Дундговь

Дундговь аймаг
—  аймаг  —
Онгийн хийд
Сүлд тэмдэг
Монгол орон дахь Дундговь аймаг
Улс	Монгол
Аймаг	Дундговь
Сум (14)	Адаацаг · Баянжаргалан Говь-Угтаал · Гурвансайхан Дэлгэрхангай · Дэлгэрцогт Дэрэн · Луус · Өлзийт Өндөршил · Сайхан-Овоо Сайнцагаан · Хулд Цагаандэлгэр · Эрдэнэдалай
Аймгийн төв	Мандалговь
1942 он	Дундговь аймаг үүссэн
Газар нутаг	74,690.32 км²
Хүн ам (тоол.)	2010 онд ▼38,820 хүн
Нягт сийрэг	0.52 хүн/км²
Ард түмэн	үндсэндээ монгол, 2010 оны тооллогоор 99.8% - халх
Цугаараа	Дундговийнхон
Урьд цагт	Ихэнх нь Түшээт хан аймагт
1923-1931 он	Ихэнх нь Богдхан уулын аймагт
1931-1942 он	8 сум Өмнөговь, 7 сум Төв, 3 сум Дорноговь аймагт байв
1942 он	Дундговь аймаг үүссэн
Цагийн бүс	Улаанбаатарын цаг (НЗНЦ+8)
Таних үсэг	ДУ

Дундговь нь Монгол улсын аймаг юм. 1942 онд байгуулагдсан, аймгийн төв нь Мандалговь.

Газар зүй

Дундговь аймаг нь Монгол улсын нутгийн төв хэсэгт талархаг нутагт говь хээрийн бүсийн зааг дээр оршдог. Нутгийн хамгийн өндөр цэг нь 1926 м өндөр, Дэлгэрхангай уул юм. Мөн Их, Бага газрын чулуу зэрэг уулс бий. Нутгийн хойд хэсэгт дээд палеозойн хурдас, өмнөд хэсгээр нь цэрдийн ба кайнозойн хурдас тархжээ. Дундговь аймгийн нутагт Онгийн голоос өөр том гол, нуур байхгүй. Тогоогийн, Дүүрэн Харганын, Олгой нуурын зэрэг рашаан бий.

Уур амьсгал

Мандалговь нь Монголын хамгийн их салхитай байдаг нутаг юм. Мандалговь нь манай орны хойд ба өмнөд зүгийн агаарын урсгалын хооронд оршдог учраас их салхитай байдаг.

Амьтан ургамал

Нутгийн хойд ба төв хэсгээр хээрийн хар хүрэн, цайвар хүрэн хөрс, өмнөд хэсгээр нь говийн саарал хөрс тархжээ. Нутгийн хойд ба дунд хэсгээр хээрийн өвслөг ургамал, урд хэсгээр нь говийн ургамал ургана. Хар сүүлт, цагаан зээр, тарвага зэрэг ан амьтан амьдардаг.

Аж үйлдвэр

Дундговьд барилгын материалын, хүнсний үйлдвэрүүд байдаг.

Чулуун нүүрс (Хүйтэнхонгор, Тэвш, Элгэн говь, Өвдөгхудаг, Сүүл-Өндөр), төмрийн хүдэр (Эрээн), гөлтгөнө (Таргат), Шохойн чулуу (Цахиурт), Шатдаг занар (Өвдөгхоолойн хошуу, Баянжаргалант), хайлуур жонш, барилгын материал зэрэг ашигт малтмал бий.

Алдартнууд

Дунд говь аймгаас төрөн гарсан уран бүтээлчид багш нар гээд олон олон алдартнууд төрөн гарсан билээ,Үүнээс нэрийг дурдвал Ерөөлч магтаалч Бархасын Эрдэнэбаатар,Хамгийн их ромбо цуглулсан Найдангийн Батсүх,Дуучин Цэрэнгийн Чулуунцэцэг,

Сумд

• Адаацаг сум
• Баянжаргалан сум
• Говь-Угтаал сум
• Гурвансайхан сум
• Дэлгэрхангай сум
• Дэлгэрцогт сум
• Дэрэн сум
• Луус сум
• Өлзийт сум
• Өндөршил сум
• Сайхан-Овоо сум
• Сайнцагаан сум
• Хулд сум
• Цагаандэлгэр сум
• Эрдэнэдалай сум