Харри Поттэр ба Гүн ухаантны чулуу

Харри Поттер ба Философийн чулуу[засварлах | кодоор засварлах]

Харри Поттэр ба Философийн чулуу
(Харри Поттер ба Шидэт чулуу)[1]  
ЗохиолчЖоанна Роулинг
Анхны нэрHarry Potter and the Philosopher's Stone
ЗураагчТомас Тэйлор (Нэгдсэн Вант Улс)
Мэри Гранпре (АНУ)
УлсНэгдсэн Вант Улс
ХэлАнгли
УрсгалФантази
ХэвлэгчBloomsbury (НВУ)
Arthur A. Levine/Scholastic (АНУ)
Raincoast (Канад)
Нэпко (Монгол)
Хэвлэсэн огноо1997 оны 6 сарын 30 (НВУ)
1998 оны 9 сарын 1 (АНУ)
хуудасны тоо223 (НВУ) 309 (АНУ) 344 (МОН)
ISBN0747532699
ДараахХарри Поттер ба Нууцат өрөө

Харри Поттер ба Философийн чулуу (Их Британид: Harry Potter and the Philosopher's Stone, АНУ-д: Harry Potter and the Sorcerer's Stone) эсвэл Харри Поттер ба Шидэт чулуу нь Британийн зохиолч Ж. К. Роулингийн бичсэн өсвөр насны хүү Харри Поттерийн тухай долоон цуврал, уран зөгнөлт зохиолийн эхний ном нь юм. Энэ зохиолд Харригийн 11 насны үеийн адал явдлууд гарна.Энэ номыг Н.Энхнаран монгол хэлээр орчуулжээ. "Шидтэн гэдгээ мэдсэнээс хойш Харри ид шидийн сургууль Хогвартст сурж эхэллээ. Сургуульд сурч байх үеэрээ Харри сургуулийн захирал гурван толгойтой нохойгоор философийн чулууг мануулж байгааг олж мэднэ. Гэвч хэн нэгэн чулууг хулгайлах гээд байв. Харри болон түүний найзууд Снейпийг сэжиглэнэ. Гэвч Снейп үнэхээр чулууг хулгайлах гэж байгаа гэж үү"... Энэхүү ном нь 17 бүлэгтэй.

Бичигдсэн түүх[засварлах | кодоор засварлах]

Тухайн үедээ хүүхдийн шилдэг зохиол болж шалгарч байсан энэхүү Harry Potter and the Sorcerer's Stone ном нь мөн хамгийн алдартай хүүхдийн номнуудын нэг болж чадсан билээ. 1991 оны энгийн нэгэн галт тэрэгний аялал, 7 боть бүхий, Харри Поттерийн бүхэл бүтэн цогц ертөнцийн эхлэл болжээ

Роулинг Харри Поттерийг зохиох санаагаа анх хэрхэн олсоноо Би Би Си-д ийнхүү ярьсан байна:

"Би Манчестераас Лондон руу явах галт тэргэнд юм бичих талаар огт бодоогүй сууж байтал санаанд минь маш тодоор Харри, туранхай хүү ороод ирсэн. Би урьд нь хэзээ юм бичих талаар огт бодож байгаагүй, тэрнээс өмнө миний энгийн нэг санаа надад ингэж их нөлөөлж байгаагүй л дээ. Цүнхээ уудалж ямар нэгэн бичих юм олдоогүй, бүр хөмсөгний харандаа ч байгаагүй дээрээс нь галт тэрэг саатсан учир би бичих зүйлийнхээ талаар олон цагийн туршид бодож суусан."

Тэрээр өөрийн вэбсайт дээрээ ингэж бичжээ: "Би Гүн ухааны чулууг тэр орой нь л бичиж эхэлсэн ч, төгсгөлийн ном нь тэр үеийн анхны бичвэрүүдтэй огт төсгүй. Би Манчестер руу янз бүрийн зүгт ургах өөрийн санаануудтай бичвэрээ барьсаар очиж, Харригийн Хогвартс дахь амьдралын татаар эргэцүүлсэн дээ."

Дараагийн хэдэн жилийн туршид Хатагтай Роулинг номоо чөлөөт цагаараа бичиж байжээ. Тэрээр 1994 онд Эдинбург руу нүүсэн байна. Тэр үеийн тухай өгүүлэхдээ: “Би дахиж багшилахаар шийдэж байсан юм. Нэгэнт багшилж эхэлбэл олон дэвтэр засахаас эхлүүлээд, хичээлийн төлөвлөгөө гаргах дээрээс нь хүүхдээ ганцаараа харах гээд маш олон ажил гарч номоо бичих зав дахиж гарахгүй гэдгийг мэдэж байсан болохоор би номоо дуусгах ажилд орж, номоо яаж ийж байгаад хэвлүүлэх төлөвлөгөө гаргасан юм. Жессика тэргэндээ унтах бүрийд хажуугийн кафе руу гүйж очоод галзуу мэт бичдэг байснаа санаж байна. Би бараг өдөр бүр бичдэг байсан. Би номоо бүгдийг өөрөө шивж байхдаа заримдаа номыг үзэн ядах, хайрлах хоёр сэтгэгдэл зэрэг төрдөг байсан.”

1997 оны The Herald-д өгсөн ярилцлагадаа:[засварлах | кодоор засварлах]

"Ном надад амьдрах итгэл өгдөг байсан. Надад эмэгтэй дүүгээс минь өөр таньдаг хүн байдаггүй байсан юм. Би амьдралдаа тэр үеийнхээс илүү их гутарч байгаагүй. Цуглуулсан жаал юмаа хүүхдийн хэрэгсэлд зориулж дуусчихан байж билээ. Гэрлээд, насан туршдаа ажилласан ч би гэнэт ажилгүй, ядмаг орон сууцтай ганц бие эх болж хувирсан юм. Миний бичвэр л надад урагшаа явах итгэл өгч байсан юм."

Мөн тэрээр The Herald-д ингэж хэлжээ:

"Би тэр үед агентын талаар огт мэддэггүй байсан ч тэр жилийн Зохиолч, Уран бүтээлч нарын номноос хэдэн хаяг авч санал явуулсан. Кристофер Литл нь миний саналаа явуулсан дөнгөж хоёр дахь агент байсан юм. Би захиагаа буцааж авч байсан өдрөө маш сайн санадаг юм. Захиагаа авахдаа татгалзсан хариу байх байх гэж бодож байтал захианд ингэж бичсэн байсан: "Таны гар бичвэрийг бид тусгайлан хүлээж авна гэдгийг мэдэгдэхэд таатай байна."


"Тэр миний амьдралын хамгийн гоё захиа болсон бөгөөд би тэр захиагаа найман удаа уншсан. Дараа нь (1997 оны хавар) Кристофер над руу залгаж Америкт миний номыг хэвлэх эрхийн төлөөх дуудлага худалдаа болсон мөн Ноён Артур Левин надад зургаан оронтой мөнгө төлөх болсон талаар ярьж, 10 минутын дотор над руу залгана гэхэд би баярласандаа үхэх шахсан шүү."

1996 оны намар, Bloomsbury Press номыг Их Британид хэвлэх эрхийг, Scholastic компани Америкийн Нэгдсэн Улсад хэвлэх эрхийг 100000 доллараас өндөр үнээр 1997 онд худалдаж авсан.

Хатуу хавтастай болон цаасан хавтастай хувилбар хоёул Британид 1997 оны 7-р сарын 26–нд худалдаанд гарсан. АНУ-д хатуу хавтаст хувилбар 1998 оны 9-н сарын 1 – нд, цаасан хавтаст хувилбарыг 1999 оны 9-н сарын 8-нд, тус тус худалдаанд гарчээ.

Ном нь АНУ-д маш их амжилт олсон бөгөөд Scholastic номоо хоёрхон сарын дотор 3 дахь удаагаа хэвлэж байжээ. Хатагтай Роулинг АНУ-ын хотуудаар (Денвер, Нью-Йорк, Сан-Франциско, Чикаго, Сиэтл) номны нээлтийн өдөрлөгүүдийг даган аялсан ажээ.

Гадаад холбоос[засварлах | кодоор засварлах]

  1. "​Харри Поттер ба шидэт чулуу". Nepko. April 2009. Retrieved 18 September 2010. {{cite web}}: zero width space character in |title= at position 1 (help)