NBA.com. Turner Sports Interactive, Inc. March 18, 2014. Archived from the original on Гуравдугаар сар 18, 2014. Retrieved March 18, 2014.

Холбоос[засварлах | кодоор засварлах]

 Commons: Фил Жексон – Викимедиа дуу дүрсний сан

Загвар:1967 оны НБА-гийн драфт