Оросын Хуурай замын цэрэг

Оросын Хуурай замын цэргийн сүлд

Оросын Хуурай замын цэрэг (орос: Сухопутные войска Российской Федерации буюу СВ) нь Зөвлөлт Холбоот Улс задарсны дараа 1992 онд байгуулагдсан ОХУ-ын Зэвсэгт хүчний цэргийн нэгэн гол бүрэлдэхүүн хүчин бөгөөд тус улсын батлан хамгаалах аюулгүй байдал, нутаг дэвсгэрийн бүрэн бүтэн байдлыг хангаж, ашиг сонирхолын эсрэг гадны дайсны түрэмгийллээс хуурай газар дээр хамгаалах үүрэгтэй цэргийн салбар юм. Хуурай замын цэргийн ерөнхий командлал нь Москва хотод байрлаж, Хуурай замын цэргийн ерөнхий командлагчийг ОХУ-ын Зэвсэгт хүчний ерөнхий командлагч томилдог.

Оросын Хуурай замын цэргийн далбаа

Хуурай замын цэрэг нь мотобуудлагын цэрэг, танкийн цэрэг, пуужингийн цэрэг, артиллерийн цэрэг, агаарын довтолгооноос хамгаалах цэрэг, тагнуулын, харилцаа холбооны, цахим дайны, инженер техникийн, радиохимийн, тээврийн, арын албаны цэрэг гэсэн төрөлжсөн салбар анги нэгтгэлээс бүрдсэн 500,000 гаруй цэрэг, офицертой.

Хуурай замын цэргийн хүчин 2022 оны 2 сараас хойш Украин дахь цэргийн тусгай ажиллагаанд оролцож байгаа.

Бүтэц

Хуурай замын цэргийг таван цэргийн тойрогт хуваадаг.

1. Ленинградын цэргийн тойрог: Төв штаб нь Санкт-Петербург хотод байрладаг. 6, 11, 14, 44-р армийн корпус харьяалагддаг.
2. Москвагийн цэргийн тойрог: Төв штаб нь Москва хот. 1, 20-р танкын гвард харьяалагддаг.
3. Өмнөдийн цэргийн тойрог: Төв штаб нь Донын Ростов хот.
4. Төвийн цэргийн тойрог: Төв штаб нь Екатеринбург.
5. Алс Дорнодын цэргийн тойрог: Төв штаб нь Хабаровск.

Хуурай цэргийн командлагчид

• 1991 —1996 онд Владимир Семёнов, хурандаа генерал, 1996 оноос армийн генерал,
• 2001 — 2004 онд Николай Кормильцев, хурандаа генерал, 2003 оноос армийн генерал,
• 2004 — 2008 онд Алексей Маслов, хурандаа генерал, 2006 оноос армийн генерал,
• 2008 — 2010 онд Владимир Болдырев, армийн генерал,
• 2010 — 2012 онд Александр Постников, хурандаа генерал,
• 2012 — 2013 онд Владимир Чиркин, хурандаа генерал,
• 2013 — 2014онд Сергей Истраков, дэслэгч генерал, үүрэг гүйцэтгэгч,
• 2014 — Олег Салюков, хурандаа генерал, 2019 оноос армийн генерал

Зэвсэг

Оросын Хуурай замын цэргийн зэвсэглэл

Загвар	Зураг	Үйлдвэрлэсэн улс	Тоо ширхэг	Тайлбар
Байлдааны үндсэн танк
Т-90М		ОХУ	120
Т-90 Т-90А			100
Т-80У		ЗХУ	150
Т-80БВ
Т-80БВМ		ЗХУ/ОХУ	100
Т-72Б3			650
Т-72БА			300
Т-72Б		ЗХУ
Т-72Б төрөл 1989
Т-72А
Танк эсэргүүцэх байлдааны машин
Терминатор		ОХУ	8
Явган цэрэг тээвэрлэгч байлдааны машин
БМП-1 БМП-1АМ		ЗХУ	800
БМП-1АМ		ЗХУ/ОХУ
БМП-2		ЗХУ	2100
БМП-2М		ЗХУ/ОХУ
БМП-3/М			350
БТР-82А БТР-82АМ		ОХУ	700
Байлдааны хуягт машин
МТ-ЛБ		ЗХУ	2500
БТР-80		ЗХУ/ОХУ	1200
БТР-70		ЗХУ	200
БТР-60			800
АМН-590951 «Урал»		ОХУ	20
Тигр			Тодорхойгүй
Рысь		Итали/ОХУ
Тайфун-К		ОХУ
Линза
Байлдааны робот
Уран-9		ОХУ	Тодорхойгүй

Холбоотой өгүүлэл

• Оросын Зэвсэгт Хүчин
• Оросын Агаар-Сансарын цэрэг