Мөнгөлөг шунгаахай

Мөнгөлөг шунгаахай
	; Эрэгчин
Ховордолтын зэрэглэл
	; Ховордоогүй (IUCN3.1)
Биологийн ангилал
Аймаг:	Амьтан;
Хүрээ:	Хөвчтөн;
Анги:	Жигүүртэн;
Баг:	Галуутан;
Овог:	Нугасныхан;
Дэд овог:	Merginae;
Төрөл:	Clangula; Leach, 1819
Зүйл:	C. hyemalis;
Латин нэр
	Clangula hyemalis; (Карл Линней, 1758)
Ижил утгатай нэршил
	Genus:; Harelda Species:; Harelda hyemalis

Мөнгөлөг шунгаахай (Clangula hyemalis) нь Нугасныхан овгийн дундаж хэмжээний шувуу юм. Энэ шувуу нь Clangula төрлийн ганц зүйл болно.

Гадаад төрх

Биеийн урт эр нь 60 см, эм нь 38 см. Нас бие гүйцсэн нь цагаан гэдэс хэвлийтэй, биеийн бусад хэсгийн өд сөд нь олон хэсгийн гуужилт явагдаж байдаг. Эрэгчин нь урт, үзүүртэй сүүлтэй ба ягаан солбисон зураастай хар саарал хошуутай. Өвлийн улиралд цагаан толгой, хүзүүтэй ба хацрын орчимд хар толботой, бараан өнгийн цээж, бүхэлдээ цагаандуу биетэй байдаг. Зун болоход толгой, хүзүү, нуруу нь хар бараан болж, хацрын орчимд цагаан толботой болно. Эмэгчин нь бор нуруу, харьцангуй богино, үзүүртэй сүүлтэй. Өвөл, эмэгчин шунгаахайн толгой, хүзүү нь цагаан ба толгойн орой нь хардуу байна. Зун болоход толгой нь бүхэлдээ бараан өнгөтэй өдтэй болно.

Мөнгөлөг шунгаахай тундрын намаг, цөөрөм болон далайн эрэг, томхон нууранд амьдарна. Тэд Хойд Атлантын далайн бүс, Гренланд, Исланд, Аляска, Канадын хойд хэсэг, Еврази, Орос орчимд нутагладаг. Үүрээ усны ойролцоо газар засаж, 6-7 өндөг гаргах ба 24-26 хоног дардаг ажээ. Тэд нүүдлийн шувуу тул Хойд Америкийн зүүн ба баруун эрэг дагуу, хойд Европ, Азийн эргээр өвөлжинө. Хамгийн чухал өвөлжих бүс нь Балтын тэнгис орчим ба нийт ойролцоогоор 4.5 сая цугладаг байна.

Тэд сүргээр амьдрах ба нүүдлийн үедээ болон өвөл олноор цуглан амьдардаг. Усанд шумбаж нялцгай биетэн, жижиг загас зэрэг барьж иднэ. Мөнгөлөг шунгаахай 60 м хүртэл гүнд шумбах чадвартай ч, голдуу усны мандлын ойролцоо хооллодог.

Цахим холбоос

Commons: Clangula hyemalis – Викимедиа дуу дүрсний сан

Long-tailed Duck videos, photos & sounds on the Internet Bird Collection

Linked from: IMovieZone