Хашбаатарын Цагаанбаатар
Хашбаатарын Цагаанбаатар ᠬᠠᠰᠪᠠᠭᠠᠳᠤᠷ
ᠤᠨ
ᠴᠠᠭᠠᠨᠪᠠᠭᠠᠳᠤᠷ (1984 оны 3 сарын 19-нд Увс аймгийн Баруунтуруун суманд төрсөн) -нь Монголын жүдоч. Монгол Улсын гавьяат тамирчин, хөдөлмөрийн баатар цолтой, Азийн наадмын аварга, Азийн хошой аварга, Самбо бөхийн дэлхийн хошой аварга. Монгол Улсын оны шилдэг тамирчны "Бөртэ чоно" цомыг гурван удаа (2004, 2006, 2009) хүртсэн.
Хашбаатарын хоёрдугаар хүү болон 1984 онд төрсөн. Түүнийг 2 настай байхад нт эцэг нь нас барж эх Наранцэцэг хоёр хүүхдийнхээ хамт Дархан хот руу нүүжээ. Эх нь Балжинням гэж хүнтэй сууж Цагаанбаатарын хойд эцэг болжээ.
Х.Цагаанбаатар 1990 онд Дархан хотын нэгдүгээр дунд сургуульд элсэн суралцсан байна.
1995 онд сургуулийн биеийн тамирын залуухан багш Ганбат чөлөөт бөхийн секц хичээллүүлэхээр шийдэж хорь гаруй хөвгүүнийг шилж, сонгож авахад Х.Цагаанбаатар орсон байна.
Аварга Биеийн Тамирын Дээд Сургуулийг төгссөн. 2004 оны Афины олимпоос 60 кг-ийн жинд хүрэл медаль хүртсэн, 2009 оны дэлхийн аварга (тэр үед олимпын жүдо хөлд орох ба гараараа хөлийг авч шидэх мэхээр олимпын чөлөөт бөхтэй их төстэй байсан) [1], 2010 оны ДАШТ-ий хүрэл медальт тамирчин.
2023 оны 1-р сард албан ёсоор зодог тайлсан байна.
Амжилт
[засварлах | кодоор засварлах]Жүдо
[засварлах | кодоор засварлах]- Олимп, хүрэл медаль. 2004 он, Афин, Грек
- Дэлхийн АШТ, анхны алтан медаль эх орондоо авчирсан. 2009 он, Роттердам, Нидерланд
- Азийн наадам, алтан медаль. 2006 он, Доха, Катар
- Азийн ААШТ, алтан медаль. 2005 он
- Азийн ААШТ, алтан медаль. 2003 он, Чэжү, БНСУ
- Зүүн Азийн аварга. 2006 он
Самбо
[засварлах | кодоор засварлах]- Дэлхийн АШТ - хошой аварга (2005, 2009).
Үндэсний бөх
[засварлах | кодоор засварлах]Улсын наадмын дэвжээнд
[засварлах | кодоор засварлах]- Ардын хувьсгалын 81 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Хужирт сумын харьяат улсын заан Ёндонгийн Ишгэнд өвдөг шороодсон.
- Ардын хувьсгалын 84 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Өлзийт сумын харьяат улсын начин Лхагвадоржийн Наранбаатарт өвдөг шороодсон.
- Тулгар төрийн 2220 жилийн ой, Их Монгол улс байгуулагдсаны 805 жилийн ой, Ардын хувьсгалын 90 жилийн ой, үндэсний их баяр наадмын хүчит бөхийн барилдааны нэгийн даваанд Увс аймгийн Зүүнхангай сумын харьяат сумын заан Хулгарын Цэрэнвандангаар давж хоёрын даваанд Завхан аймгийн Яруу сумын харьяат аймгийн заан Ишжанцангийн Батсайханд өвдөг шороодсон.
- Тулгар төрийн 2225 жилийн ой, Их Монгол улс байгуулагдсаны 810 жилийн ой, Ардын хувьсгалын 95 жилийн ой, үндэсний их баяр наадмын хүчит бөхийн барилдааны нэгийн даваанд Өвөрхангай аймгийн Зүүнбаян-Улаан сумын харьяат сумын заан Баянзулын Цэдэнсодномоор давж Архангай аймгийн Эрдэнэмандал сумын харьяат аймгийн заан Энхтайваны Мөнхбатад өвдөг шороодсон.
Аймгийн наадмын дэвжээнд
[засварлах | кодоор засварлах]| Он | Амжилт | Бөхийн тоо |
|---|---|---|
| 2007 | Дорноговь аймгийн баяр наадамд аймгийн арслан Ш.Жаргалсайханаар долоо давж түрүүлэн " Аймгийн арслан " цол хүртсэн. | 128 |
| 2014 | Дархан-Уул аймгийн баяр наадамд тав давж шөвгөрөн чимэг нэмсэн. | 256 |
| 2019 | Налайх хотын баяр наадамд тав давж шөвгөрөн чимэг нэмсэн. | 256 |
Гэр бүл
[засварлах | кодоор засварлах]Түүний эхнэр нь мөн 2008 оны Бээжингийн олимпын гар бууны 25 метрийн төрлийн мөнгөн медальт, гавъяат тамирчин Отрядын Гүндэгмаа юм. Мөн тэрээр 6 олимпод дараалан оролцсон Монгол улсын анхны эмэгтэй тамирчин юм.
Бичлэг
[засварлах | кодоор засварлах]- Pages using infobox sportsperson with textcolor
- Монголын жүдоч
- Аймгийн арслан
- Монголын олимпын хүрэл медальтан
- Монголын олимпын оролцогч
- 2004 оны зуны олимпод оролцогч
- 2008 оны зуны олимпод оролцогч
- 2012 оны зуны олимпод оролцогч
- Жүдогийн дэлхийн аварга
- Монгол улсын хөдөлмөрийн баатар
- Баруунтурууны хүн
- Монголчууд
- 1984 онд төрсөн