Карим Бензема

Чөлөөт нэвтэрхий толь, Википедиагаас
Харайх: Удирдах, Хайлт
Карим Бензема 2012 оны ЕАШТ-д оролцох үеэр.

Карим Мустафа Бензема (фр. Karim Mostafa Benzema[1], 1987 оны арванхоёрдугаар сарын 19-нд Лион хотод төрсөн) — Алжир гаралтай Францын хөлбөмбөгчин бөгөөд Реал Мадрид болон Францын шигшээ багийн довтлогч юм.

Замнал[засварлах]

Бензема Алжир гаралтай Франц иргэншилтэй өнөр өтгөн айлын (есөн хүүхэдтэй) дундах[2][3] нь бөгөөд найман настайгаасаа хөлбөмбөгийн спортоор тууштай хичээллэж эхэлсэн байдаг. Рональдо, Зинедин Зидан нарын шилдэг хөлбөмбөгчидийг хүндэлдэг залуу хүү нутгийнхаа өсвөрийн "Брон Террайон" болон Олимпик Лион багуудад 1995-2004 оны хооронд тоглож байгаад Лионы насанд хүрэгчдийн багт 2009 оныг хүртэл тоглохдоо Францын нэрийн хуудас болохуйц довтлогч болохоо харуулсан байдаг. Лионд улсын аваргаар дөрвөн жил дараалан тодрохдоо мэргэн буучаар 2008 онд нэрлэгдэж, Супер цомыг гурван удаа (2005, 2006, 2007) өргөж байв. 2009 оны долоодугаар сарын 1-нд Испанийн эзэн хааны Реал Мадрид баг Бенземаг идэвхитэй судалсаны үндсэн дээр 2015 оныг хүртэл 35 сая еврогийн гэрээгээр элсүүлсэн юм.[4][5] Тухайн үед түүнийг Европын шилдэг багууд сонирхож байсан нь илт байсан ба Реалын довтолгооны бүсэд Бразилын Кака, Португалийн Кристиано Рональдо болон испанийн Рауль Албиоль нартай ээлжлэн тоглохоор зэхэж байсан юм. Ес дугаарын өмсгөлтэйгээр гарааны тоглогчоор сонгогдсон Бензема одоогийн багтайгаа 2011-12 оны улиралд Испанийн аваргаар тодорч, Аваргуудын лигийн түүхэнд Реал Мадрид багийн оруулсан "300 дахь гоолын эзэн"[6][7] болохын сацуу 2 гараа тутам 1 гоол оруулдаг гэсэн үзүүлэлтээ хадгалсаар яваа.

Францын нэрийн өмнөөс түүнийг 17-21 хүртэлх 4 насны ангиллын багуудад тасралтгүй тоглуулсан ба 2007 оноос шигшээ баг нь дуудаж 2008 оны ЕАШТ-д бэлтгэн оролцуулсан байдаг юм. 2012 оны ээлжит тэмцээнд ч мөн оролцсон.

Товч мэдээлэл[засварлах]

  • Өндөр — 184[8][9] см
  • Жин — 81[10] кг
  • Өмсгөлийн дугаар — 9

Эшлэл[засварлах]

Холбоос[засварлах]

Wikimedia Commons has media related to Карим Бензема.