Эрээдэрийн Лувсандагва

Эрээдэрийн Лувсандагва
Төрсөн	Монгол улсын Архангай аймгийн Хайрхан сум
Харьяалал	Монгол үндэстэн
Иргэншил	Монгол
Мэргэжил	эмч

Эрээдэрийн Лувсандагва -(1933 онд Арханай аймгийн Хайрхан суманд төрсөн-2019 онд нас барсан) Монгол улсын Ардын Эмч 2000 онд хүртсэн, ШУА-ийн академич, Монгол улсын хүүхдийн анагаахыг үндэслэгчдийн нэг хүүхдийн эмч.

Намтар

• Монгол Улсын Их Сургуулийн анагаах ухааны ангийг 1956 онд төгсч,
• Зөвлөлт Холбоот Улсад хүүхдийн эмчийн дээд курст 1959-1961 онд суралцаж мэргэжил дээшлүүлсэн.

1969 онд Москва хотод “БНМАУ дахь бага насны хүүхдийн сульдаа өвчний тархвар эмгэг жам, эмнэлзүй эмчилгээ урьдчилан сэргийлэлт” сэдвээр дэд доктор, 1990 онд “Монгол орны байгаль цаг уурын янз бүрийн нөхцөлд хүүхдийн бөөрний олдмол ба төрөлхийн эмгэгийн эзлэх хувийн жин, оношилгоо эмчилгээний асуудал” сэдвээр доктор (Sc.D)-ын зэрэг хамгаалсан. 1994 онд Монгол улсын ШУА-ийн жинхэнэ гишүүн, академич хэргэм хүртжээ.

1956 оноос хүүхдийн эмнэлгийн тасгийн эрхлэгч, ерөнхий эмч,

1962-1976 онд Анагаахын Ухааны Дээд Сургуулийн хүүхдийн эмгэг судлалын багш, тэнхмийн эрхлэгч,

1977-1988 онд Эх нялхсын эрдэм шинжилгээний хүрээлэнгийн захирал, 1988-1997 онд Эх нялхсын эрдэм шинжилгээний улсын төвд эрдэм шинжилгээ эрхэлсэн тэргүүн дэд захирал, зөвлөх эмч, 1998-2007 онд Эх нялхсын эрдэм шинжилгээний төвийн бөөр, дотоод шүүрлийн эмгэгийн зөвлөх эмч.

АУДС-д 17 жил багшлахдаа 6000-аад шавьтай болсны дотор хүүхдийн нэрт эмч олныг төрүүлжээ. 1956 оноос хойш 40 гаруй жилд 80-аад мянган хүүхдийг эмчилсний дотор Украин, Энэтхэг, Болгар, Солонгос, Герман, Япон хүүхдүүдийг эмчилжээ.

ЗХУ-ын Чернобылийн атомын цахилгаан станцын сүйрлийн үед туяаны хордлогод өртсөн хүүхдүүдийг уламжлалт нарсан ойн агаар засал, гүүний саам, чацарганы тос, чацарганы ундаа хэрэглэж эмчилсэн арга нь дэлхийн бусад орнуудад өндөр үнэлэгдсэн байна.

Бүтээлүүд

• Хүүхдийн бөөр, шээсний замын өвчлөл, сульдаа өвчний талаар эрдэм шинжилгээний бүтээлүүд туурвисан нь гадаадын мэргэжил нэгтнүүдээс өндөр үнэлэлт авчээ.

Цол зэрэг

• Анагаах ухааны доктор /1990/ - сэдэв:“Тархвар зүйн болон эмнэл зүйн судалгаагаар БНМАУ-ын хүүхдийн нийт өвчлөлийн бүтцэд бөөрний өвчний эзлэх хувь”
• профессор /1992/,
• Монголын Анагаах Ухааны Академийн академич /1994/ цол хүртжээ.

Гавьяа Шагнал

Эх, нялхас, хүүхдийн эрүүл мэндийг хамгаалах үйл хэрэгт үнэтэй хувь нэмэр оруулсан учир

• БНМАУ-ын Хүний Гавьяат Эмч /1986-04-03. №79/,
• Монгол улсын Ардын Эмч /2000-12-26. №174/,
• Хөдөлмөрийн гавьяаны улаан тугийн одон,
• “Алтан гадас” одон, ойн хүндэт медалиуд,
• Эрүүл мэнд, шинжлэх ухаан, МҮЭ, МЭХ-ны тэргүүний ажилтан цол, тэмдэг,
• Монголын Хүүхдийн төлөө үндэсний төвийн “Хүүхдийн нөхөр-буяны эзэн” цом,
• “Монголын саран ээж” нийгэмлэгийн “Саран ээжийн эрхэм хүү” өргөмжлөл,
• МАХН, Монголын ахмадын холбоо, МУЗН-ийн хүндэт тэмдэг,
• Украин улсын Гавьяаны III зэргийн одонгоор /Монгол Улсаас анх/ шагнагджээ.