Элфрид Пейтон
| Элфрид Пейтон | |
| Elfrid Payton | |
 Элфрид Пейтон 2014 онд | |
| «Орландо Мэжик» — № 4 | |
| холбон тоглогч | |
| Өндөр: | 193 см |
| Жин: | 84 кг |
| Иргэншил: |  Америкийн Нэгдсэн Улс
|
| Мэндэлсэн: | 1994 оны 2 сарын 22, Луизиана, Гретна |
| Ахлах сургууль: | Жон Эретийн нэрэмжит (Луизиана, Жефферсон) |
| Их сургууль: | Луизиана-Лафайетт (2011—2014) |
| Драфт: | 10, 2014, Филадельфия Севенти Сиксерс |
| Тоглогчийн замнал | |
| |
Элфрид Пейтон, бага (Англи: Elfrid Payton, Jr.; 1994 оны хоёрдугаар сарын 22, Луизиана, Гретна) — Америкийн мэргэжлийн сагсан бөмбөгчин бөгөөд НБА-гийн «Орландо Мэжик» багт холбон тоглогчоор тоглодог.
Замнал
[засварлах | кодоор засварлах]Коллежийн IV дамжаанд 19.2 оноо, 5.9 дамжуулалт, 6.0 самбар, 2.3 таслалт дунджилсан Пейтон 2014 оны зургаадугаар сарын 26-нд драфтын №10-аар «Орландо Мэжик» багт хуваарилагдаж,[1] долоодугаар сарын 2-нд гэрээлсэн.[2]
Пейтон 2015 оны нэгдүгээр сарын 16-нд «Мемфис Гриззлисийн» эсрэг (96:106) улирлын дээд 22 оноо, 12 дамжуулалтаа бүртгүүлсэн ба дорнод бүсээс «шинэ оддын I шигшээд» багтав.[3] 2015 оны гуравдугаар сарын 18-нд «Даллас Мавериксийн» эсрэг (102:107) 15 оноо, 12 дамжуулалт, 10 самбараар анхны трипл-даблаа хийсэн.[4] Залгуулаад гуравдугаар сарын 20-нд «Портленд Трэйл Блэйзерсийн» эсрэг (111:104) 22 оноо, 10 самбар, 10 дамжуулалтаар трипл-дабл хийж багийн түүхэнд «рүүки» Антуан Уокерийн 1997 онд тогтоосон амжилтыг давтав.[5]