Анна Герман

Анна Герман

Анна Викториа Герман (польшоор Anna Wiktoria German-Tucholska, оросоор: Анна Виктория Герман, * 1936 оны 2 сарын 14 Урганч, ЗСБНУУ; † 1982 оны 8 сарын 25-нд Варшав) нь Оросын Герман гаралтай польшийн дуучин байсан юм. Анна Герман нь польш, оросоор голчлон дуулахаас гадна герман, англи, итали, испани, монгол болон латин хэлээр хүртэл дуулдаг байв.

Намтар[засварлах | кодоор засварлах]

Анна Викториа Герман нь тухайн үеийн Зөвлөлт Холбоот Улсын нэгэн хэсэг байсан Узбекистаны нэгэн жижигхэн хот болох Ургенчэд төржээ. Түүний эцэг эх нь Оросын Герман гаралтай меннонитийн шүтлэгтэй улсууд байсан. Эцгийг нь Ойген Хөрманн гэх ба оросын германы тосгоны санваартаны гэр бүлээс гаралтай нэгэн байв. Тэрбээр польшийн Лодзь хотоор (тухайн үед Оросын хаант улсын нэг хэсэг байж) аялал хийж явахад төрсөн учир зарим нэгэн эх сурвалжид польш хүн мэтээр дурдсан байдаг. Герман гэх овгийн нэр нь германы Хөрманн[1] нэрийн оросжсон хэлбэр аж. 1937/38 оны үед Аннагийн эцэг Ойгеныг зөвлөлтийн Дотоод Хэргийн Ардын Комиссариат цаазаар авсан ажээ. Үүний дараа Анна, түүний эх болон эмэг эхийн хамтаар Хиргис улс руу нутаг заагджээ. Анна эхтэйгээ германы платдийч аялгаар хоорондоо ярьдаг байв.[2]

Варшав дахь Анна Германы булш

Аннагийн эх Ирма нэг хэсэг хугацаанд зөвлөлтийн дунд сургуульд герман хэлний багш хийж байсан байна. Дэлхийн хоёрдугаар дайн эхэлсний дараа Ирма өөрийнхөө герман гарлыг нуун нидерланд үндэстэн хэмээн өөрчилсөн нь Герман-Зөвлөлтийн дайны уршгаар ихэнх оросын германыг мөрдөн мөшгөж эхэлснээс үүдэн гэр бүлээ хамгаалах зорилготой хийсэн алхам юм. Үүний дараа мөн л Узбек руу цөлөгдсөн байсан польшийн Херман Гернер гэх нэгэн офицертой Ирма дахин гэр бүл болсон ба 1946 онд тэд польш руу шилжин суурьшив. Анна ЗХУ-д байхдаа ганцхан жил сургуульд сурсан ч орос хэлийг сурч чаджээ.

Эхлээд тэд польшийн Нова Руда хотод суурьшин амьдарч байгаад 1949 онд Бреслау руу нүүжээ. Анна тус хотын их сургуулийг геологийн мэргэжлээр суран амжилттай төгсчээ. Оюутан байхдаа л Вроцлавын Каламбур театрт дуучнаар үе үе тайзан дээр гарч байв. Түүний дуучнаар анхныхаа амжилт олсон нь 1964 онд болсон Ополегийн польш дууны улсын фестивальд амжилттай оролцсоноор эхлэв. Нэг жилийн дараа Сопотын хөгжмийн фестивальд тэргүүн байрыг эзэлсэн байна.

1967 онд италийн нэлээд нэр хүнд бүхий Санремогийн фестивальд оролцох урилга хүлээн авчээ. Gi нэртэй дуугаараа тус фестивальд оролцон баруун европод анхныхаа амжилтыг оллоо. 1967 онд автомашины осолд орон азаар амьд үлдсэн ба эргээд 1972 оноос тайзан дээр гарч эхэлжээ.

Уран бүтээл[засварлах | кодоор засварлах]

Цомог[засварлах | кодоор засварлах]

  • Na tamten brzeg (1964)
  • Tańczące Eurydyki (1965)
  • Recital piosenek (1967)
  • I classici della musica napoletana (1967)
  • Człowieczy los (1970)
  • Domenico Scarlatti - Arie z opery Tetide in Sciro (1971)
  • Wiatr mieszka w dzikich topolach (1972)
  • To chyba maj (1974)
  • Anna German (1978)
  • Pomyśl o mnie (1979)
  • Tylko w tangu/Dookoła kipi lato (1979)
  • Śpiewa Anna German (1979)
  • Надежда (1980)
  • Последняя встреча (1982)

Сингл[засварлах | кодоор засварлах]

  • "The Man I Love" (1964)

Нас барснаас нь хойших хэвлэлт[засварлах | кодоор засварлах]

  • 1984 Jesteś moja miłością LP
  • 1987 Эхо любви - live '79 LP
  • 1989 Anna German LP
  • 1989 Znaki zapytania LP
  • 1990 Powracające słowa vol. 1 LP
  • 1990 Powracające słowa vol. 2 LP
  • 1991 Zakwitnę różą CD
  • 1991 Recital piosenek CD
  • 1994 Nasza ścieżka CD
  • 1994 Złote przeboje neapolitanskie MC
  • 1995 Planeta Anna part 1 MC
  • 1995 Planeta Anna part 2 MC
  • 1996 Незабытый мотив CD
  • 1996 Лучшие песни CD
  • 1998 Когда цвели сады CD
  • 1998 Wiatr mieszka w dzikich topolach CD
  • 1999 Tańczące Eurydyki CD
  • 1999 Platynowa kolekcja CD
  • 1999 Złote przeboje CD
  • 1999 Bal u Posejdona (Złota kolekcja) CD
  • 1999 Антология советского шлягера MC
  • 2000 Анна Герман. Российская эстрадная музыкальная энциклопедия CD
  • 2000 Последняя встреча CD
  • 2001 Любви негромкие слова CD
  • 2001 Ваши любимые песни CD
  • 2001 Tańczące Eurydyki CD
  • 2001 Recital piosenek CD
  • 2001 Człowieczy los CD
  • 2001 Wiatr mieszka w dzikich topolach CD
  • 2001 Domenico Scarlatti - Arie z opery "Tetida in Sciro" CD
  • 2001 To chyba maj CD
  • 2001 Pomyśl o mnie CD
  • 2001 Lutschschee - Swjosdy sowetskoj estrady CD
  • 2002 Najlepsze piosenki CD
  • 2003 Наши лучшие песни CD
  • 2003 Człowieczy los collection CD
  • 2003 Золотой век русской эстрады CD
  • 2003 Посидим, помолчим. Полное собрание песен vol.1 CD
  • 2003 Спасибо тебе мое сердце. Полное собрание песен vol.2 CD
  • 2004 Złote przeboje CD
  • 2004 Самое лучшее CD

Цахим холбоос[засварлах | кодоор засварлах]

 Commons: Анна Герман – Викимедиа дуу дүрсний сан

Эшлэл[засварлах | кодоор засварлах]

  1. Герман хэлний "H" үсэг орос хэлэнд "Г"-үсгээр хөрвүүлэх "Ö"-үсгийг оросын цагаан толгойд "Ө"-үсэг байхгүй учир ойролцоо дуудлага бүхий "Ё" үсгээр орлуулан хөрвүүлдэгээс үүдэлтэй
  2. Anna-German-Festival 2005 (Memento 4. Нэгдүгээр сар 2014 цахим архивт), plautdietsch-freunde.de, 2011-02-21