Ёл

Ёл
	;
Ховордолтын зэрэглэл
	; Ховордоогүй (ОУБХХ)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Харцагатан (эсвэл Шонхортон);
Овог:	Харцагынхан;
Дэд овог:	Aegypiinae;
Төрөл:	Gypaetus; Storr, 1784
Зүйл:	G. barbatus;
Латин нэр
	Gypaetus barbatus; (Карл Линней, 1758)

Нас бие гүйцсэн нь бор шаргал бие, толгойтой.

Залуу шувуу нь бараан зүстэй байна.

Ёл, мөн Ооч ёл гэгддэг, Gypaetus barbatus, нь Харцагынхан овгийн шувуу бөгөөд Gypaetus төрлийн ганц төлөөлөгч юм. Тэд Европын өмнөд хэсэг, Африк, Ази, Энэтхэг, Төвд, Монголд өндөр уулархаг газар суурин нутаглана. Альпын нуруунд аваачиж суурьшуулсан боловч ховор хэвээр байна.

Тэд голдуу улай сэгээр хооллох ба ясны чөмөг гол идэш нь болдог. Өндрөөс яст мэлхий болон томхон ясыг унагаж бяцлаад иддэг.

Гадаад төрх[засварлах | edit source]

Биеийн урт 95-125 см, далавчаа дэлгэхэд 3 м орчим том махчин шувуу юм. Биеийн жин 4.5-7.5 кг.

Нас бие гүйцсэн нь бор шаргал толгой, биетэй, хар ооч сахалтай. Далавч, сүүлний өд нь саарал өнгөтэй. Залуу ёл бүх бие нь барандуу зүстэй байх ба 5 жил болж байж бүрэн нас бие гүйцнэ. Ёл шувуу тэжээвэр нь 40 гаруй жил насладаг байна.