Коломбо

Чөлөөт нэвтэрхий толь — Википедиагаас
Харайх: Удирдах, Хайлт
Коломбо
хот
කොළඹ
கொழும்பு
Түүвэр зураг
Улс Flag of Sri Lanka.svg Шри-Ланка
Аймаг Өрнөд
Хошуу Коломбо
Хот Коломбо
Газар нутаг 37.3 км²
Газрын байц д.т.д. 1 м
Хүн ам 2011 онд 752,993 хүн
Хүн ам (бөөг.) 5,648,000 хүн
Цагийн бүс Шри-Ланкийн цаг (ГЦ+05:30)
Цахим хуудас colombo.mc.gov.lk (олон хэл)

Коломбо (лат-га. Colombo; син. කොළඹ; там. கொழும்பு) — Шри-Ланк улсын хуучин нийслэл, хамгийн том хот.

Хот арлын өрнөд төв эрэгт байдаг. 750 мянган хүнтэй. Хүй дүүргийн хамт хотын бөөгнөрөлд 5.6 сая хүн багтдаг.


Нэр[засварлах | edit source]

«Коломбо» нэр нь португал латин үсгээр 1505 онд Colombo гэж бичсэнээс олон улсад тархсан. Португал нэрийг Шри-Ланк нутгийн синхал хэлний කොලොන් තොට колон тхота (Келани голын боомт) гэсэн үгнээс гаралтай гэдэг.

Мөн синхал хэлний කොල-අඹ-තොට кола-амба-тхота (манго жимсний модтой эрэг) гэсэн утгаас үүссэн гэх таамаг бий. Португалын далайчин Христофер Колумбын нэртэй төстэй.

Ерөнхий[засварлах | edit source]

2001 оны байдлаар хүн ам нь 642,163. (Дагуул хотуудтайгаа нийлээд 2,234,289). Цейлон арлын баруун өмнөд хэсэгт, хойд өргөргийн 6°54' (6.90), дорнод уртрагийн 79°50' (79.8333)-д оршино. Химийн үйлдвэр, Шилний үйлдвэр, Арьсан бүтээгдэхүүн, гэрийн тавилга, эрдэнийн чулуу зэрэг Шри Ланкын томоохон компаниудын ихэнх нь Коломбод төвлөрдөг.

Коломбо нь 2000 жилийн өмнөөс Ром болон араб, хятадтай худалдааны харилцаатай байв. Муслим худалдаачид 8-р зуунд олноор суурьшиж, Сингалын вант улсын гадаад худалдааны ихэнхийг атгаж байлаа. 16-р зуунд португалчууд ирж, халуун ногооны худалдаа эрхлэхийн тулд цайз босгосон боловч 17-р зуунд голландчуудад эзлэгдсэн. 1802 онд Английн колони Цейлоны нийслэл болжээ.

Коломбо дахь хиндү шашны сүм

Коломбод Коломбогийн Их Сургууль зэрэг олон их сургууль, институтууд, уран зургийн галерей, олон тооны Христос, Ислам, Будда болон Хинду шашны сүм хийдүүд байдаг. Мөн Азидаа томоохонд орох усан боомттой, Өмнөд Азидаа дэд бүтэц өндөр хөгжсөн хотуудын нэг юм.