Папп Ласло
| |||||||||||||||||||||||||
| |||||||||||||||||||||||||
Папп Ласло (Унгар: Papp László, 1926 оны 3 сарын 25 – 2003 оны 10 сарын 16) нь Будапештэд төрсөн, Унгарын боксчин байв. Солгой өрөлттэй тэрээр Лондоны 1948, Хельсинкийн 1952, Мельбурны 1956 оны зуны олимпуудад дараалан түрүүлж, орчин үеийн олимпын түүхэнд гурав дараалан аваргалсан анхны боксчин болжээ. Папп 2003 онд төрөлх Будапештдээ нас нөгчсөн.
Сонирхогчдын бокс
[засварлах | кодоор засварлах]Олимпод 3, Европын АШТ-д 2 удаа түрүүлсэн Папп 55 тулаандаа өрсөлдөгчөө дөнгөж эхний үед хүнд цохилтоор ялж байсан түүхтэй.
Олимпын наадам
[засварлах | кодоор засварлах]1948 Лондон (Их Британи)
- Валфрид Реско (Финланд) 2-р үед хүнд цохилтоор
- Жан Велтер (Люксембург) 1-р үед хүнд цохилтоор
- Огюст Кавинья (Бельги) 1-р үед хүнд цохилтоор
- Ивано Фонтана (Итали) 3-0
- Жон Врайт (Их Британи) 3-0
1952 Хельсинки (Финланд)
- Спайдер Вэбб (АНУ) 2-р үед хүнд цохилтоор
- Чарли Чэйз (Канад) 2-р үед хүнд цохилтоор
- Петар Станков Спассов (Болгар) 3-0
- Эладио Оскар Эррера (Аргентин) 3-0
- Теунис ван Шальквик (Өмнөд Африк) 3-0
1956 Мельбурн (Австрали)
- Альберто Саэнц (Аргентин) 3-р үед хүнд цохилтоор
- Збигнев Петрзыковски (Польш) 3-0
- Хосе Торрес (АНУ) 2-1
Мэргэжлийн бокс
[засварлах | кодоор засварлах]Гартаа бэртэлтэй ч Папп 1957 онд мэргэжлийн бокст шилжиж, дунд жингийн ангилал дахь чансаа нь хурдан өсч байлаа. Унгар улс эв хамт дэглэмт улс байсан тул мэргэжлийн спорт зөвшөөрөгддөггүй байсан бөгөөд Папп тулаандаа бэлтгэхийн тулд Вена орох хэрэг гардаг байв. 1964 онд Папп дэлхийн аварга цолын төлөө тулалдах эрх авч, гэрээндээ гарын үсэг зураад байтал Унгарын коммунист удирдагчид виз олгоогүйн улмаас уг тоглолт болоогүйгээр зогсохгүй, дахиж мэргэжлийн боксын дэвжээн дээр тулалдаж чадаагүй юм.
Ийнхүү Папп мэргэжлийн боксын рингнээ 27 ялж, 2 тэнцэж, нэг ч ялагдалгүйгээр замналаа өндөрлөсөн бөгөөд 25 ялалтынхаа 15-д нь өрсөлдөгчөө хүнд цохилтоор буулган авчээ.
Шагнал
[засварлах | кодоор засварлах]Папп 2001 онд Олон Улсын Боксын Алдрын Танхимын гишүүн болсон. 1989 онд Дэлхийн Боксын Зөвлөлийн ерөнхийлөгч Хосе Сулайман Паппад "Бүх цаг үеийн сонирхогчдын болон мэргэжлийн шилдэг боксчин" өргөмжлөл, Дэлхийн Боксын Зөвлөлийн хүндэт аварга цол хүртээжээ.
Түүний нэрэмжит Будапештийн Спортын Ордонд Унгарын хоккейн үндэсний шигшээ баг тоглолтоо хийдгээс гадна концерт зэрэг арга хэмжээнүүд зохиогддог.
Гадны холбоосууд
[засварлах | кодоор засварлах]- Hungary.hu дахь намтар
- boxrec.com. Мэргэжлийн боксчны тухай дүн, мэдээ. Папп Ласло
- Олон Улсын Боксын Алдрын Танхим[permanent dead link]
- Сонирхогчдын боксын амжилт
- Албан ёсны цахим хуудас