Хатанбаатар (кино)

*Хатанбаатар*
Хатанбаатар
Найруулагч:	Гомбожавын Жигжидсүрэн
Зохиол:	Сономын Удвал,; Гомбожавын Жигжидсүрэн
Дүрүүдэд:	Магсаржав-Л. Эрдэнэбулган,; Дамдинсүрэн-П. Цэрэндагва,; Сүхбаатар-Р. Доржбат; Боогоо-Д. Алтангэрэл,; Жав-Банзарын Дамчаа,; Богд хаан-Нямын Цэгмид; Бакич-С.Анатолий,; Фрунзе-Х.Роман,; Бурдуков-Андреев Борис,; Га ноён-Сангижавын Гэндэн,; Ховдын Амбан-Лоолийн Жамсранжав,; Жаргал-Намсрайн Сувд,; Дарьзав–Чойжилын Авирмэд,; Дэрмэн-Доржийн Сэдэд
Хөгжмийн ; зохиолч:	Зундуйн Хангал
Зураглаач:	Лувсангийн Гаваа
Эвлүүлэгч:	Д.Түмэнбаяр,; Д.Дэжид,; Т.Наранцэцэг
Студи:	Монгол кино үйлдвэр
Нээлт:	1981 он
Хугацаа:	1-р анги: 1:30; 2-р анги: 1:25
Улс:	Монгол Улс
Хэл:	Монгол хэл

«Хатанбаатар» — 1981 онд Монгол Улсад монгол хэлээр бүтсэн уран сайхны кино. Эх орныхоо тусгаар тогтнол, зон олныхоо эрх чөлөөний төлөөх тэмцэлд тодрон гарсан Монгол цэргийн домогт жанжин Хатанбаатар Магсаржавын түүхэн үйл амьдралд тулгуурлан бүтээсэн, түүх хувьсгалын сэдэвтэй туульсийн кино роман. Сандагдоржийн Магсаржав нь Булган аймгийн Хутаг сумын Өвөр цагаан бургас гэдэг газар (1878-1927) онд төрсөн. 1905-1911 онд Ховд аймаг дахь Халх жасаанд түшмэлээр томилогдон ажиллаж байв. Манж Хятадын дарлалыг эсэргүүцсэн Монголын ард түмний 1911-1912 оны үндэсний эрх чөлөөний хөдөлгөөнд оролцож, 1912 оны 7-р сард Ховд хотыг чөлөөлөх байлдааныг Манлай баатар Дамдинсүрэнгийн хамт удирдаж, манжийн амбаныг Монголын баруун хязгаараас хөөн гаргажээ. Богд хаант Монгол Улсын засгийн газар уг гавьяаг үнэлж Хатанбаатар цолоор шагнажээ. 1922 оноос цэргийн яамны дэд сайд, жинхэнэ сайд, Намын төв хорооны тэргүүлэгч, орлогч, Бүгд хурлын гишүүн, Улсын бага хурлын гишүүнээр сонгогдож байжээ.