Сүхбаатарын талбай

Чөлөөт нэвтэрхий толь — Википедиагаас
Харайх: Удирдах, Хайлт
Сүхбаатарын талбай
Mn coa ulaanbaatar.png
Улаанбаатар хотын талбай
Сүхбаатарын талбай
Сүхбаатарын талбайг баруун дээд талаас харвал
Ерөнхий мэдээлэл
Суурин Улаанбаатар
Суурингийн хэсэг Улаанбаатарын төв
Барилга
байгууламж
→ энд үзэх
Ашиглалт
Ашиглагчдын бүлэг Явган зорчигч, унадаг дугуйчин, замын хөдөлгөөн, нийтийн хүн тээвэр
Чингис хааны хөшөө
Наадмын үеэр
Шинэ жилийн ёслолын буудлага
Лазер үзвэр

Сүхбаатарын талбай (мөн Чингисийн талбай) — Монгол улсын нийслэл Улаанбаатар хотын төв талбай юм.

Нэр[засварлах | edit source]

Талбайг 1946 оны АИХ-ын тогтоолоор Дамдины Сүхбаатарын нэрээр нэрийдсэн.

2013 оны 7 сарын 15-с НИТХ-ын тэргүүлэгчдийн хуралдаанаар Эзэн богд Чингис хааны нэрэмжит талбай гэж нэрийдэхээр заажээ. Товчоор Чингисийн талбай, Чингис хааны талбай гэж олон нийтэд түгсэн.[1].

2016 оны 8-р сарын анхан шатны шүүхийн шийдвэрээр 2013 оны тогтоолыг хүчингүй болгож Сүхбаатарын талбай нэрийг сэргээсэн.

Барилга байшин[засварлах | edit source]

Талбайн хойд талд Төрийн ордон, түүний ард цэцэрлэг байна. 2005 он хүртэл Төрийн ордны өмнө Чойбалсан, Сүхбаатарын бунхан байсныг буулгаж 2006 онд Их Монгол улс байгуулагдсаны 800 жилийн ойг угтан Чингис, Өгөөдэй, Хубилай хааны суугаа хөшөө болон морьтой хоёр баатрын хүрэл хөшөө бүхий Төрийн ёслол хүндэтгэлийн цогцолбор баригдсан.

Талбайн баруун талаар авто зам, түүний цаана Улаанбаатар хотын банк, Нийслэлийн захиргааны байр, Голомт банкны төв байр, Монголын хөрөнгийн бирж (1946-1948 онд баригдсан, хуучнаар Элдэв-Очирын нэрэмжит кино театр), Монголын Цахилгаан Холбоо ХК буюу Улсын Төв шуудан байрладаг.

Талбайн зүүн талаар авто зам, түүний цаана Соёлын төв өргөө, Улсын дуурь бүжгийн театр (1946-1949 онд баригдсан), Сентрал Тауэр (2008 онд ашиглалтанд орсон тэнгэр баганадсан барилга) байна.

Талбайн урд талаар нийтийн цэцэрлэг,түүний урд авто зам, цаана нь хуучнаар Ленин клуб, Чойжин ламын сүм музей, Блю Скай (үгчилбэл. Хөх тэнгэр) цамхаг байна.

Талбайн голд Ардын хувьсгалын удирдагч, бүх цэргийн жанжин Дамдины Сүхбаатарын морьтой хөшөө байрлана. Хөшөөний урд хэсэгт Монгол Улсын төв цэгийг (газарзүйн төв цэг биш) тэмдэглэсэн чулуун өнгөлгөөтэй тэмдэглэгээтэй.

Эх сурвалж[засварлах | edit source]