Цүлтэмийн Мөнхжин

Цүлтэмийн Мөнхжин нь (1963 онд төрсөн) Монгол улсын урлагийн гавьяат зүтгэлтэн, удам дамжсан бөгөөд Ц.Энхжингийн ихэр уран зураач хүн юм.

Монгол Улсын Хөдөлмөрийн баатар, Ардын Зураач, Урлагийн Гавьат Зүтгэлтэн , Төрийн шагналт зураач Ням-Осорын Цүлтэмийн хүүхдүүдийн нэг юм.

Намтар

Монголын нэрт зураач Цүлтэмийн ихэр хөвгүүд болох Ц. Энхжин, Ц. Мөнхжин нар эрдэмд шамдан суралцсаар 10 дугаар ангиа буюу тухайн үеийн Ерөнхий Боловсролын сургуулиа хоёулаа “Алтан медаль”-тай онц төгсөж байсан түүхтэй.

Ц.Мөнхжин нь 1976 онд ЗСБНХУ-ын Мовсква хотноо С.Г.Строгановын нэрэмжит Москвагийн Урлаг, аж үйлдвэрийн академийг зураач мэргэжлээр төгсжээ.

Уран бүтээлийн үзэсгэлэн

Ц. Мөнхжин нь 1976 оноос эхлэн Монголын урчуудын эвлэлийн хорооноос зохион байгуулдаг "Хавар", "Намар" зэрэг ээлжит үзэсгэлэнгүүдэд тасралтгүй оролцож иржээ.

• 1978 онд Польшийн Варшав хотод олон улсын үзэсгэлэн
• 1979 онд хуучнаар Чехославак улсад олон улсын үзэсгэлэн
• 1986 онд Финланд улсын Лахти хотод олон улсын үзэсгэлэн
• 1986 онд Америкийн нэгдсэн улсын Нью-Йорк хотод НҮБ шуудангийн тамганы тэмцээн
• 1990 онд Улаанбаатар хотноо бие даасан уран бүтээлийн үзэсгэлэн
• 1996 онд Япон улсын Осака хотод "Пэйнтинг 96" үзэсгэлэн
• 1996 онд Япон улсын Гумна хотод бие даасан үзэсгэлэн
• 1997 онд Япон улсын Цукуба хотод бие даасан үзэсгэлэн
• 2000 онд Америкийн нэгдсэн улсын Нью-Йорк, Сан-Франциско хотод Монголын үзэсгэлэн

2000 оноос хойш бие даасан болоод хамтарсан олон арван үзэсгэлэнд оролцоод байна.

Гавьяа шагнал

1990 онд Монголын урчуудын эвлэлийн нэрэмжит шагнал

Цахим холбоос

• Ц.МӨНХЖИН ЗУРААЧИЙНД ӨНЖИВ
• Ц.Мөнхжин: Чөлөөт сэтгэлгээний урлаг гэж томъёолох хэрэггүй
• МУСГЗ, зураач Ц.Мөнхжин: ЗАЛУУЧУУД ИТГЭЛ АЛДАРЧ, ЗЭВЭРСЭЭР БАЙГААД ДУУСЧ БОЛОХГҮЙ БИЗ ДЭЭ
• МУУГЗ Ц.Мөнхжин : ЖИРИЙН УХААН ГЭЖ БАЙНА, МӨН ТӨРИЙН УХААН ГЭЖ БАС БИЙ
• Номын тухай нэвтрүүлэг - Зураач Ц.Мөнхжин