Рено Ф1 Теам

Рено Ф1 Теам
Рено Ф1 Теам
Бүтэн нэрРено Спорт Ф1 Теам
Компанийн төвЭнстоун, Их Британи
Вири-Шатийон, Франц
Багийн даргаФранц Фредерик Вассёр
Техникийн
захирал
Их Британи Боб Белл
Цахим хуудасwww.renaultsport.com
2021 оны Формула-1
Жолооч(27) ГерманГерман Нико Хюлькенберг
(30) Их БританиИх Британи Жолион Палмер
Туршилтын жолоочОросын Холбооны УлсОросын Холбооны Улс Сергей Сироткин
ШассиРено R.S.17
ХөдөлгүүрРено R.E.17
ДугуйПирелли
Статистик
Анхны гран при1977, Их Британи
Оролцсон уралдаан283
Зохион
бүтээгчийн ДА
2 (2005, 2006)
Жолоочийн ДА2 (2005, 2006)
Уралдааны ялалт35
Оноо1090
Поле байрлал51
х.х.у. тойролт29
2016 оны байр9. (8 оноо)

Рено Спорт Ф1 Теам (фр. Renault Sport F1 Team) нь Их Британид төвтэй моторт спортын уралдааны баг юм. Францын автомашин үйлдвэрлэгч Ренод харьяалагдах тус баг нь Лотус Ф1 багаас гаралтай. Энэ баг нь Реногийн гурав дахь Формула-1-ийн баг юм. Рено нь 1977 оноос 1985 оны хооронд Рено баг, 2001 оноос 2009 он хүртэл Рено Ф1 нэртэй багуудаар Формула-1-д оролцсон ба Фернандо Алонсо 2005, 2006 онуудад тус үйлдвэрийн багтай дэлхийн аварга болжээ. Мөн түүнчлэн энэ компани нь сүүлийн 30 жилд хамгийн амжилттай Формула-1-ийн хөдөлгүүр үйлдвэрлэж буй багуудын нэг юм. Рено нь 1992 оноос 2013 оны хооронд Уильямс, Бенеттон, Ред Булл зэрэг багуудын нийлүүлэгчээр ажиллан Найжел Манселл, Алайн Прост, Михаэль Шумахер, Дэмон Хилл, Жак Вильнёв, Себастиан Феттель нарын нисгэгчдээр нийт есөн удаа жолоочийн дэлхийн аварга цолыг хүртсэн юм. Рено Ф1 нь 1970-аад оны сүүлээр турбо-технологийг гранд прикс спортод ашигласан байна. Реногийн Формула-1-д оруулсан шинэ техник технологи нь, моторт спортын хамгийн дээд зэрэглэлд оролцож буй олон олон автомашин үйлдвэрлэгчийн хөдөлгүүрийг нийлүүлэгч болгосон байна.

Энэ улирлын уралдаанд Рено Кевин Магнуссен болон Жолион Палмерын үндсэн нисгэгчтэйгээр оролцож байна. Мөн үүний хажуугаар Рено нь Ред Булл Расинг багт хөдөлгүүр нийлүүлж байгаа ч, тэднийг ивээн тэтгэгч ТАГ Хойерын нэрээр нэрлэгдэж явдаг байна.

Өмнөх түүх: Формула Рено болон Формула 2[засварлах | кодоор засварлах]

Францын улсын концерн Рено нь 1970-аад онуудад үндэсний моторт спортод чухал үүрэг гүйцэтгэсэн байна. Тэдний Формулад орох болсон түүх нь 1968 оноос эхлэн Францад зохиогдсон цуврал уралдаан Формула Францад оролцсоноор эхэлжээ. Энэхүү цуврал уралдаан нь Формула-3-ийн доод ангилалд ордог бөгөөд Францын авто спортын xолбооноос зохион явуулж байв. Энэ цувралд оролцож буй тэрэгнүүд бүгд нэгэн ижил хөдөлгүүртэй байсан нь Рено 8-д ашиглаж байсан хөдөлгүүрээс гаралтай аж. 1970 оны сүүлээр францын авто спортын холбоо энэ уралдаанд оролцох оролцоогоо зогсоосны дараа Рено тус байгууллагыг худалдан авчээ. Ингээд 1971 оноос эхлэн энэ цуврал уралдаан нь Формула Рено нэртэй боллоо.

1970-аад оны эхээр Рено Формула-2-т оров. Энд Бернард Дудотын удирдлага дор зургаан цилиндрт хөдөлгүүр зохион бүтээж европын аварга шалгаруулах тэмцээнд тухайн үед өргөн хэрэглэгдэж байсан BMW-ийн дөрвөн цилиндрт хөдөлгүүрээс өөр хөдөлгүүрийг хэдэн жил нийлүүлсэн байна. 1976 онд Реногийн хөдөлгүүртэй тэрэг Формула-2-ийн аварга шалгаруулах тэмцээнд түрүүллээ. Реногийн спорт автомашин үйлдвэрлэгч Альпин нь тус уралдааны тэрэгний хөгжүүлэлтэнд бас оролцсон байна.[1] 1978 оноос эхлэн Реногийн хөдөлгүүр Формула-2 ганц нэгээр л хэрэглэгдэх боллоо.

Үйлдвэрийн баг[засварлах | кодоор засварлах]

1977-1985 он: Турбо эрин[засварлах | кодоор засварлах]

Үйлдвэрийн оролцоо 1970-аад оны сүүлээр эхлэн бараг нэгэн арван үргэлжлэв. Энэ хугацаанд Рено Формула 1-д турбо цэнэглэгч бүхий хөдөлгүүрийг ашиглаж эхэлсэн нь нэгэн шинэ хувьсгал байлаа. Турбо технологийг нэг хэсэгтээ л зөвхөн Рено баг ашиглаж байсан бөгөөд тэдний өрсөлдөгчид энэ технологийг шоолон инээцгээж байлаа. Технологи ашиглаж эхэлсэн эхний уралдаанаас эхлээд анхныхаа ялалтыг авах хүртэл хоёр жилийн хугацаа өнгөрсөн бөгөөд энэ хооронд тус маш олон шүүмжлэл, доромжлолыг сонсох ёстой байлаа.[2] Энэ хугацаанд Рено маш их хэмжээний мөнгийг техник, технологийн цаашдын хөгжүүлэлтэнд зарцуулсан ба дан ялангуяа техникийн найдвартай ажиллагааны сайжруулалтанд болон хөрсний эффектэд зарцуулжээ.[3] Тэдний өрсөлдөгч BMW, Феррари, Хонда болон Порше зэрэг багууд турба технологи руу шилжиж эхлэх үед Рено аль хэдийн нэлээд хэдэн жилийн туршлагатай болсон байлаа. Хэдийгээр технологийн хувьд бусдаас түрүүлж байсан ч турбо-технологийн эрин үедээ Рено зохион бүтээгч-, болоод жолоочийн дэлхийн аварга цолыг хүртэж чадаагүй юм.

Хөгжлийн түүх[засварлах | кодоор засварлах]

Жижиг моторт спортын ангилалд Рено амжилт гаргаж байсан учраас тухайн үеийн ерөнхий захирал Бернард Ханон өөрсдийн спортын оролцоог өргөтгөх үүднээс 1975 оны зунаас эхлэн Формула-1-д орох шийдвэр гаргажээ.

1975 оны сүүлээр Формула-1-д цоо шинэ төрлийн концепттойгоор оролцох шийдвэр гарлаа.

Тоон үзүүлэлт болон бусад мэдээлэл[засварлах | кодоор засварлах]

Үйлдвэрийн багийн Формула-1-н статистик[засварлах | кодоор засварлах]

Мэдээ: 2017 оны Японы гран при

Улирал Багийн нэр Шасси Хөдөлгүүр Дугуй Гранд прикс Ялалт Хоёрт Гуравт Поле ххут Оноо ДА-жагсаалт
1977 Рено баг Эльф Рено RS01 Рено 1.5 V6T М 4 19.
1978 Рено баг Эльф Рено RS01 Рено 1.5 V6T М 14 3 12.
1979 Рено баг Эльф Рено RS01
Рено RS10
Рено 1.5 V6T М 14 1 2 1 6 2 26 6.
1980 Рено баг Эльф Рено RE20 Рено 1.5 V6T М 14 3 1 5 4 38 4.
1981 Рено баг Эльф Рено RE20B
Рено RE30
Рено 1.5 V6T М 15 3 3 1 6 2 54 3.
1982 Рено баг Эльф Рено RE30B Рено 1.5 V6T М 16 4 3 1 10 5 62 3.
1983 Рено баг Эльф Рено RE30C
Рено RE40
Рено 1.5 V6T М 15 4 3 4 3 3 79 2.
1984 Рено баг Эльф Рено RE50 Рено 1.5 V6T М 16 3 2 1 2 34 5.
1985 Рено баг Эльф Рено RE60
Рено RE60B
Рено 1.5 V6T G 15 2 16 7.
2002 Майлд Севен Рено Ф1 Теам Рено R202 Рено RS22 3.0 V10 М 17 23 4.
2003 Майлд Севен Рено Ф1 Теам Рено R23
Рено R23B
Рено RS23 3.0 V10 М 16 1 1 3 2 1 88 4.
2004 Майлд Севен Рено Ф1 Теам Рено R24 Рено RS24 3.0 V10 М 18 1 1 4 3 105 3.
2005 Майлд Севен Рено Ф1 Теам Рено R25 Рено RS25 3.0 V10 М 19 8 6 4 7 3 191 1.
2006 Майлд Севен Рено Ф1 Теам Рено R26 Рено RS26 2.4 V8 М 18 8 7 4 7 5 206 1.
2007 ИНГ Рено Ф1 Теам Рено R27 Рено RS27 2.4 V8 B 17 1 51 3.
2008 ИНГ Рено Ф1 Теам Рено R28 Рено RS27 2.4 V8 B 18 2 2 80 4.
2009 ИНГ Рено Ф1 Теам
Рено Ф1 Теам
Рено R29 Рено RS27 2.4 V8 B 17 1 1 2 26 8.
2016 Рено Спорт Ф1 Теам Рено R.S.16 Рено RE 16 P 21 8 9.
2017 Рено Спорт Ф1 Теам Рено R.S.17 Рено RE 17 P 15 42 7.
Нийт 298 35 33 27 51 29 1132

Цахим хуудас[засварлах | кодоор засварлах]

Эшлэл[засварлах | кодоор засварлах]

  1. Zum Ganzen: Hodges: Rennwagen von A-Z nach 1945, S. 83 und 220 f.
  2. Vgl. Jean Sages Erinnerungen an die Premiere des RS01 im Juli 1977; Interview vom 5. Juli 2007 auf der Internetseite www.formula1.com (abgerufen am 7. Dezember 2011).
  3. Vgl. Hodges: Rennwagen von A-Z nach 1945, S. 220 f.

Stub icon

Энэ аж ахуйн нэгжийн тухай өгүүлэл дутуу дулимаг бичигджээ. Нэмж гүйцээж өгөхийг хүсье.

Stub icon

Энэ Формула 1-ийн тухай өгүүлэл дутуу дулимаг бичигджээ. Нэмж гүйцээж өгөхийг хүсье.