Хархасун

Чөлөөт нэвтэрхий толь — Википедиагаас
Jump to navigation Jump to search

Хархасун нь (1257-1308) Чингис хааны амийг аварч, дархан цолоор шагнуулж байсан Оронар овгийн Хишилиг дарханы ач хүү нь юм. Тэрээр 1272 онд хишигтэн цэрэгт орж, зуутын дарга болж, тус ондоо эцгийнхээ Дархан цолыг залгамжилсан. Үүнээс эхлэн түүхэнд Дархан чинсан гэж бичигдэх болсон. Олонхи тохиолдолд Дархан цолоор нь хүндэтгэж нэрлэж байжээ.

Албан тушаал[засварлах | edit source]

Гэвч удалгүй Өгэдэйн угсааны Тула ноёныг Юэ ван өргөмжилөх асуудлын эсрэг байж, хаантай сөргөөцөлдөж, хааны үрэлгэн занг удаа дараа шүүмжилснээр Хархорум мужийн зүүн гарын чинсангийн тушаалд цөлөгдөж, Монгол газар ирсэн.

Нас барсан нь[засварлах | edit source]

1308 онд өвчнөөр Хархорум хотноо нас эцэслэжээ. Нас сүүдэр 52 хүрчээ. Энэ явдлын дараа түүнд Да Жан Рю Чин ван цол, Тайши, Кай Фу И Тун Сан Сы хэргэм, Шань Жу Гуо зэрэг, Шүнь Дэ ван цолоор нэхэн өргөмжилжээ.

Үр удам[засварлах | edit source]

Нэг хүүтэй. Нэр нь Тогоон (1291-1328). Эцгийнхээ дархан цолыг залгамжилсан. Мөн Юй Ши Тай яамны жун чэн түшмэл, Юй Ши Да Фу түшмэл, Жянань мужийн Синтай түшмэл, Жяньжэ мужийн зүүн гарын чинсан, пинжан түшмэл, сюань жэнь юань яамны түшмэл[1] зэрэг тушаалд томилогдож байсан. Жи Хэгийн 1-р он буюу 1328 онд 37 насандаа нас барсан.

Ишлэл[засварлах | edit source]

  1. https://zh.wikisource.org/wiki/%E5%85%83%E5%8F%B2/%E5%8D%B7136