Самандын Жавхлан

Самандын Жавхлан
2014 он. «Монголд мэндэлсэн өдөр» нэвтрүүлэгт
Ерөнхий мэдээлэл
Бүтэн нэр	Самандын Жавхлан
Хоч алдар	Нийтийн дууны ханхүү
Төрсөн өдөр	1980 оны 2 сарын 21 (1980-02-21)
Төрсөн газар	Монгол улсын Увс аймгийн Улаангом хот
Яс үндэс	монгол үндэстэн (дөрвөд ястан)
Улсын иргэн	Монгол
Ажил үйл	дуучин, монголорхох үзэлтэн
Эхнэр	Өмнөх эхнэр: Г.Долгормаа; Одоогийн эхнэр: Г.Эрдэнэчимэг
Дуулдаг хэл	монгол хэл (олон аялгуу)
Урсгал	нийтийн (зохиолын) дуу
Танил үе	2000 он — өнөөдөр
Төгссөн нь	Соёл Урлагийн Их Сургууль - Дуурийн дуу дуулаач (2003) Хүмүүнлэгийн Ухааны Их Сургууль- Урлаг судлаач / магистр(2006)
Цахим хуудас	https://khamagmongol.org/
Алдар цол
Төр нийгмийн шан Монгол улсын гавьяат жүжигчин (2009) Тува улсын гавьяат жүжигчин (2015) Онцгой байдлын албаны төлөө-3 (2016) Буриадын төлөө одон (2023) Халимагийн Гавьяат жүжигчин (2024)

Хөх Чоно овогт Самандын Жавхлан (1980 оны хоёрдугаар сарын 21-нд Улаангомд төрсөн) — монгол хэлээр дуулж 2000 оноос Монгол улс, улмаар нийт Монгол угсаатны дунд танигдсан зохиолын дуучин, улс төрч. 2009 онд Монгол улсын гавьяат жүжигчин болсон. 2016 оны Монгол Улсын Их Хурлын ээлжит сонгуулиар бие даан нэр дэвшиж ялалт байгуулснаар 2016-2020 онд УИХ-ын гишүүнээр ажилласан.

Намтар

Самандын Жавхлан
Монгол нэрийдэл
монгол үсгээр
монгол бичиг	ᠵᠢᠪᠬᠣᠯᠠᠩ 1 ᠰᠠᠮᠠᠨᠳᠠ ᠶᠢᠨ ᠵᠢᠪᠬᠣᠯᠠᠩ
кирилл үсгээр
буриад	Жабхалан
монгол	Жавхлан 2 Самандын Жавхлан
халимаг	Җивхлаң
1 Галиг: ǰibqulang, жибхуланг 2 Латин галиг: Javkhlan, Javhlan жавхлан — «сүр хүчин, цог үзэсгэлэн, чанар үзэмж идтэй сайхан» гэсэн үг.

Бага нас, сургууль

С.Жавхлан 1980 оны 2 сарын 21-нд Монгол улс (БНМАУ)-ын Увс аймгийн төв Улаангом хотод ойрад-дөрвөдийн яст монгол үндэстэн Даржаагийн Самандын хөвүүн болон төржээ. Дээрээ нэг ах, хоёр эгч, доороо нэг охин дүүтэй буюу таван хүүхэдтэй айлын дөрөв дэх нь юм. Түүний эцэг Даржаагийн Саманд инженер, шүлэг зохиодог хүн байсан бол эх Лхагвын Тогтох нь дунд сургуулийн түүх, газар зүйн багш байв.

Жавхлан Улаангомын II 10 жилийн дунд сургуулийг дүүргээд 1997 онд 17 настайдаа Улаанбаатарт ирж СУИС-т дуурийн дуучны ангид элсэн сураад 2003 онд бакалавр зэрэгтэй төгсөж мэргэжлийн дуучин болжээ. Ахиулан дуурийн дуучин Гонгорын Хайдав багшийн удирдлага дор Хүмүүнлэгийн Ухааны Их Сургуулийг урлаг судлаачийн мэргэжлээр сурч 2006 онд магистр зэрэг авсан.

Дуучны амжилт

Оюутан С.Жавхлан нэг сургууль, нэг ангийн Т.Баясгалантай хослон дуулж уран бүтээлчийн замналаа эхлүүлсэн. Тэд 2000 онд Мөнхрөх ч биш дээ хоёулаа, Хонгорхон үр минь гэх хоёр дуугаараа анх монголы түмэн олонд танигдсан. 2001 оны Насны хайр нь тэр хоёрыг монголчуудын дунд алдаршуулжээ.

• 2003-2015 онд Чөлөөт уран бүтээлчээр Монгол орныхоо бүх аймаг, хотуудаар 6 удаа тойрч, аялан тоглолт.
• Монгол туургатан Өвөр Монгол, Шиньжян Уйгурын өөртөө засах орнууд, Бүгд Найрамдах Буриад Улс, Бүгд Найрамдах Тува Улс, Бүгд Найрамдах Халимаг Улсуудад удаа дараа уригдан очиж байснаас гадна Япон, АНУ, БНСУ, Европын холбооны улсууд зэрэг дэлхийн 30-аад оронд уран бүтээлийн тоглолт, ая дуугаа өргөжээ.
• Өөрийн санаачилсан "Хамаг Монгол" төслийн хүрээнд Буриад, Өвөр Монгол, Халимаг, Тува зэрэг улсуудын цэнгэлдэх хүрээлэнд Монгол туургатны уран бүтээлчидтэйгээ хамтдаа тоглолтоо өргөжээ.

Гавьяа, шагнал

№	Он	Улс	Гавьяа, шагнал
1	2009	Монгол улс	Монгол улсын гавьяат жүжигчин
2	2015	ОХУ-ын Тувагийн БНУ	Тува улсын гавьяат
3	2016	Монгол улс	Онцгой байдлын албаны төлөө-3
4	2023	ОХУ-ын Буриадын БНУ	Буриад улсын гавьяат
5	2024	ОХУ-ын Халимагийн БНУ	Халимаг улсын гавьяат

Өөрийн шүлгээр бүтсэн дуунууд

1. Санаж амирлах ижий

2. Монгол омогшил

3. Андгай

4. Аягтай аястайхан хорвоо /дуучин О.Баянмөнх/

5. Хорвоогийн хойморт жаргаюу

6. Өмөлзөж харамлах нутаг

7. Галтай Монгол

8. Хөх шоргоолжны домог

9. Мэнд сайн уу, ээж ээ? /дуучин Б.Отгонтогтох/

10. Ерөөлийн даллага /дуучин МУГЖ Л.Болдбаатар/

11. Жаргаж уйлаарай ээжээ /дуучин Э.Чинбаяр/

12. Амжилт хүсье /дуучин Ноён Бондгор/

13. Байхад нь хайрлаарай /дуучин П.Равжир/

14. Жаргалтай болтугай /дуучин Б.Тэгшжаргал/

15. Аавдаа /дуучин Б.Тэгшжаргал/

16. Би уйлж байна

17. Хүслийн цагаан харгуй

18. Мөнх тэнгэрийн хурай /дуучин СТА Г.Эрдэнэчимэг/

19. Эхийн дуу /дуучин СТА Г.Эрдэнэчимэг/

20. Хамаг Монгол

21. Хүний дээд ах

Зэрэг 20 гаруй дууны шүлэг тэрлэжээ. Мөн бичвэрийн ажлаас онцолвоос:

• "Хөх Монголын дэг ёс" сонины 7 дугаарыг өөрийн гараар бичиж, эрхлэн гаргасан.
• Аав Д.Самандын шүлэг зохиолын 7 ном, 6 гар дэвтрээс эхний “Захиас” номыг эмхтгэн гаргаад байна.

Улс төр, монголчлол, манлайлал

• 2009 оны УИХ-ын 24-р тойргийн нөхөн сонгуульд Чингэлтэй дүүрэгт бие даан нэр дэвшиж 3.8 хувь санал авсан.
• 2012 оны УИХ-ын сонгуулийн 15-р тойрог, Увс аймагт МАХН-аас нэр дэвшиж 11.36 хувь (4251 хүн) санал авчээ.
• 2016 оны УИХ-ын сонгуулийн 54-р тойрог Баянзүрх дүүрэгт бие даан нэр дэвшиж, 41.9% (11,029 хүн) санал авч ялалт байгуулснаар УИХ гишүүн болов.
• 2020 оны 5 дугаар сард Ардчилсан Намд элсэж, УИХ-ын сонгуулийн 15-р тойрог Увс аймагт тус намаас нэр дэвшсэн, 28.4% (12,403 хүн) санал авсан.
• 2024 оны УИХ-ын сонгуулийн 2-р тойрог, Увс, Завхан, Говь-Алтай, Ховд аймагт Бүгд найрамдах намаас нэр дэвшиж, 13.4% (18,883 хүн) санал авсан.

Онцлох зарим үйл явдлууд

🔆 2001-2015 оны хооронд өөрийн уран бүтээлийн орлогоос гэр оронгүй иргэд, хөгжлийн бэрхшээлтэй, хагас болон бүтэн өнчин хүүхдүүд, хараагүй иргэд, мөн хүнд өвчтэй, хорт хавдартай, хагалгаа хийлгэх зайлшгүй шаардлагатай зэрэг нийт 250 гаруй хүнд туслажээ.

🔆 2007 оноос малчид, иргэдийн эрх ашгийг хохироож, уул ус, гол мөрөнг бохирлож, хордуулж байсан гадаад, дотоодын хууль бус уул уурхайн хэд хэдэн байгууллагуудтай тэмцэж, тухайн нутаг бүрийн иргэдийг зохион байгуулж, нөхөрлөл байгуулан дээрх уурхайнуудыг хаалгасан байдаг юм байнаа.

🔆 Иргэд, албан байгуулагууд, дунд, дээд сургуулиуд, сум дүүрэг аймгуудын хүсэлтээр соён гэгээрүүлэх, жудаг ёсоо сэргээх яриа таниулгын 500 гаруй уулзалтанд уригдаж мөн зохион байгуулж ажилласан байдаг юм байна.

🔆 2011 оноос Монгол туургатан улсуудын дунд хэл, зан заншил, соёл урлагийн харилцааг бэхжүүлж дэлгэрүүлэх зорилготой "Хамаг Монгол" төслийг санаачлан зохион байгуулсан бөгөөд одоо ч цар хүрээ нь улам өргөжиж, үргэлжилсээр байна.

Хань, гэр бүл

Үзэгч сонсогчид Жавхлан Баясгалан хоёрыг хослон дуулсаар гэрлэх байх гэж хардаг байсан ч эсрэг эргэж 2003 оноос хамт дуулахаа ч больжээ. Жавхлан тэд амрагийн харьцаатай байгаагүйг батлаж «Баясгалан миний найзтай үерхдэг байсан» гэж хэлсэн.

С.Жавхлан 2007 онд "Торгоны зам" компанийн захирал Гантөмөрийн охин, Ховдын уугуул, Германд эмчийн мэргэжил эзэмшиж ирсэн Долгормаатай нийлсэн ч жилийн дараа салав. Амьдрах хэв маяг зөрөлдсөн гэдэг. Охин Юм-Агь нь эх дээрээ үлджээ.

2010 онд Архангайн Булган сумын уугуул, уртын дууны "Шуранхай" хамтлагийн дуучин (1984 онд төрсөн) Гантөгсийн Эрдэнэчимэгтэй гэрлэж, эхнэрээ хотоос хөдөө аваачин араг түшүүлэн төрүүлж олныг цочирдуулсан. Тэнд төрсөн охин нь Үжингүнж гэдэг нэртэй бол түүний дүү охин Өдрийнцолмон 2011 онд мэндэлжээ. Монголсог С.Жавхлангийн гэр бүл европ хувцаснаас татгалзаж, байнга дээл өмсдөг болсон.

Хамаг Монгол төсөл

ОХУ-ын Халимаг улсын дуучин Жангарч, Шаран Диймаа, ОХУ-ын Тува  улсын төв театрын гавьяат жүжигчин, дуучин, хөөмийч Саидаш Монгуш, ОХУ-ын Буриад улсын дуучин Чингис Раднаев, Өвөрмонголын “Хөх хээр” хамтлагийн дуучин М.Баясгалан нарын алдартай дуучид С.Жавхлангийн  “Хамаг Монгол” төслийг 2013 онд 1 жилийн хугацаанд хэрэгжүүлсэн.  Эдгээр уран бүтээлчдийг дуучин С.Жавхлан урьсан бөгөөд тэрбээр “Цагаан сарыг зөвхөн Монгол Улс тэмдэглэх бус Монгол туургатан даяараа тэмдэглэх учиртай юм байна. Нэгэн цагт цацсан шагай мэт бутарсан ч цуглан нийлэх цаг үе иржээ. Тиймээс энэ төсөл нь Хамаг Монгол туургатнаараа галаа бадраах зорилготой юм. Энэ ёслолыг зохион байгуулснаар газар шороо эх орон минь хүрээгээ тэлэх учиртай. Төслийн гал тахих ажиллагаа ирэх сард болох бөгөөд энэ оны турш Халимаг, Тува, Буриад, Өвөрмонголоор тойрон аялж гал бадраах ёслол хийхээр зэхэж байна” гэж ярьжээ.

Тэд эрт цагт Монгол зан заншил ямар байсан тэр бүгдийг хамтран сэргээхээр зорьж ажилласан.

Монгол туургатанд гал бадраах ёслол болох “Хамаг Монгол” төслийн хаалт 2013 оны 09 сарын 28-нд Чингисийн талбайд болсон. Төслийн хаалтын ёслолд 250 гаруй уран бүтээлчид ирж оролцсон бөгөөд эдгээрээс Халимаг, Тува, Өвөрмонголоос нийт 120 зочин хүрэлцэн иржээ. Тоглолтонд МУГЖ Т.Ариунаа, С.Жавхлан, Г.Эрдэнэчимэг, Харанга хамтлагийн Лхагвасүрэн, Хар сарнай хамтлагийн Амармандах, Номинталст хамтлагийн Дэлгэрмөрөн, Халимагийн дуучин Шараан Бадамхаалга, Чингис Раднаев, Машбатын Баясгалан, Монгуш Сайдаш, Халимаг бүжигчид, Тува бүжигчид,Буриадын байгал чуулгын бүжигчид, ҮДБЭЧ – ын уртын дуучид болон СУИС - ийн уртын дууч, морин хуурч нийлсэн 99 уртын дууч, 33 морин хуурчид зэрэг олон олон уран бүтээлчид оролцов.

Уран бүтээл

Цомог

• «Харин ...» (2004)
• «Хүүгийн бодол» (2005)
• «Исгэрээ» (2006)
• «Самандын Жавхлан» (2006)
• «Би Монгол хүн» (2006)
• «Чононгоо» (2007)
• «Надаас чамд» (2008)
• «Хайрын талст» (2008)
• «Өмөлзөж харамлах нутаг» (2010)
• «Гал Дуудсан Монгол Аялгуу» (2012)
• «Нутгаа санасан Монгол»
• Хамаг монгол (2014)
• Манай Монгол Мандана (2019)

Бие даасан тоглолт

Улаанбаатар хотод хийсэн бие даасан тоглолтууд

№	Он	Тоглолтын нэр	Тоглолт болсон газар	Нэмэлт тайлбар
1	2003	Насан багын дурсамж	Монгол бөхийн өргөө	3 өдөр
2	2004	Монголын үнэртэй салхи	Төв цэнгэлдэх хүрээлэн
3	2005	Хүүгийн бодол	УБ чуулгын танхим
4	2005	Ээжийн чанасан цай	Монгол бөхийн өргөө	4 өдөр
5	2006	МУГЖ Б.Батсүхтэй хамтарсан тоглолт	Монгол бөхийн өргөө	5 өдөр
6	2007	Түмний минь дуртай дуунууд	Монгол бөхийн өргөө	7 өдөр /Тоглолтын орлогоос өрх толгойлсон 11 ээжид Монгол гэр хандивласан/
7	2011	Галаа манасан Монгол бүсгүй	УБ палас	2 өдөр  /Тоглолтын орлогоос 21 аймаг, 9 дүүргийн 30 ээжид болон 2008 оны 7 дугаар сарын 1-нд амиа алдсан 5 залуугын ээжид тус тус 1 сая төгрөг, нийт 35 сая төгрөг хандивласан/
8	2011	Тулганд чанасан ээжийн цай	Их эзэн Чингис хааны талбай
9	2013	Хамаг Монгол	УБ палас	2 өдөр
10	2013	"Хамаг Монгол" хаалтын тоглолт	Их эзэн Чингис хааны талбай
11	2014	Монголд мэндэлсэн өдөр мину	Монгол бөхийн өргөө	9 өдөр
12	2015	"Илгээлтийн эзэд" МУГЖ Т.Баясгалантай хамтарсан тоглолт	Монгол бөхийн өргөө	3 өдөр /Аян зарлаж, тоглолтын бүх орлогыг цаг агаарын хүнд нөхцөл, зудын байдалтай байсан 6 аймгийн бүх сумдад нийт 50,000 боодол өвс, 25тн тэжээл,  20,000ш нэмнээ хэрэгцээт бусад зүйлтэй хандивлаж байв/
13	2022	Жавхлан тоглолт	Монгол бөхийн өргөө
14	2023	"Дулаахан намар" тоглолт	Төв цэнгэлдэх хүрээлэн

Дуулсан дууны жагсаалт

Дуулсан дууны жагсаалт

№	Дууны нэр	Үг	Ая
1	Алсад суугаа ээж	Т.Лхагвасүрэн	А.Төгсжаргал
2	Зүүдэнд уяатай аав	Л.Гаваасүрэн	Д. Цэцэрлэг
3	Хөлгүй цэнхэр нуур	М.Эрдэнэбат	Ser-Od Togtokh
4	Аав л ээж л хоёр минь	З.Түмэнжаргал	Л.Галмандах
5	Цаг цагийн аяс	А.Баяржаргал	Н.Болд
6	Тэгш дөрвөн улирал	Т.Галсан	Ч.Жамсранжав
7	Зүүдэнд ирдэг урангоо	Н.Баянмөнх	Ч.Батэрдэнэ
8	Ямархан сэтгэл мартах юм бэ	Я.Бадамсүрэн	Г.Мягмарсүрэн
9	Бидэн хоёрын жаргал	Д.Гант	Ser-Od Togtokh
10	Хайрын цэнхэр нулимс	Ч.Содномдорж	Н.Батөлзий
11	Насан багын дурсамж	Ц.Эрдэнэ	Ser-Od Togtokh
12	Хүүгийн бодол	Л.Лхагвадорж	С.Задгай
13	Миний найз	Х.Соёмбо	Ser-Od Togtokh
14	Нутгийн жаахан Цээмаа	П.Лхагвасүрэн	Ser-Od Togtokh
15	Хүлээлээ	Т.Доржсүрэн	Naidanjav Tuvaanjav
16	Шөнө амталсан нулимс	Л.Балхжав	Ш.Гүрбазар
17	Сэргэлэн жаахан дүү	Ser-Od Togtokh	Н.Баянмөнх
18	Монголжингоо	Н.Баянмөнх	Ser-Od Togtokh
19	Зөн билэгтэй ээж	Л.Элдэвочир	М.Хатанбаатар
20	Ааваа дуулъя	н. Цагаанөвгөн	н. Цагаанөвгөн
21	Ээжийгээ би баярлуулсан	Gurbazar Shagdarsuren	Г.Батхуяг
22	Эрээн нуур	Д.Лхагвасүрэн	Г. Тэрбиш
23	Дарьганга нутаг	Ц.Ганхуяг	Ser-Od Togtokh
24	Ижий суврага	Н.Баянмөнх	Ser-Od Togtokh
25	Монголын үнэртэй салхи	Ш.Гүрбазар	Ser-Od Togtokh
26	Сартай шөнө	(Өвөрмонгол ардын дуу)
27	Зүүдний бороо	Н.Баянмөнх	Naidanjav Tuvaanjav
28	Ижий хайр	Б.Нацагдорж	С.Ганчимэг
29	Хүний сайхан орчлонд	Ц.Бавуудорж	Ser-Od Togtokh
30	Гэгээн хүслэн	Ж.Мөнхбат	Ser-Od Togtokh
31	Дуулимд ганцхан ээж	Г.Даваасүрэн	Ser-Od Togtokh
32	Амьдрал	Х.Соёмбо	Naidanjav Tuvaanjav
33	Ай сэлэнгэ	С.Амартайван	А.Төгсжаргал
34	Кёкүшюзан	М.Эрдэнэбат	Ser-Od Togtokh
35	Хайрын гэгээн бороо	Я.Бадамсүрэн	Ц.Дашзэвэг
36	Наадмын морьдын тоос	Ш.Сүрэнжав	Г.Тэрбиш
37	Ааваа санана	Ш.Анхтуяа	Sharav Byambasuren
38	Би монгол хүн	Ж.Мөнхбат	Ser-Od Togtokh
39	Зөөлөн зөөлөн замбуулин	Л.Мөнхтөр	Н.Баасандорж
40	Тэс мөрөн ээж	П.Батсайхан	С.Батсүх
41	Бүстийн цэнхэр нуур	Я.Бямбасүрэн	Tseveenravdan Dagva
42	Төөрөг тавилан	П.Батсайхан	Ц.Ганхуяг
43	Бадар хундага	Н.Лутбаяр	Tseveenravdan Dagva
44	Отрын адуучны дуу	Ч.Дагвадорж	Г.Чойжилжав
45	Намрын цагаан бороо	Ц.Эрдэнэ	Д.Бямбажав
46	Нутаг шүтээн	Д.Гомбожав	С.Батсүх
47	Аав уул	Н.Лутбаяр	Ц.Жамъян
48	Гоёлоо өмссөн ээж	Н.Сайннямбуу	Р.Ганбаатар
49	Сар асгарсан шөнө	Г.Дагвадорж	Д.Чулуун
50	Сэтгэлээс ирсэн хайр	Я.Бадамсүрэн	Ц.Дашзэвэг
51	Шүүдэрхэн	Д.Дүгэр	Д.Дүгэр
52	Бурхнаас илгээсэн хайр	А.Дамдинбазар	Т.Ганболд
53	Хайрын шүтээн хань	Д.Баттөмөр	Ш.Бадарч
54	Төрлмүд минь	А.Манджиев	О.Мөнгөнцэцэг
55	Ээжийн чанасан цай	Б.Магсаржав	Д.Саманд
56	Намрын нар ээж хоёр	Д.Саманд	Т.Самбуу
57	Амгалан аав	Naidanjav Tuvaanjav	Ш.Батхишиг
58	Аавын нөмөр	Н.Санжаа	Ц.Галбадрах
59	Ахан дүүсийн дуу	Д.Батсүрэн	Т.Чимэддорж
60	Хакухо	М.Эрдэнэбат	Ser-Od Togtokh
61	Найман сарын бороо	А.Эрдэнэ –очир	С.Мөнхбат
62	Чононгоо	Чоно	Ц.Эрдэнэбат
63	Зотол хаан	Б.Буд, Ц.Баттулга	Б. Есөнжин
64	Шилийн богд
65	Хайрлаж болохгүй хайр	Baasankhuu Byambaa	Baasankhuu Byambaa
66	Санаж амирлах ижий	С.Жавхлан	Ц.Дашзэвэг
67	Хүүдээ	Ser-Od Togtokh	Ser-Od Togtokh
68	Хулжын гол	Ц.Сайннямбуу	Н.Чулуунхүү
69	Хуарангийн шөнө	Х.Соёмбо	Б.Магсаржав
70	Дорнын говиос монгол эхэлдэг	Л.Эрдэнбат	Ш.Өлзийбаяр
71	Чи минь шүү дээ	Ю.Болд	Р.Билэгт
72	Чулуутын гол	Ц.Эрдэнэбат	Д.Чулуун
73	Дүү минь	Д.Ганочир	Ser-Od Togtokh
74	Говь шанхын нутаг	Н.Баянмөнх	Ser-Od Togtokh
75	Мөнхийн зун шиг нас	М.Уянсүх	Н.Цолмон
76	Эргээд санахад	С.Дондой	Ц.Чинзориг
77	Хан хөгшин	Г. Лхам- өлзий	Л.Энхмэнд
78	Ган зам	Ч.Лхамсүрэн	Л.Мөрдорж
79	Увс нуур	Д.Жанчив	Г.Тэрбиш
80	Анир гүмхэн нутаг	Ч.Буянзаяа	М.Хатанбаатар
81	Мөрөөдлийн дуу	П.Адарсүрэн	П.Адарсүрэн
82	Дэндүү их санаж дээ би нутгаа	Ч.Алтантүлхүүр	Б.Баасанхүү
83	Өмөлзөж харамлах нутаг	А.Манджиев	С.Жавхлан
84	Энхрийхэн	З.Батдэлгэр	Ser-Od Togtokh
85	Насандаан чамдаан дуртай	О.Мөнгөнцэцэг	А.Манджиев
86	Чи минь байгаа хойно	Б.Баасанхүү	Б.Баасанхүү
87	Зүрхний эгшиглэн	Н.Баянмөнх	Д.Нямдорж
88	Төөрч учирсан дурлал	Д.Дүгэр	Д.Дүгэр
89	Миний багш	Ц.Цээлэй	Ц.Очирбат
90	Хөх монголын өндөрлөг	н.Начин	н.Цэцэнцогт
91	Наран зүг	Ж.Ганхүлэг	Г.Жанцансамбуу
92	Дулаахан намар	Д.Саманд	Purevsuren Buyandelger
93	Дөрвөн настай халиун	( монгол ардын дуу)
94	Нууцхан сэтгэлийн үнэн	С.Жавхлан	Ser-Od Togtokh
95	Андгай	С.Жавхлан	А.Энхтайван
96	Сахиус	О.Идэрсайхан	Д.Бямбажав
97	Хайрын сайхныг…	Д.Жаргалсайхан	Purevsuren Buyandelger
98	Хорвоогын хойморт жаргаюу	С.Жавхлан	Ser-Od Togtokh , Цэн.Эрдэнэбат
99	Үлэмжийн чанар	Д.Данзанравжаа	Д.Данзанравжаа
100	Монгол дуудлага	Б.Төмөрчулуун	Д.Чулуун
101	Зөөлөн бүүвэй	Ж.Мэндбаяр	Ж.Мэндбаяр
102	Мангасууд хэрэггүй	С.Жавхлан	Purevsuren Buyandelger
103	Ээжийн оёсон дээл	Б.Баасанхүү	Baasankhuu Byambaa
104	Бид монголчууд	Р.Баярсайхан	Н.Баасандорж
105	Дурлалцахаас илүү	Baasankhuu Byambaa	Baasankhuu Byambaa
106	Хөх шоргоолжны домог	С.Жавхлан	Ser-Od Togtokh
107	Хайрын өнгө	П.Баттулга	Ч.Амаржаргал
108	Монгол омогшил	С.Жавхлан	Б.Магсаржав
109	Дуутай монгол нутаг	Д.Саруулсайхан	Д.Саруулсайхан
110	Галтай монгол	С.Жавхлан	Naidanjav Tuvaanjav
111	Мөнхрөхч биш дээ хоёулаа	П.Сандуйжав	Н.Жанцанноров
112	Хонгорхон үр минь	З.Дамиран	С.Түмэнбаяр
113	Насны хайр	н.Данзан	Л.Галмандах
114	Монгол бөхийн дэвжээ	Н.Жүгдэр	Т.Нямдорж
115	Би тэвчихгүй	С.Жавхлан	Б.Магсаржав
116	Эх орончдын дуу	А.Амарсайхан	Б.Аранзай
117	Ай сайхан аав минь	С.Жавхлан	Л.Балхжав
118	Гэрлэж амжаагүй явна	Ж.Бунтар	З.Хангал
119	Эвийн хоёр хайр	А.Байгалмаа	Г. Батхуяг
120	Би уйлж байна	Жавхлан	Б.Магсаржав
121	Манай Монгол Мандана	С.Жавхлан	Magsarjav B
122	Хүслийн цагаан харгуй	Javkhlan Samand	Purevsuren Buyandelger
123	Эзэн Чингисийн элч	Л.Төмөрбат	Purevsuren Buyandelger
124	Ах эгч хоёр минь	Г.Чимитов	А.Андреев
125	Цэнхэр тэнгэрийн орон	У.Пүрэвсүрэн	Purevsuren Buyandelger
126	Мөнхийн урсгалт амьдрал	С.Жавхлан	Ц.Чинзориг
127	Байна гэдэг сайхан	Х.Дода	Х.Дода
128	Хос орчлон	Д.Чулуун	Б.Эрдэнэбат
129	Алшаа уулын бороо	Б. Хүрэлтогоо	О. Эрдэнэбат
130	Монголоороо байгаасай	Г.Баян	Т.Цогжилт
131	Хаврын найраг	Ж.Шагдар	Х.Сэргэлэн
132	Аавыгаа дурсаад	У.Пүрэвсүрэн
133	Халуун элгэн нутаг	Badraa Jamts	Namsraijav Tsegmid
134	Цэл залуу нас	С.Жавхлан	Д.Дорлиг
135	Таван тэсийн уянга	Javkhlan Samand	Purevsuren Buyandelger
136	Чингис хаан айсуй	С.Жавхлан	С.Төрбат
137	Үнэний дуу	С.Жавхлан	Magsarjav B
138	Ганц л байх хорвоо	Б.Лхагвасүрэн	С.Мөнхбат
139	Залбирал	Б.Сэрээтэр	Ш.Татьяна
140	Ах дүүгийн голын ус	Халимаг түмний дуу
141	Авамга өпей ыры	М.Сайдаш	М.Сайдаш
142	Чамд дурлачихаж би	Баасанхүү Б	Баасанхүү Б
143	Дангина	Г.Чимитов	В.Пантаев
144	Эжымни	Г.Чимитов	А.Андреев
145	Хар хархан харц	Н.Насан	Ц.Улаантуг
146	Хамаг Монгол	С.Жавхлан	Д. Жаргалсайхан
147	Сүү бариад очоорой	С.Жавхлан	Өлзийбаяр
148	Дээдсийн цадигтай нутаг	Э.Бат-ерөөлт	Purevsuren Buyandelger
149	Дорнын цэнхэр говь	Г.Цагаандэрэм	МУСТА Б.Ганболд
150	Өнөд орших Өлгий	У.Пүрэвсүрэн	У.Пүрэвсүрэн
151	Уулсын хүү	Ж.Даваадамдин	Т.Сэр-од
152	Буурал даргын нутаг	У.Пүрэвсүрэн	Purevsuren Buyandelger
153	Амин нутаг	Д.Пүрэвдорж	Л.Балхжав
154	Төрийн дуулал	Ц.Дамдинсүрэн	Б.Дамдинсүрэн, Л.Мөрдорж
155	Хонхны дуу	С.Цогтсайхан
156	Хөвчийн их хөвсгөл	Ч.Чагнаадорж	Purevsuren Buyandelger
157	Бодол	З.Хангал	Д.Түвшинсайхан
158	Булган хангай	Х. Соёмбо	Д. Цэвээнравдан
159	Арын сайхан хангай	Д.Дашчойнхор	Purevsuren Buyandelger
160	Тосож өндөлзөх нутаг	Ц.Төмөртогоо Н.Минжинсайхан	Д.Бердибек
161	Уйлган голын аваргууд	Ч.Чагнаадорж	Purevsuren Buyandelger
162	Тэмээн сүргийн говь	С.Цэрэндэндэв	А.Батдэлгэр
163	Монголдоо ирээрэй	Н.Ариунболд	С.Гантөр
164	Чи бидэн хоёр		Purevsuren Buyandelger
165	Үндэсний үйлдвэрлэлээ дэмжицгээе	С.Жавхлан	Б.Магсаржав
166	Хурай	Б.Баасанбадам	Т.Төрболд
167	Ханьсах заяа feat Т.Баясгалан	Ж. Даваадорж	З. Батсүх

Шалгармал дуу

Анхлан дуулсан

• «Зүүдэнд уяатай аав»
• «Насан багын дурсамж»
• «Алсад суугаа ээж»
• «Бидэн хоёрын жаргал»
• «Хөлгүй цэнхэр нуур»
• «Монголжингоо»
• «Миний найз»
• «Дарьганга нутаг»
• «Монголын үнэртэй салхи»

(үргэлжлэл)

• «Сартай шөнө»
• «Амьдрал»
• «Ээжийн чанасан цай»
• «Монгол бөхийн дэвжээ»
• «Нууцхан сэтгэлийн үнэн»
• «Хайрлаж болохгүй хайр»
• «Төөрч учирсан дурлал»
• «Хайрын гэгээн бороо»
• «Чи минь байгаа хойно»
• «Зүрхний эгшиглэн»

Хамтарсан, сэргээсэн

• «Насны хайр»
• «Хонгорхон үр минь»
• «Хайрын цэнхэр нулимс»
• «Эрээн нуур»
• «Ахан дүүсийн дуу»
• «Төрлмүд мини»
• «Өмөлзөж харамлах нутаг»
• «Дангина»
• «Хар хархан харц»
• «Ханьсах заяа»