Боорчи

Чөлөөт нэвтэрхий толь — Википедиагаас
Jump to navigation Jump to search
Сүхбаатарын талбайд байх Боорчийн хөшөө

Боорчи нь Их Монгол улсынг байгуулахад оролцсон гавъяагаараа хамгийн нөлөө бүхий төр ба цэргийн нэрт зүтгэлтэн байсан юм. Тэрээр Их Монгол улсыг байгуулахад голлон оролцож гардан зохион байгуулагч төрийн гарамгай зүтгэлтэн төдийгүй олон удаагийн дайн , байлдаанд ялалт байгуулж байсан цэргийн чадварлаг жанжин хүн байжээ. Боорчи нь Чингис хааны хамгийн дотно шадарууд болох есөн өрлөгийн нэг билээ. Тэрээр Арулад овгийн Наху баяны хөвүүн байсан. Арулад овог нь Бодончирийн удмын Чаужин ортагайн хөвгүүн Аруладын байгуулсан овогтон юм. Чингис хаантай анх найман шаргыг алан хайх үед туслан нөхөрлөсөн үеэс эхлэн түүний шадар туслах нь болсон байна. Хожим 1206 онд их хуралдайгаар Алтай хавийн түмнийг мэдэх болж, түмний ноён болсон. 1227 оны орчимд таалал төгссөн бололтой. Түүний үр сад нь тухайн үедээ нэр нөлөө өндөртэй байсан нь томоохон тушаалд томилогдоход нөлөөлж байсан.