Олон Улсын Олимпын Хороо

Олон Улсын Олимпын Хороо; Comité international olympique (фр.); International Olympic Committee (англ.); (ОУОХ)
Зорилго:	Олимпын наадмыг зохион явуулах, үйл ажиллагааны хангалтыг хянах
Удирдлага:	Томас Бах, ерөнхийлөгч
Байгуулагдсан огноо:	1894 оны 6 сарын 23
Гишүүдийн тоо:	107 хүн (Мэдээ: 2014 оны хоёрдугаар сар, сайн дурын гишүүдийг оролцуулаагүй)
Төв байр:	Лозанна, Швейцари
Цахим хуудас:	www.olympic.org

Олон Улсын Олимпын Хороо (ОУОХ) (Франц: Comité international olympique, Англи: International Olympic Committee) нь Швейцарийн Лозанна хотод төвтэй Олимпын наадмын төрөл багтдаг спортын холбоодын эрх барих дээд байгууллага юм. Энэхүү байгууллагыг 1894 оны зургаадугаар сарын 23-нд Францын багш, түүхч мэргэжилтэй Пьер де Кубертэн болон Грекийн бизнесмен, зохиолч Деметриус Викелас нар үүсгэн байгуулжээ.

МЭӨ 393 - МЭӨ 776 оны хооронд зохион байгуулагдаж байсан олимпын наадмын түүчээ ОУОХ-ны удирдлаган дор 1896 оны дөрөвдүгээр сарын 6-нд Грекийн нийслэл Афин хотноо зохион байгуулагдсан нь орчин үеийн анхны олимпын наадам хэмээн түүхнээ тэмдэглэн үлджээ.

Дэлхийн 203 орон ОУОХ-ны хөдөлгөөнд гишүүн орноор нэгдсэн байдаг ба 134 нэр зүтгэлтэн хүмүүс олимпын хөдөлгөөний бэлгэ тэмдгийн гишүүн алдрыг зүүжээ.

Тэргүүнүүд

Тэргүүн	Улс	Ажилласан огноо
Деметриус Викелас	Грек	1894—1896
Барон Пьер де Кубертен	Франц	1896—1916 болон 1919—1925
Барон Годфруа де Блоне	Швейцар	1916—1919
Каунт Анри де Байе-Латур	Бельги	1925—1942
Зигфрид Эдстрём	Швейцар	1946—1952 (1942—1946)
Эвери Брендеж	Америкийн Нэгдсэн Улс	1952—1972
Лорд Майкл Моррис	Ирланд	1972—1980
Маркиз Хуан Антонио Самаранч	Испани	1980—2001
Граф Жак Рогге	Бельги	2001—2013
Томас Бах^[1]	Герман	2013-