A Rush of Blood to the Head

A Rush of Blood to the Head
A Rush of Blood to the Head хавтас
Coldplay-н Студи цомог
Худалдаанд гарсан 2002 оны 8 сарын 26
Бичүүлсэн 2001 оны 9-р сарын 17 - 2002 оны 6-р сар
Жанр альтернатив рок
Нийт хугацаа 54:08
Хэл Англи
Шошго Parlophone,Capitol
Продюсер Кэн Нэлсон, Coldplay
Coldplay хронологи
Parachutes
(2000)
A Rush of Blood to the Head
(2002)
X&Y
(2005)
Singles from A Rush of Blood to the Head
  1. "In My Place"
    Released: 2002 оны 8-р сарын 5
  2. "The Scientist"
    Released: 2002 оны 11-р сарын 4
  3. "Clocks"
    Released: 2002 оны 12-р сарын 11
  4. "God Put a Smile upon Your Face"
    Released: 2003 оны 7-р сарын 14

A Rush of Blood to the Head цомог нь Британий Coldplay хамтлагийн 2 дахь студи цомог. 2002 оны 8 сарын 26-нд Их Британи-д Parlophone-оор цацагдсан бөгөөд цомгийн продюсерээр Английн хөгжмийн продюсер, зохиолч Кэн Нэлсон ажиллажээ. Анхны цомог болох Parachutes-ыг гаргасны дараа тэдний нэр хүнд дэлхий даяар тархсан бөгөөд "Yellow" дуу нь цацагдсаны дараачаар тэд уг цомгийн ажилд оржээ. Цомгийн ажил эхлэхээс ердөө 7 хоногийн өмнө буюу 9 сарын 11-нд АНУ-д ихэр хоёр цамхагийг нураасан халдлага гарснаас зарим дуу нь /жишээ нь Politik/ үүнээс сэдэвлэж зохиогдсон байна. Уг цомогт багтсан дуунуудад өмнөх цомгоос илүүтэй төгөлдөр хуур, цахилгаан гитар гоцолсон хөгжим давамгайлжээ.

Анх төлөвлөсөн хугацаанаасаа 2 сарын дараа буюу 2002 оны 8 сард уг цомог нь бэлэн болсон. АНУ-д Capital Records-оор уг цомог 8 сарын 27-нд цацагдсан. Capitol Records мөн A Rush of Blood to the Head цомгийн дахин шинэчилж мастерчилсан хувилбарыг "Capitol-ын агуйгаас" цомгийнхоо хэсэг болгон 2008 онд гаргасан. Энэ цомог ColdplayParachutes-ээс олсон нэр хүндийг үргэлжлүүлсэн бөгөөд Колдплэй хамтлагийг дэлхийн нэртэй хамтлагуудын нэг болгож чаджээ. Гарсан даруй Их Британы шилдэг борлуулалттай цомгийн жагсаалтыг тэргүүлсэн ба 21-р зууны Их Британы шилдэг цомгийн 8 дугаарт ордог. Дэлхий даяар нийт 15 сая хувь, Их Британид 2.7 сая хувь борлогдсоноос "Британы дуу бичлэгийн үйлдвэр" цомогт 9x платинум гэрчилгээ олгосон байна. Цомгоос "In My Place", "The Scientist", "Clocks", "God Put a Smile upon Your Face" гэсэн хит синглүүд гарсан.

A Rush of Blood to the Head шүүмжлэгчдээс өндөр үнэлгээ авсны зэрэгцээ 2003 оны Грэмми Авардс-д "Шилдэг алтернатив цомог" шагналыг авч өмнөх цомгийн амжилтыг үргэлжлүүлжээ. Мөн "Clocks" дуу нь 2004 оны Грэмми Авардс-д "Шилдэг бичлэг" шагналыг хүртсэн юм. 2003 онд уг цомгийг Rolling Stone сэтгүүл Бүх цаг үеийн шилдэг 500 цомгийн жагсаалтын 473-д нэрлэжээ.

Цомгийн бүтээх явц[засварлах | кодоор засварлах]

Хамтлаг шинэ цомгийн ажилдаа 2001 оны 9-р сарын 11ний халдлагийн дараа орсон бөгөөд хамтлаг зорилгоо: "Шинэ дуунууд шинэ өнгө аясыг асуулсан,сонсогчиддоо ямар нэгэн дарамт болохгүй байх, хүн бүхэн өөрийн зорьсон зорилгодоо хүрэх ёстой." хэмээн тодорхойлжээ.Тиймээс энэхүү цомгийн ихэнх дууны үг яарсан тэвдсэн өнгө аястай байжээ.Мартин хэлэхдээ: "бидний өмнөх дуунууд хүнийг тайвшруулж сэтгэл санааг тайван байлгахад чиглэгдсэн,харин энэ цомгийн зарим дуун дээр бага зэрэг яарсан өнгө аястай байж магадгүй.Энэ нь бидний байсан газрууд болон олж авсан туршлагаас үүдэлтэй." хэмээн тайлбарлажээ.Мартин энэхүү өнгө аясыг тайбарлахдаа:'Цомгийн нэр нь "өөрийнхөө хэмнэлийг мэдрэн ямар нэгэн зүйл хий" гэсэн утгатай.' гэжээ.Энэ цомгийн хэд хэдэн дуу нь үерхэл,харилцааны тухай байдаг.Эдгээр дуунууд нь бодит байдлаас урган гарч ирсэн бөгөөд Мартин хэлэхдээ: "эдгээр дуу нь зохиомол зохиол хэлбэрээр бичигдсэн,дуунууд нь яг үлгэр шиг:'бүгд эхлэл төгсгөлтэй, төгсгөл нь гайхалтааар дуусдаг.Бодит амьдрал үүн шиг биш'" хэмээн тайлбарлажээ.

Энэхүү цомог нь ызохиол хэлбэрээр дуулагддаг акоустик гитар болон төгөлдөр хуур дээр голлон суурилагдсан дуунуудтай.U2 хамтлагийн хэв маягтай төстэй "Рок" хэв маягаар цомгийн эхний дуу "Politik" эхлэн улмаар төгөлдөр хуур дээр суурилсан "Clocks" цаашлаад чанга гитар дээр суурилсан "A Whisper" дуунуудаар үргэжилдэг нь хамтлагийн хөгмжийм цар хүрээг тэлж өгсөн хэмээн үздэг.Крис Мартин цомгийн гарчиг дуу болох 'A Rush of Blood to The Head'-г Америкийн ая зохиогч-дуучин Johnny Cash-г өөрийнхөө мэдэх шилдэг гиарчин хэмээн хүндэтгэн зохиожээ.

"Green Eyes" дуугаа Крис Мартин 2 хүнд зориулан бичжээ.Нэг нь өөрийн Америк найз,нөгөө нь хамлагийн анд Жонни Баклэнд.

Нүүр зураг[засварлах | кодоор засварлах]

A Rush of Blood to the Head цомгийн нүүрийг зурагчин Sølve Sundsbø урласан. Тэрээр 1990ээд оны сүүлээр "Dazed & Confused" нэртэй загварын сэтгүүлд ажилдаг байсан ба өөрийгөө "технологийн мэдрэмж төрүүлэх, ямар нэгэн цагаан зураг" бүтэээдэг нэгэн гэж тайлбарлажээ. Уран бүтээлчийн хувиар Sundsbø өмнө нь хэний ч бүтээж байгаагүй дахин давтагдашгүй шинэ зүйл бүтээхийг оролджээ. Ингээд тэр 3 хэмжээст скан хийдэг машины тусламжтайгаар өөрийнхөө төсөөлсөн зургийг дардаг байжээ.[1]

Шүүмжлэгчдийн үнэлгээ[засварлах | кодоор засварлах]

Худалдаанд гарсан цагаасаа эхлэн A Rush of Blood to the Head цомог нь шүүмжлэгчдийн дийлэнх олонхоос нь сайн үнэлгээ авсан. Шүүмжлэгчдийн үнэлгээг нэгтгэдэг Metacritic цахим хуудсанд мэдээлснээр цомог нь мэргэжлийн 25 шүүмжлэгчийн нэгтгэсэн дүнгээр боломжит 100 онооноос 80 оноо авсан.[2] Дийлэнх олонх шүүмжлэгч нар энэ цомгийг тэдний өмнөх цомог болон Parachutes-тэй холбон дүгнэсэн.[3] The Guardian сэтгүүлийн Алекис Петридис хэлэхдээ: "Энэ цомогт шинэ зүйл их байна  Parachutes цомгийг эндээс хайх хэрэггүй" гэсэн байна. Тэрээр цааш нь дүгнэхдээ, "Энэ цомог дэлхийг байлдан дагуулах аяндаа бэлэн болжээ. Үүндээ ч ялах болно" гэжээ.[4]

The New York Times-н Келэфа Саннэх цомгийг өндрөөр үнэлсэн бөгөөд тэрээр хэлэхдээ "энэ жилийн шилдэг шилдэг цомгуудын нэг" гэсэн байна. Үүнийгээ тайлбарлахдаа тэрээр: "Өмнөх цомгоосоо энэ цомог илүү их цар хүрээг хамарсан, илүү их дурсагдахуйц болсон" хэмээжээ.[5] Rolling Stone сэтгүүлийн Роб Шеффиэлд хэлэхдээ, "A Rush of Blood to the Head нь илүү их сэтгэл хөдөлгөсөн, гэнэтийн зүйлсээр дүүрэн цомог" гээд цааш нь "Parachutes нь хүлээстэй хүүхдийн болхи дэвтэр шиг байсан бол A Rush of Blood дээр хамтлагийн өөрсдийн хязгаараа шалгасан" хэмээжээ.

Цомгийн дүгнэлт[засварлах | кодоор засварлах]

Борлуулалт болон Чартад эзэлсэн байр[засварлах | кодоор засварлах]

Coldplay хамтлаг энэхүү цомгийн аялан тоглолтоо өөрсдийн цомгийн нэр болох A Rush of Blood To The Head гэж нэрлэсэн.

A Rush of Blood To The Head нь худалдаанд гарсан эхний долоо хоногтоо Их Британы цомгийн Чартад бичигдэж эхэлжээ.Энэхүү цомог нь эхний долоо хоногтоо 273,924 борлуулалт хийсэн нь Чартын 1-р байранд бичигдэхэд хангалттай байлаа.Их Британы урлагийн холбоо 'A Rush of Blood to The Head' цомгийн 2,7 сая борлуулалт хийсэн учир 9 удаа 'Platinum' гэрчилгээ олгожээ.Улмаар The Scientist. Clocks цомгуудаа гаргаснаар A Rush of Blood to The Head нь чартад жил гаруй хугацаанд бичигджээ.Энэхүү цомог нь Их Британид 21-р зуунд хамгийн их борлуулагдсан цомгуудын 7-р байранд бичигддэг.2011 оны 7-р сард, A Rush of Blood to The Head нь 250-р байрнаас 44-р байранд урагшлан чартад эргэн орж ирсэн нь чартад бичигдсэн бичигдсэн 250дах долоо хоног болжээ.2012 оны 2-р сард Британы 'Music Week' сэтгүүл A Rush of Blood to The Head цомгийг Их Британид нийт 2,804,606 хувь борлуулагдаад байгааг мэдээллсэн бөгөөд энэ нь Coldplay хамтлагийн хамгийн их борлуулалтай цомог болсныг баталжээ.

Америкт, A Rush of Blood To The Head нь худалдаанд гарсан эхний долоо хоногтоо 144,000 борлуулалт хийж BillBoard чартын 5-р байранд бичигджээ.Энэ Coldplay хамтлагийн хувьд BillBoard чартын эхний 5 байранд бичигдсэн анхны цомог болсон юм.2014 оны 7-р сарын байдлаар Америкт нийт 4,925,000 хувь борлуулагдаад байгаа бөгөөд Америкийн бичлэгийн студи 4 удаа 'Platinum' гэрчилгээ олгожээ.Энэхүү цомог нь Австрали улсад 7 удаа 'Platinum' гэрчилгээ авч ойролцоогоор 490 мянган борлуулалт хийжээ.Канад улсад энэхүү цомог 4 удаа 'Platinum' гэрчилгээ авсан бөгөөд өдгөө 400 мянга гаруй борлуулалт хийгээд байгаа ажээ.

Шагнал[засварлах | кодоор засварлах]

A Rush of Blood to the Head нь дотоодын болон гадаадын хөгжмийн олон шагналуудыг хүртсэн.2002 онд 'Q Awards'-с шилдэг цомог шагналыг авсан.Мөн Тухайн жилийнхээ Грэммийн шагналын "Шилдэг Алтернатив цомог" болон цомгийн In My Place дуугаараа "Шилдэг хамтлаг рок дуу" шагналыг тус тус хүртсэн.2003 онд A Rush of Blood to the Head "BRIT Awards"-с шилдэг Британи цомог , мөн тухайн жилийн Грэммийн наадам дээр хамтлаг өөрсдийн Clocks "Оны шилдэг бүтээл" шагналыг анх удаа хүртжээ.Ийнхүү тэд энэ цомгоороо 3 Грэммийн шагнал аваад байсан нь энэ юм.Тэдний авсан шагнал үүгээр дууссангүй 2003 оны MTV Video Music Awards-с "The Scientist" дуугаараа шилдэг хамтлаг клип, шилдэг найруулгатай клип, шилдэг шинийг сэдсэн клип гэсэн 3 шагналын эзэн болжээ.Мөн NME Awards-с оны шилдэг цомог гэсэн хүндтэй шагналыг хүртжээ.

Энэхүү цомог нь 2002 онд BillBoard сэтгүүлийн 'Шүүмжлэгчдийн сонголт'-р нэрлэгдэжээ.2012 онд RollingStone сэтгүүл бүх цагын үеийн шилдэг 500 цомгийн 466д A Rush of Blood to The Head-г нэрлэсэн.Мөн тэдний 21-р зууны эхний 10 жилийн шилдэг 100 цомгийн 21-р байранд нэрлэсэн.2007 онд Rock and Roll Hall of Fame бүх цаг үеийн шилдэг 200 цомгийн 65р байранд нэрлэгдсэн.2010 оны BRIT Awards дээр энэхүү цомог нь өнгөрсөн 30 жилийн шилдэг цомог төрөлд нэр дэвшсэн.

2013 онд "BBC" радио сонсогчдын санал асуулгаар Keane хамтлагийн Hopes and Fears, Пинк Флойд хамтлагийн Dark Side of The Moon цомгуудыг ардаа орхин бүх цаг үеийн шилдэг цомгоор сонгогджээ.

Дуунуудын жагсаалт[засварлах | кодоор засварлах]

Зохиогч Гай Бэрримэн, Жонни Баклэнд, Вилл Чэмпион болон Крис Мартин

Нэр Үргэлжлэх хугацаа
1. "Politik"   5:18
2. "In My Place"   3:48
3. "God Put a Smile upon Your Face"   4:57
4. "The Scientist"   5:09
5. "Clocks"   5:07
6. "Daylight"   5:27
7. "Green Eyes"   3:43
8. "Warning Sign"   5:31
9. "A Whisper"   3:58
10. "A Rush of Blood to the Head"   5:51
11. "Amsterdam"   5:19
Нийт үргэлжлэх хугацаа:
54:08

Цомгийг бүтээсэн уран бүтээлчид[засварлах | кодоор засварлах]

Coldplay


Техникийн болон бусад хүмүүс
  • Coldplay – продюсер, найруулагч, хөгжмийн хэв маяг
  • Andrea Wright - туслах инженер
  • Ann Lines - хийл тоглогч
  • Audrey Riley - хийл удирдаач, тоглогч
  • Ben Thackeray - туслах инженер
  • Blue Source - хэв маягийг
  • Chris Tombling - хийл тоглогч
  • Dan Green - the scientist-н гол дүр
  • Dan Keeling - A&R
  • Danton Supple - 2, 3, 6, 8, 10дах дуунуудын засварлагч
  • Dave Holmes - менежер
  • Estelle Wilkinson - менежер


  • George Marino - Мастер
  • Jon Bailey - туслах инженер
  • Jon Withnal - туслах инженер
  • Ken Nelson– продюсер, инжинеер, засвар
  • Laura Melhewish - хийл тоглогч
  • Leo Payne - хийл тоглогч
  • Mark Phythian - нэмэлт продюсер, засвар
  • Nettwerk - зохион байгуулалт
  • Peter Lale - хийлчин
  • Richard George - хийл тоглогч
  • Rik Simpson - нэмэлт инженер
  • Sølve Sundsbø - цомгийн нүүр зураг
  • Susan Dench - хийл тоглогч
  • Tom Sheehan - зурагчин
  • Zed Nelson - зурагчин

Чартад үзүүлсэн амжилтууд[засварлах | кодоор засварлах]

Чартууд[засварлах | кодоор засварлах]

Долоо хоног тутмын чарт Оргил
Амжилт
Аргентин[баримт хэрэгтэй] 1
Австрали[6] 1
Австри[6] 10
Белги[6] 2
Бразил[7] 1
Канад[8] 1
Дани[6] 1
Нидерланд[9] 3
Европ[10] 1
Финлянд[6] 4
Франц[6] 4
Герман[11] 1
Грек[12] 2
Ирланд[13] 1
Итали[6] 1
Мексик[14] 38
Польш[15] 25
Португал[16] 3
Испани[17] 4
Швед[18] 5
Швецарь[19] 1
Их Британи[20] 1
АНУ (Billboard 200)[21] 5

Бүх цаг үеийн чартууд[засварлах | кодоор засварлах]

Chart (All-time) Position
UK Albums (OCC)[22] 31

Нэмэлт холбоосууд[засварлах | кодоор засварлах]

  1. Benedictus, Leo (14 February 2008). "Sølve Sundsbø's best shot". The Guardian. London. Archived from the original on 2 October 2008. Retrieved 10 September 2008. {{cite web}}: Unknown parameter |deadurl= ignored (|url-status= suggested) (help)
  2. "Coldplay: A Rush of Blood to the Head (2002): Reviews". Metacritic. Retrieved 10 April 2012.
  3. "Reviews for A Rush of Blood to the Head by Coldplay". Metacritic. Retrieved 1 December 2011.
  4. Petridis, Alexis (16 August 2002). "Coldplay: A Rush of Blood to the Head". The Guardian. London. Retrieved 16 September 2008.
  5. Sanneh, Kelefa (14 August 2002). "POP REVIEW; Vertigo From the Falsetto and 'Parachutes'". The New York Times. Retrieved 15 September 2008.
  6. 6.0 6.1 6.2 6.3 6.4 6.5 6.6 Steffen Hung. "Hung Medien summary". Australian-charts.com. Retrieved 25 November 2010.
  7. "Balanço Semestral das Vendas Mundiais" (in Portuguese). Associação Brasileira dos Produtores de Discos. December 2005. Retrieved 4 August 2009.{{cite web}}: CS1 maint: unrecognized language (link)
  8. [[[:Загвар:BillboardURLbyName]] Billboard positions ]
  9. Steffen Hung (6 March 2009). "Dutch Albums Chart". Dutchcharts.nl. Archived from the original on 8 Хоёрдугаар сар 2010. Retrieved 31 December 2009. {{cite web}}: Unknown parameter |deadurl= ignored (|url-status= suggested) (help)
  10. "Hits of the World – Eurochart". Billboard. Nielsen Business Media, Inc. 14 September 2002. p. 69. Retrieved 27 June 2012.
  11. musicline.de / PhonoNet GmbH. "German Albums Chart". Musicline.de. Retrieved 25 November 2010.
  12. "Ελληνικό Chart". Web.archive.org. 3 March 2005. Archived from the original on 3 Гуравдугаар сар 2005. Retrieved 25 November 2010.
  13. "Irish Music Charts Archive – Top 75 Artist Albums, Week Ending 5 September 2002". Chart-track.co.uk. Archived from the original on 23 Есдүгээр сар 2015. Retrieved 27 June 2012.
  14. "Mexican Charts – Coldplay – A Rush of Blood to the Head (album)". Mexicancharts.com. Hung Medien. Archived from the original on 2012-10-22. Retrieved 27 June 2012.
  15. "23 września 2002 – Sprzedaż w okresie 09.09.2002 – 15.09.2002" (in Polish). OLiS. Retrieved 27 June 2012.{{cite web}}: CS1 maint: unrecognized language (link)
  16. "Hits of the World – Portugal". Billboard. 5 October 2002. p. 63. Retrieved 27 June 2012.
  17. "Hits of the World – Spain". Billboard. 14 September 2002. p. 68. Retrieved 27 June 2012.
  18. Steffen Hung (25 December 2009). "Swedish Albums Chart". Swedishcharts.com. Archived from the original on 3 Нэгдүгээр сар 2010. Retrieved 31 December 2009. {{cite web}}: Unknown parameter |deadurl= ignored (|url-status= suggested) (help)
  19. Steffen Hung. "Swiss Albums Chart". Hitparade.ch. Retrieved 31 December 2009.
  20. "UK Albums Chart". Theofficialcharts.com. Retrieved 25 November 2010.
  21. "Billboard 200". Billboard. Archived from the original on 6 Нэгдүгээр сар 2010. Retrieved 31 December 2009. {{cite web}}: Check |url= value (help); Unknown parameter |deadurl= ignored (|url-status= suggested) (help)
  22. Copsey, Rob (4 July 2016). "The UK's 60 official biggest selling albums of all time revealed". Official Charts Company. Retrieved 25 December 2016.