Линкин Парк

Линкин Парк
Линкин Парк Living Things 2012
Ерөнхий мэдээлэл
ГаралАгоура Хиллс, Калифорн, АНУ
Хөгжмийн урсгалАлтернатив рок, Реп рок, Алтернатив метал, Нью метал, Электроник рок
Идэвхтэй1996 оноос хойш
СтудиWarner Bros, Machine Shop
Хамтардаг уран бүтээлчидFort Minor, Dead By Sunrise, Jay-Z
Цахим хуудасlinkinpark.com
Гишүүдийн нэрс
Майк Шинода
Дэйв Фаррел
Брэд Делсон
Роб Боурдон
Жое Хан
Өмнөх гишүүд
Марк Вэйкфийлд
Каил Кристенер
Скотт Козиол
Честер Беннингтон


Линкин Парк (Англи: Linkin Park) хамтлаг бол АНУ-ын Калифорни мужийн Агоура Хиллс хотоос гаралтай Америкийн рок хамтлаг юм. 1996 онд байгуулагдсан тэдний дебют цомог болох Hybrid Theory цомогоор олон улсын хэмжээнд алдартай болсон. Тус цомог нь RIAA (Америкийн дуу бичлэгийн нийгэмлэг)-с Diamond хэмээн өргөмжлөгдсөн ба өөр бусад орнуудад мулти-платинум болсон юм. Дараагийн цомог болох Meteora нь мөн л амжилттай болж 2003 оны Billboard 200 цомгийн жагсаалтыг тэргүүлсэн ба хамтлаг дэлхий даяар урт хугацааны аялан тоглолт, буяны үйл ажиллагаанд оролцож байсан. 2003 онд MTV2 телевиз Linkin Park хамтлагийн видео клипний эрин үеийн 6 дахь шилдэг, Oasis болон Coldplay хамтлагуудын дараа шинэ мянганы 3 дахь шилдэг хамтлаг хэмээн нэрлэсэн. Billboard-ын 10 жилийн Шилдэг уран бүтээлчийн жагсаалтанд 19-т Linkin Park хамтлаг орж байна.

Nu Metal болон Rap Metal жанруудыг найрсаг хэрнээ нягт үелсэн стильд хувиргасан Hybrid Theory болон Meteora цомгуудын дараачийн цомог болох 2007 онд худалдаанд гарсан Minutes to Midnight-д шинэ жанрын дуунуудыг оруулсан. Цомог Billboard-ын жагсаалтыг тэргүүлсэн ба тухайн оны 3 дахь сайн дебют 7 хоногтой цомог болсон юм. Хамтлаг нь Реппер Jay-Z-тэй хамтран Collision Course цомог болон Reanimation цомогтоо өөр олон уран бүтээлчидтэй хамтарч ажилласан. Хамтлагийн хамгийн сүүлийн уран бүтээл бол 2012 оны 6 сарын 26-нд гаргасан Living Things цомог билээ. Linkin Park хамтлаг дэлхий даяар 50 гаруй сая цомог борлуулсан ба 2 Grammy-н шагнал авсан билээ.

Түүх[засварлах | кодоор засварлах]

Эхний жилүүд (1996-2000)[засварлах | кодоор засварлах]

Linkin Park хамтлагийн эхлэлийг ахлах сургуулийн гурван найз Mike Shinoda, Rob Bourdon, Brad Delson нар тавьжээ. Ахлах сургуулиа төгсөөд тэд хөгжмийн сонирхолоо илүү нухацтай авч үзэн “Xero” хэмээх хамтлагтаа Joe Hahn, Dave “Phoenix” Farrell болон Mark Wakefield нарыг авсан. Хязгаарлагдмал хөрөнгөтэй ч гэсэн хамтлаг Shinoda-н гэрт жижиг студи байгуулж, тэндээ дуугаа бичин найруулж эхэлжээ. Дуу бичлэгийн студитэй гэрээ байгуулж чадаагүйгээс болж хамтлагийнхан сэтгэлээр унаж тэдний харилцаа хөндийрч эхлэсэн. Төдийлөн амжилт олоогүйн улмаас хамтлагийн гоцлол дуучин Wakefield хамтлагаа орхин өөр төслүүдийг хайхад хүргэсэн юм. Tasty Snax болон бусад хамтлагуудтай аялан тоглохоор Farrell хамтлагаа мөн орхижээ.

Wakefield-г орлох хүн хайж хэсэг хугацаа зарцуулсаны эцэст Zomba Music-ын дэд ерөнхийлөгч Jeff Blue-ийн санал болгосон Arizona мужийн Phoenix хотод байдаг гоцлол дуучин Chester Bennington-г 1999 оны 3 сард хамтлагдаа авчээ. Post-grunge хамтлаг болон Grey Daze-д байсан Bennington өөрийн дуулах стилийн динамикаараа бусдаас ялгарч чадсан юм. Үүний дараа хамтлаг Xero нэрээ халж Hybrid Theory болгон өөрчлөхөөр болсон байна. Shinoda болон Bennington хооронд шинээр үүссэн дууны зохицол нь хамтлагийг дахин сэргэхэд нь туслаж шинэ уран бүтээл дээр ажиллах эрч хүч өгчээ. Хамтлаг сэргэн мандаж нэрээ Santa Monica-н Lincoln Park-г хүндэтгэн Linkin Park болгон өөрчилсөн. Эдгээр өөрчлөлтийг хийсэн ч хамтлаг дуу бичлэгийн студид гэрээ байгуулах гэж хичээсээр л байсан юм. Хэдэн томоохон дуу бичлэгийн студээс татгалзсан хариу авсаны дараа Linkin Park хамтлагийнхан Jeff Blue-с дахин тусламж хүсжээ. Warner Bros Records-той өмнө нь 3 удаа гэрээ байгуулж чадаагүй хамтлаг маань тухайн үед Warner Bros Records-н дэд ерөнхийлөгч болоод байсан Jeff Blue-н тусламжтайгаар 1999 онд гэрээ байгуулж чадсан юм. Дараагийн жил нь хамтлаг амжилт дагуулсан Hybrid Theory цомогоо гаргасан билээ.

Hybrid Theory ба Reanimation (2000-2002)[засварлах | кодоор засварлах]

Үндсэн өгүүлэл: Hybrid Theory ба Reanimation

Linkin Park хамтлаг 2000 оны 10 сарын 24 нд Hybrid Theory цомгоо гаргажээ. Хамтлагийн 5 жилийн хөдөлмөрийг толилуулсан цомогийг Don Gilmore найруулсан байна. Hybrid Theory цомог худалдааны томоохон амжилт болсон юм. Эхний жилдээ 4.8 сая гаруй хувь зарагдан 2001 оны хамгийн их борлуулагдсан цомог болсон ба “Crawling” болон “One Step Closer” дуунууд нь тухайн жилийн алтернатив рок радиогоор явсан гол дуунууд болжээ. Мөн бусад дуунууд нь Dracula 2000, Little Nicky, Valentine хэмээх кинонуудад орсон байна. Hybrid Theory цомог нь Crawling дуугаараа Шилдэг Хард Рок үзүүлбэрт Grammy шагнал хүртэн Шилдэг шинэ уран бүтээлч болон Шилдэг рок цомог гэсэн хоёр Grammy шагналд нэр дэвшсэн. МТV-с шилдэг рок видео болон шилдэг найруулага гэсэн шагналыг “In the End” дуугаараа хүртжээ.

Энэ үед Linkin Park хамтлагт Ozzfest, Family Values Tour, KROQ Almost Acoustic Christmas зэрэг олон өндөр хэмжээний аялан тоглолт болон концертуудад тоглох урилга ирсэн байна. Хамтлаг мөн өөрийн Project Revolution нэртэй аялан тоглолт байгуулан Cypress Hill, Adema, Snoop Dogg зэрэг уран бүтээлчдийг оролцуулан аялан тоглолтоо хийжээ. 1 жилийн хугацаанд Linkin Park хамилаг 320 концертонд тоглосон байна. Хамтлагийн сэтгэгдэл болон тоглолтуудыг тусгасан анхны DVD болон “Frat Party at the Pankake Festival” нь 2001 оны 11 сард гарчээ. Хуучин басс гитарчин Phoenix-тэй нэгдэн хамтлаг Hybrid Theory болон цомгийн бус дуунуудыг агуулан Reanimation нэртэй ремикс цомогийнхоо ажилдаа орж эхлэсэн. Black Thought, Jonathan Davis, Aaron Lewis зэрэг олон уран бүтээлчидтэй хамтарсан Reanimation цомогоо 2002 оны 7 сарын 30 нд худалдаанд гаргажээ. Reanimation цомог нь Billboard 200-н хоёрт орсон ба эхний 7 хоногтоо 270,000 хувь борлогдсон байна.

Meteora (2002-2004)[засварлах | кодоор засварлах]

Үндсэн өгүүлэл: Meteora цомог

Hybrid Theory болон Reanimation цомогийн амжилтын дараа Linkin Park хамтлаг АНУ-г тойрон аялан тоглолт хийж нилээд хугацаа өнгөрүүлжээ. Завгүй хуваарийнхаа хажуугаар хамтлагийн гишүүд шинэ уран бүтээл дээр ажиллаж эхэлсэн. 2002 оны 12 сард хамтлаг шинэ цомгийнхоо талаар албан ёсоор зарлан хадан дээр баригдсан сүм хийд байдаг Грекийн чулуулаг Метеора бүс нутгаас сэдэвлэсэн гэдгээ мэдэгдэв. Meteora цомог нь хамтлагийн өмнөх Nu Metal болон Rapcore стилийг Shakuhachi болон бусад хөгжмийн зэмсгүүдийг ашиглан шинэлэг эффектуудтэй нийлүүлч чадсан юм. Linkin Park хамтлагийн хоёр дахь цомог 2003 оны 3 сарын 25 нд гарсан даруйдаа дэлхийд танигдан АНУ, Их Британид нэгт, Австралид хоёрт оржээ.

Meteora цомог эхний 7 хоногтоо 800,000 хувь зарагдан Billboard жагсаалтын тухайн үеийн хамгийн их зарагдсан цомог болсон байна. Цомгийн дуунууд болох “Somewhere I Belong”, ”Breaking the Habit”, ”Faint”, ”Numb” зэрэг дуунууд хүмүүсийн анхаарлыг нилээн татаж чадсан. 2003 оны 10 сар гэхэд Meteora 3 сая хувь зарагджээ. Цомгийн амжилт нь Linkin Park хамтлагийг Mudvayne, Blindside, Xzibit зэрэг бусад хамтлаг, уран бүтээлчидтэй хамтран дахин Project Revolution аялан тоглолт хийх боломжийг олгосон юм. Мөн Linkin Park хамтлаг Summer Sanitarium Tour аялан тоглолтонд Limp Bizkit, Mudvayne, Deftones зэрэг алдарт хамтлагуудын хамт аялан тоглолт хийх урилгыг Меtallica хамтлаг өгчээ. Хамтлаг тойрон аяллын үеэр Техаст амьд тоглолтоо хийж, зарим хамтлагийн дуу болон бичлэгүүдээс бүрдсэн Live in Texas нэртэй цомог болон DVD-г гаргажээ. 2004 оны эхээр Linkin Park хамтлаг Meteora World Tour нэртэй дэлхийн аялан тоглолтоо эхлүүлсэн юм. Аялан тоглолтын туслах хамтлагуудад Hoobastank, P.O.D, Story of the Year, Pia зэрэг хамтлагууд орсон байна. Meteora цомог нь хамтлагт хэд хэдэн шагналыг авчирсан. Хамтлаг MTV-ийн шилдэг рок видео шагналыг “Somewhere I Belong” болон үзэгчдийн сонголт шагналыг “Breaking the Habit” дуунуудаар тус тус хүртжээ. 2004 онд Linkin Park хамтлаг нь Radio Music Awards-ын “Оны шилдэг уран бүтээлч” болон “Оны шилдэг дуу” шагналуудыг “Numb” дуугаар хүртсэн юм. Meteora цомог нь Hybrid Theory цомогтой адил амжилтанд хүрээгүй ч АНУ-д 2003 оны гурав дах сайн зарагдсан цомогоор шалгарчээ. Хамтлаг 2004 оны эхний хэдэн сарыг гурав дахь Project Revolution аялан тоглолтоор, дараа нь европ болон дэлхийг тойрон аялан тоглолт хийж өнгөрүүлжээ.

Side Object (2004-2006)[засварлах | кодоор засварлах]

Үндсэн өгүүлэл: Collision Course цомог, Fort Minor, ба Dead By Sunrise

Мeteora цомгийн амжилтын дараа хамтлаг дараагийн хэдэн жилдээ цомог дээр ажиллахаа хойшлуулсан юм. Оронд нь аялан тоглолтоо үргэлжлүүлэн бусад төслүүд дээр ажиллаж эхлэсэн. Bennington, Dj Lethal-ын “State of the Art” болон Dead by Sunrise, өөр бусад ажил дээр хамтарсан бол Shinoda, Depeche Mode-той хамтран уран бүтээл хийж эхлэсэн байна. 2004 онд хамтлаг реппер Jay-Z-тэй хамтран Collision Course нэртэй ремикс цомог дээр ажиллаж эхэлжээ. Хоёр уран бүтээлчдийн өмнөх цомгуудын дуу болон үгийг холисон ремикс цомог нь 2004 оны 11 сарын 30 нд гарчээ. Мөн Fort Minor нэртэй шинэ хамтлагийг Shinoda байгуулжээ. Jay-Z-ийн тусламжтайгаар Fort Minor хамтлагийн The Rising Tied дебют цомгоо гарган шүүмжлэгчдийн сайшаалыг ихээр хүртсэн юм. Энэ үед Warner Bros Records-той хамтлагийн харилцаа хэдэн итгэлцэл болон санхүүгийн асуудлаас болж муудаж эхэлсэн. Хэдэн сар маргаантай байсны эцэст 2005 оны 12 сард хамтлаг дахин гэрээ байгуулж чадсан юм.

Linkin Park хамтлаг мөн үйл ажиллагаануудад ихээр оролцож эхэлсэн. Үүнд 2004 онд болсон Charley хар салхи, дараа нь 2005 онд болсон Katrina хар салхины хохирогчдод зориулж мөнгө хандив өгчээ. 2004 оны 3 сард хамтлаг “Тусгай ажиллагааны байлдагчдын нийгэмлэг (SOWF)”-т $75,000 ам доллар хандивлажээ. Мөн тэд 2004 оны Энэтхэгийн далайн цунамийн хохирогчдод туслах зорилгоор хэд хэдэн хандивын тоглолт хийж, “Music for Relief” нэртэй хандивын сан байгуулсан байна. Дэлхийн мэдлэг дээшлүүлэх зорилготой цуврал хандивын тоглолт болох “Live 8”-т оролцожээ. Пенсилвани мужийн Филаделфид байрлах "Live 8" тоглолтын тайзнаа Jay-Z-тэй хамтран дэлхийн сонсогчдод зориулж амьд тоглолтоо хийсэн. Linkin Park хамтлаг дараа нь Jay-Z-тэй дахин нэгдэж 2006 оны Grammy шагнал гардуулах ёслолд “Numb/Encore” дуугаа The Beatles хамтлагийн Paul McCartney хамтран дуулжээ. Мөн Grammy Awards-с “Numb/Encore” дуу Best Rap/Sung Collaboration” шагнал хүртжээ. Мөн тэд Японд Metallica хамтлагийн зохион байгуулсан 2006 оны Summer Sonic хөгжмийн фестивалд урилгаар оролцон тоглолтоо хийжээ.

Minutes To Midnight (2006-2008)[засварлах | кодоор засварлах]

Үндсэн өгүүлэл: Minutes To Midnight цомог

2006 онд Linkin Park хамтлаг шинэ цомог гаргахаар ажилдаа орж эхэлжээ. Шинэ цомгийн ажилдаа Linkin Park хамтлаг Rick Rubin-г найруулагчаар сонгосон байна. Уг цомог нь анх 2006 онд гарахаар төлөвлөгдөж байсан боловч 2007 он хүртэл хойшлогдсон юм. 2006 оны 8 дугаар сар гэхэд Linkin Park хамтлаг 30 аас 50 дуу бичсэн байсан бөгөөд энэ үед Mike Shinoda бид шинэ цомгийн дөнгөж талд нь явж байгаа гэдгээ мэдэгджээ. Мөн Chester Bennington нэгэн сэтгүүлд энэхүү шинэ цомог хуучны Nu Metal дуунуудаас шал өөр байх болно гэдгийг хэлсэн байна. Warner Bros Records албан ёсоор хамтлагийн гурав дах цомог болох Minutes to Midnight цомог нь 2007 оны 5 дугаар сарын 15 нд гарах болно гэдгийг мэдэгджээ. Шинэ цомог гаргахаар 14 сар ажилласны эцэст хамтлагийн гишүүд шинэ цомогт багтсан 17 дуунаас 5 дууг хасахаар болжээ. Minutes to Midnight цомог худалдаанд гарсан эхний долоо хоногтоо ойролцоогоор 625,000 гаруй хувь зарагдснаар ойрын хэдэн жилийн анхны долоо хоногийн хамгийн ашигтай цомгуудийн нэг болсон юм. Мөн түүнчлэн энэхүү цомог нь Billboard Charts-г тэргүүлж эхэлжээ.

A Thousand Suns (2008-2011)[засварлах | кодоор засварлах]

Үндсэн өгүүлэл: A Thousand Suns цомог

2009 оны 5 дугаар сард хамтлагийхан 2010 онд нээлтээ хийх 4 дэх студи цомог дээр ажиллаж байгаагаа мэдэгджээ. Mike Shinoda IGN-нд өгсөн ярилцлаганд хэд хэдэн урсгалын холимог бөгөөд Minutes To Midnight цомог дээр тулгуурлан бүтээж байгаа гэдэгээ ярьжээ. Мөн тэрээр энэ цомог өмнөхөөс илүү туршагатай бөгөөд “сүүлийн үеийх байх болно гэж найдаж байна” гэдгээ хэлсэн байна. Chester Bennington мөн шинэ цомгийг Rick Rubin найруулана гэдгийг хэлжээ. Linkin Park хамтлагийхан шинэ цомгийн нэрийг A Thousand Suns гэсэн нэрээр нэрлэхээр болсон юм. Шинэ цомог дээр ажиллаж байх хугацаандаа Linkin Park хамтлаг алдарт хөгжмийн зохиолч Hans Zimmer-тэй хамтран Transformers: Revenge of the Fallen киноны дууг бүтээжээ. Кинонд зориулсан синглээ "New Divide" гэж нэрлэсэн байна. Joe Hahn киноны хэсгээс оруулан "New Divide" клипийг найруулан бүтээсэн бөгөөд удалгүй 6 дугаар сарын 22-нд Westwood Village-д киноны нээлтээр дууны богино хэмжээний хувилбарыг дуулсан байна. Transformers: Revenge of the Fallen киноны ажлаа дуусгаад студируугаа буцан цомгоо дуусгах ажилдаа орцгоожээ. 4-р сарын 26-нд хамтлагийхан iPhone, iPod Touch, iPad-нд зориулсан 8-Bit Rebellion! тоглоомыг гаргажээ. Хамтлагийханаар тоглож болох бөгөөд тоглоомыг дуусгасан тохиолдолд "Blackbirds" дууг нээх боломжтой. Энэ дуу нь дараа A Thousand Suns цомгийн iTunes дахь бонус дуу болон тавигдсан юм. A Thousand Suns цомог 9 дүгээр сарын 14-нд нээлтээ хийсэн. Цомгийн анхны сингл "The Catalyst" 8 дугаар сарын 02-нд гарчээ. Тэд шинэ цомгоо сурталчлах ажлаа 9 дүгээр сарын 14-нд Los Angeles-т болсон тоглолтоор эхлүүлсэн юм. Linkin Park хамтлаг 9 дүгээр сарын 8-нд шинэ цомгоо MySpace дээр шинээр "Waiting for the End" "Blackout” гэсэн хоёр шинэ дуу нэмж интернэтээр сурталчилаж эхэлсэн бөгөөд үүнээс гадна хамтлагийн MySpace хуудсан дээр Meeting of A Thousand Suns нэртэй баримтат киног үзэхээр тавьжээ. 2010 оны 8 дугаар сарын 31-нд хамтлагийхан 9 дүгээр сарын 12-нд болох 2010 MTV Video Music Awards дээр синглээ анх удаа амьдаар дуулан гэдгээ зарласан байна. Цомгийн анхны синглээ амьдаар анх удаа дуулсан газар нь Холливуудын кинонуудыг хийдэг алдарт Griffith Observatory-д хийжээ. "Waiting for the End" дуу шинэ цомгийн хоёр дах сингл болсон юм. Linkin Park хамтлаг дэлхийд олон нийтийн харилцааны сайтад тэргүүлэгчдийг тодруулдаг Billboard Social 50 жагсаалтын 8 дугаарт бичигдсэн. Мөн Billboard-н жилийн эцсийн өөр нэг жагсаалт болох "Top Artists" жагсаалтын 92-т бичигджээ. Түүнчлэн жилийн эцсийн Billboard Top 200 albums жагсаалтын 53-т A Thousand Suns, мөн тэр жилийн эцсийн Rock Albums жагсаалтын 7-т болон жилийн эцсийн Rock Songs жагсаалтанд "The Catalyst" дуу 40 дүгээрт тус тус бичигдсэн байна. Linkin Park хамтлаг 2011 оны Billboard Awards-н Top Duo or Group, A Thousand Suns цомгоор Best Rock Album, Top Rock Artist, Top Alternative Artist,"Waiting for the End" дуугаар Top Alternative Song болон A Thousand Suns Top цомгоор Alternative Album жагсаалтуудад тус тус нэр дэвшжээ.

Living Things ба Recharged (2011-2013)[засварлах | кодоор засварлах]

Үндсэн өгүүлэл: Living Things ба Recharged

2011 оны 6 сард Chester Bennington Rolling Stone сэтгүүлд өгсөн ярилцлагандаа Linkin Park хамтлаг 18 сар тутамд шинэ цомог гаргах зорилготой бөгөөд 2012 онд шинэ цомог гарахгүй бол надад үнэхээр онцгүй санагдан хэмээн ярьжээ. Мөн тэрээр 2011 оны 9 сард өгсөн өөр нэг ярилцлагандаа “Бид шинэ цомгийн ажилдаа дөнгөж ороод байгаа. Бид бүтээлч байх дуртай. Тийм болохоор бид бүгдийг нь цагт нь хийхийг эрмэлздэг. Бид энэ байдалдаа дуртай шүү” хэмээн шинэ цомгийнхоо ажилд орсоныг цухас дурьджээ. 2012 оны 3 дугаар сарын 28-нд Mike Shinoda, Joe Hahn-ны найруулсан "Burn It Down" шинэ клип удахгүй олон нийтэд цацагдах гэж байгаа тухай батлан ярьжээ. Тэрээр хамтран бүтээсэн цомгийн нүүр зургийн талаар ярихдаа энэ нь “Фенүүдийг их гайхашруулан, энгийн хэн нэгэн үүнийг хараад ойлгохгүй. Би үүнийг тэр чигтээ шинэлэг зүйл гэдгийг мэдэж байна. Энэ бол зүгээр нэг зураг биш. Үүнийг хараад төрсөн сэтгэгдэл хүртэл шинэлэг байна. Нэг тиймэрхүү байх болно” гэжээ. 2012 оны 4 дүгээр сарын 15-нд Mike Shinoda, Linkin Park хамтлаг тав дахь цомгоо Living Things гэсэн нэрээр нэрлэсэн гэдгээ мэдэгджээ. Мөн тэрээр шинэ цомог нь хүмүүс, хувь хүний дотоод сэтгэл, харилцан үйлчлэл, өмнөх цомгуудаас хамаагүй илүү хувийн шинж чанартай цомог гэдгийг хэлсэн байна. 2012 онд Incubus-тэй хамтран Honda Civic Tour аялан тоглолтоор цомгоо сурталчлан, 2012 Billboard Music Awards-р "Burn It Down" дуугаа дуулжээ. 2012 оны 5 дугаар сарын 24-нд "Burn It Down" дууны клип гарчээ. Удалгүй шинэ цомгийн өөр нэгэн дуу болох "Lies Greed Misery" дуу BBC Radio 1-р гаргажээ. Цомгийн 12 дахь буюу төгсгөлийн "Powerless" дуу нь Abraham Lincoln: Vampire Hunter киноны хаалтын дуу болсон байна. Living Things цомог эхний долоо хоногт 220,000 хувь борлогдож Америкийн цомогуудын жагсаалтын 1-т бичигджээ. Linkin Park хамтлагийн "Castle of Glass" сингл 2012 оны Spike Video Game Awards-н тоглоомын шилдэг дуу төрөлд нэр дэвшиж, 10 дугаар сарын 7 нд Spike Video Game Awards-н нээлтээр энэ дуугаа дуулсан ч Beck хамтлагийн "Cities” дуу шалгарчээ. Мөн Австралын Soundwave фестивалд Metallica, Paramore, Slayer болон Sum 41 хамтлагуудтай нэг тайзан дээр дуулсан билээ.

Mike Shinoda, Joe Hahn-ны найруулсан Mall киноны дууны талаар Fuse хөгжмийн сувагт өгсөн ярилцлагандаа бид 6 дах цомгийн ажилдаа орсон гэдгээ мэдэгджээ. Linkin Park хамтлаг 2013 оны 8 дугаар сарын 10-нд электро хөгжмийн уран бүтээлч Steve Aoki-той хамтран хамтлагийн шинэ онлайн тоглоом болох LP Recharge тоглоомонд зориулж "A Light That Never Comes" дууг бүтээсэн бөгөөд 2013 оны 9 дүгээр сарын 12-нд Facebook болон тоглоомны албан ёсны сайтад тавигджээ. Тэд тоглоомын нээлтийн өдрөөр фэйсбүүкээр дамжуулан энэ шинэ дуу 2013 оны 10 дугаар сарын 29-нд CD, пянз болон онлайн хэлбэрээр нээлтээ хийх шинэ ремикс цомог болох Recharged цомгийн сурталчилгаа байсан гэдгээ тайлбарласан байна. Өмнөх Reanimation цомгийн адилаар Pusha T, Datsik, KillSonik, Bun B, Money Mark, болон Rick Rubin гэх мэт олон уран бүтээлчидтэй хамтарсан ремикс цомог болжээ. Уг цомог нь Living Things цомгийн ремикс цомог болж гарсан юм.

The Hunting Party (2013-2015)[засварлах | кодоор засварлах]

Үндсэн өгүүлэл: The Hunting Party цомог

2013 оны 10 дугаар сарын 12-нд Mike Shinoda шинэ цомогоо 2014 онд гаргах хүсэлтэй гэдгээ илэрхийлжээ. Linkin Park хамтлагийн анхны цомог болох Hybrid Theory цомогт багтсан бүх дуунуудаа анх удаа бүрэн эхээр нь 2014 оны 6 дугаар сарын 14-нд болох Download фестивал дээр тоглохоор төлөвлөөд байгаа юм. Linkin Park хамтлагийхан 2014 оны Rock am Ring, Rock im Park дээр Metallica, Kings of Leon, болон Iron Maiden нартай хамтран тоглох болсон гэдгээ албан ёсоор мэдэгджээ. Мөн Iron Maiden-тэй хамтран 2014 онд болох Greenfield фестивалд оролцох болсон гэдгээ мэдэгдсэн байна. 2014 оны 1-р сарын 21-нд "A Light That Never Comes (Remixes)" нэртэй EP нээлтээ хийжээ.

One More Light ба Честер Беннингтоны үхэл (2015-2017)[засварлах | кодоор засварлах]

Үндсэн өгүүлэл: One More Light

2015 оны 11 дүгээр сарын 25-нд Linkin Park хамтлаг албан ёсны 7 дахь студийн цомог дээрээ ажиллаж байгаагаа өөрсдийн вэбсайт болон фэйсбүүк хуудсаараа дамжуулан мэдэгдсэн байна. 2017 оны 2 сард Линкин Парк нийгмийн сүлжээнд өөрсдийн сурталчилгааны бичлэгээ нийтэлсэн ба Шинода хамтлаг шинэ цомгоо гаргахдаа шинэ үйл явцыг дагаж байгаа гэдгээ мэдэгдсэн. Мөн Брэд Делсон тайлбарлахдаа "Бид өмнө нь маш их рекорд гаргасан ба хэрхэн рекорд гаргахаа тодорхой мэдэж байгаа бөгөөд энэ удаад бид амар хялбар замыг сонгоогүй нь гарцаагүй."

Цомгийн анхны сингл болох "Heavy" нь 2017 оны 2 сарын 16-нд гарсан ба поп дуучин Kiiara-тай цуг дуулсан нь хамтлагийн студын цомгийн түүхэнд анх удаа эмэгтэй дуучинтай хамтарсан нь байв.

Хамтлагийн долоо дахь цомог болох One More Light нь 2017 оны 5 сарын 19-нд гарсан.

Цомгийн нүүр зураг нь далайн эрэг дээр тоглож буй зургаан хүүхдийг дүрсэлсэн байна.

2017 оны 7 сарын 20-нд Честер Беннингтон нь харамсалтайгаар амиа алдсан ба түүний үхэл нь дүүжилж амиа хорлосон байв. Шинода Беннингтоныг нас барсныг Твиттер хуудсандаа баталж, "Цочирдож бас зүрх шимширч байна. Гэхдээ энэ үнэн. Бидэнд мэдэгдэл ирэх үед албан ёсны мэдэгдэл гарна" гэж бичжээ. Тухайн өдрийн өмнө хамтлаг "Talking to Myself" дууны клипийг олон нийтэд гаргасан юм. Честерийн үхлийн маргааш нь хамтлаг нь Хойд Америк дахь "One More Light World Tour" аялан тоглолтоо цуцалсан. 7 сарын 24-ний өглөө Линкин Парк Беннингтонд хүндэтгэл үзүүлсэн албан ёсны мэдэгдлийг өөрсдийн цахим хуудаснаа нийтэлжээ.


Хамтлагийн гишүүд[засварлах | кодоор засварлах]

Үндсэн гишүүд

  • Майк Шинода (Mike Shinoda) - дуучин, реппэр, хэмнэлт гитарчин, төгөлдөр хуурч, кэйборд (1996 оноос хойш)
  • Дэйв Фаррел (Dave Farrel) - басс гитарчин (1996 оноос 1998 он, 2000 оноос хойш)
  • Роб Боурдон (Rob Bourdon) - бөмбөрчин (1996 оноос хойш)
  • Брэд Делсон (Brad Delson) - гоцлол гитарчин (1996 оноос хойш)
  • Жое Хан (Joe Hahn) - DJ, кейборд, семплинг (1996 оноос хойш)

Хуучин гишүүд

  • Марк Вэйкфийлд (Mark Wakefield) - дуучин (1996 оноос 1998 он хүртэл)
  • Каил Кристенер (Kyle Christener) - басс гитарчин (1999 онд)
  • Скотт Козиол (Scott Koziol) - аргил гитарчин (2000 оноос 2001 он хүртэл)
  • Честер Беннингтон (Chester Bennington) - гоцлол дуучин (1999 оноос 2017 он хүртэл)

Бүтээлүүд[засварлах | кодоор засварлах]

Линкин Парк
Линкин Парк Прагад, 2007 он.
Студи цомог5
Амьд цомог2
Дүрс бичлэг30
EP18
Сингл26
Ремикс цомог2

Студийн цомгууд[засварлах | кодоор засварлах]

Он Цомгийн дэлгэрэнгүй Чартад эзэлсэн байр Борлогдсон тоо Батламжууд
US AUS AUT BEL GER IRL ITA JPN NZ UK
2000 Hybrid Theory 2 2 2 3 2 6 2 19 1 4
  • US: 10,000,000^
  • Дэлхийд: 24,000,000
  • US: Алмазан
  • AUS: 5xЦагаан алтан
  • AUT: Цагаан алтан
  • GER: 5xАлтан
  • NZ: 6xЦагаан алтан
  • UK: 4xЦагаан алтан
2003 Meteora
  • Худалдаанд гарсан огноо: 2003 оны гуравдугаар сарын 25
  • Студи: Варнер Брос
  • Хэлбэр: CD, хуурцаг, татахаар
1 2 1 1 1 1 1 6 1 1
  • US: 5,955,000
  • US: 5x Цагаан алтан
  • AUS: 4xЦагаан алтан
  • GER: 3x Цагаан алтан
  • JPN: Цагаан алтан
  • NZ: 2x Цагаан алтан
  • UK: 2x Цагаан алтан
2007 Minutes to Midnight
  • Худалдаанд гарсан огноо: 2007 оны тавдугаар сарын 24
  • Студи: Варнер Брос, Мачинь Шоп
  • Хэлбэр: CD, татахаар
1 1 1 2 1 1 1 1 1 1
  • US: 3,174,183
  • Дэлхийд: 8,000,000
  • US: 2x Цагаан алтан
  • AUT: 2x Цагаан алтан
  • GER: 3x Цагаан алтан
  • JPN: Цагаан алтан
  • NZ: 2x Цагаан алтан
  • UK: Цагаан алтан
2010 A Thousand Suns
  • Худалдаанд гарсан огноо: 2010 оны есдүгээр сарын 10
  • Студи: Варнер Брос, Мачинь Шоп
  • Хэлбэр: CD, татахаар
1 1 1 2 1 3 1 2 1 2
  • US: 853,863
  • Дэлхийд: 1,700,000
  • US: Алтан
  • AUS: Цагаан алтан
  • AUT: Алтан
  • CAN: Цагаан алтан
  • GER: Цагаан алтан
  • JPN: Алтан
  • NZ: Алтан
  • UK: Алтан
2012 Living Things
  • Худалдаанд гарсан огноо: 2012 оны зургаадугаар сарын 20
  • Студи: Варнер Брос, Мачинь Шоп
  • Хэлбэр: CD, татахаар
1 2 1 4 1 2 1 2 1 1
  • US: 482,000
  • AUS: Алтан
  • AUT: Алтан
  • GER: Алтан
  • JPN: Алтан
  • NZ: Алтан
  • SWI: Алтан
  • UK: Алтан
  • POL: Алтан

Ремикс цомгууд[засварлах | кодоор засварлах]

Он Цомгийн дэлгэрэнгүй Чартад эзэлсэн байр Борлогдсон тоо Батламжууд
US AUS AUT BEL GER IRL ITA JPN NZ UK
2002 Reanimation
  • Худалдаанд гарсан огноо: 2002 оны долдугаар сарын 30
  • Студи: Сони
  • Хэлбэр: CD, DVD, татахаар
2 16 2 12 3 4 32 8 3
  • US: Цагаан алтан
  • AUT: Алтан
  • GER: Алтан
  • SWI: Алтан
2004 Collision Course (Jay-Z-тэй хамтарсан)
  • Release: November 30, 2004
  • Студи: Варнер Брос, Мачинь Шоп, Дэф Жэм
  • Formats: CD, татахаар
1 8 5 19 5 6 19 9 4 15
  • US: 1,934,000
  • US: Цагаан алтан
  • AUT: Алтан
  • GER: Цагаан алтан
  • IRL: 2xЦагаан алтан
  • JPN: Алтан
  • NZ: Цагаан алтан

Концертийн цомгууд[засварлах | кодоор засварлах]

Он Цомгийн дэлгэрэнгүй Чартад эзэлсэн байр Батламжууд
US AUS AUT BEL (FL) GER IRL ITA JPN NZ UK
2003 Live in Texas
  • Худалдаанд гарсан огноо: November 18, 2003
  • Студи: Варнер Брос, Мачинь Шоп
  • Хэлбэр: CD (+DVD), Download
23 18 5 25 9 67 13 17 47
  • US: Цагаан алтан
  • AUT: Алтан
  • GER: 3x Алтан
  • NZ: Алтан
  • UK: Алтан
2008 Road to Revolution: Live at Milton Keynes
  • Худалдаанд гарсан огноо: November 24, 2008
  • Студи: Варнер Брос, Мачинь Шоп
  • Хэлбэр: CD (+DVD), Blu-ray, Download
41 24 14 47 11 81 17 6 17 58
  • NZ: Алтан
  • SWI: Алтан
  • UK: Silver

Мини цомгууд[засварлах | кодоор засварлах]

Он Дэлгэрэнгүй Чартад эзэлсэн байр
US AUT SWI GER JPN
1999 Hybrid Theory
  • Худалдаанд гарсан огноо: May 1, 1999
  • Студи: Mix Media
  • Хэлбэр: CD, Digital
2002 In the End: Live & Rare
  • Худалдаанд гарсан огноо: January 15, 2002
  • Студи: Варнер Брос
  • Хэлбэр: CD
Underground V2.0
  • Худалдаанд гарсан огноо: November 18, 2002
  • Студи: Мачинь Шоп
  • Хэлбэр: CD, Digital
2003 Underground 3
  • Худалдаанд гарсан огноо: November 17, 2003
  • Студи: Мачинь Шоп
  • Хэлбэр: CD, Digital
2004 Underground 4.0
  • Худалдаанд гарсан огноо: November 22, 2004
  • Студи: Мачинь Шоп
  • Хэлбэр: CD
2005 Underground 5.0
  • Худалдаанд гарсан огноо: November 21, 2005
  • Студи: Мачинь Шоп
  • Хэлбэр: CD, Digital
2006 Underground 6
  • Худалдаанд гарсан огноо: December 5, 2006
  • Студи: Мачинь Шоп
  • Хэлбэр: CD, Digital
2007 Underground 7
  • Худалдаанд гарсан огноо: December 5, 2007
  • Студи: Варнер Брос, Мачинь Шоп
  • Хэлбэр: CD, Digital
2008 iTunes Live from SoHo
  • Худалдаанд гарсан огноо: March 4, 2008
  • Студи: Варнер Брос
  • Хэлбэр: Digital
Songs from the Underground
  • Худалдаанд гарсан огноо: November 28, 2008
  • Студи: Варнер Брос
  • Хэлбэр: CD, Digital
96 56 10 42 9
MMM...COOKIES: Sweet Hamster Like Jewels from America!
  • Худалдаанд гарсан огноо: December 4, 2008
  • Студи: Варнер Брос
  • Хэлбэр: CD, Digital
2009 Underground 9: Demos
  • Худалдаанд гарсан огноо: November 23, 2009
  • Студи: Мачинь Шоп
  • Хэлбэр: CD, LP, Digital
73 29 66 23
2010 A Decade Underground
  • Худалдаанд гарсан огноо: August 10, 2010
  • Студи: Мачинь Шоп
  • Хэлбэр: Digital
Underground X: Demos
  • Худалдаанд гарсан огноо: November 17, 2010
  • Студи: Мачинь Шоп
  • Хэлбэр: CD, Digital
2011 North American Tour
  • Худалдаанд гарсан огноо: December 20, 2010
  • Студи: —
  • Хэлбэр: Digital
2011 A Thousand Suns: Puerta De Alcalá
  • Худалдаанд гарсан огноо: January 25, 2011
  • Студи: Варнер Брос
  • Хэлбэр: Digital
iTunes Festival: London 2011
  • Худалдаанд гарсан огноо: July 8, 2011
  • Студи: Варнер Брос
  • Хэлбэр: Digital
Underground Eleven
  • Худалдаанд гарсан огноо: November 15, 2011
  • Студи: Мачинь Шоп
  • Хэлбэр: CD, Digital

Синглүүд[засварлах | кодоор засварлах]

Он Дуу Чартад эзэлсэн байр Батламжууд Цомог
US USAlt. USMain. USRock AUS AUT BEL (FL) GER IRL ITA NZ UK
2000 "One Step Closer" 75 5 4 4 38 32 24
  • AUS: Алтан
Hybrid Theory
2001 "Crawling" 79 5 3 33 8 25 14 16 37 16
"Papercut" 32 87 43 49 27 14
"In the End" 2 1 3 4 6 12 13 16 5 10 8
  • US: Алтан
  • AUS: Алтан
2002 "Pts.OF.Athrty" 29 44 47 31 25 9 Reanimation
2003 "Somewhere I Belong" 32 1 1 13 16 33 12 4 13 1 10
  • AUS: Алтан
Meteora
"Faint" 48 1 2 25 27 44 40 26 15
"Numb" 11 1 1 10 10 48 19 18 18 13 14
  • US: Цагаан алтан
  • AUS: Алтан
2004 "From the Inside" 37 42 35 50
"Breaking the Habit" 20 1 1 23 43 25 46 27 39
"Numb/Encore"

(with Jay-Z)

20 40 3 3 7 4 1 14
  • US: Цагаан алтан
  • AUS: Цагаан алтан
  • AUT: Алтан
  • CAN: Алтан
  • GER: Цагаан алтан
Collision Course
2007 "What I've Done" 7 1 1 13 8 26 4 15 3 9 6
  • US: 2x Цагаан алтан
  • GER: Алтан
  • NZ: Алтан
Minutes to Midnight
"Bleed It Out" 52 2 3 24 43 72 40 43 7 29
  • US: Цагаан алтан
  • NZ: Алтан
"Shadow of the Day" 15 2 6 15 6 52 12 13 46
  • US: Цагаан алтан
  • NZ: Алтан
2008 "Given Up" 99 4 5 53
"Leave Out All the Rest" 94 11 33 24 17 15 38 90
  • US: Алтан
2009 "New Divide" 6 1 1 1 3 2 51 4 21 19 2 19
  • US: 2x Цагаан алтан
  • AUS: Цагаан алтан
  • GER: Алтан
  • NZ: Цагаан алтан
Transformers: Revenge of the Fallen – The Album
2010 "The Catalyst" 27 1 12 1 33 18 56 11 27 40
  • US: Алтан
A Thousand Suns
"Waiting for the End" 42 1 37 2 34 70 29 90
  • US: Алтан
2011 "Burning in the Skies" 35 43
"Iridescent" 81 19 29 39 52 46 93
2012 "Burn It Down" 30 1 1 1 41 10 56 2 43 12 13 27 Living Things
"Lost in the Echo" 95 13 7 10 133 68 175

Аялан тоглолт[засварлах | кодоор засварлах]

Цахим холбоос[засварлах | кодоор засварлах]

 Commons: Linkin Park – Викимедиа дуу дүрсний сан