Афро-Еврази

Афро-Еврази

Нутаг дэвсгэр	85,135,000 км2 (32,871,000 бээр2)
Хүн ам	6.7 тэрбум (2019)
Хүн амын нягтшил	78.7/км2 (204.2/миль2)
Улс орон	146 улс 8 де-факто улс
Хараат орон	11 хараат нутаг 5 нутаг дэвсгэр
Цагийн бүс	UTC−01:00 – UTC+12:00
Нэг хэсэг	Дэлхий

Афро-Еврази (өөрөөр Африк-Еврази, Еврафрази, Евроафрикази) хэмээн нэрлэгдэх супер тив нь дэлхийн хамгийн том хоорондоо холбоо бүхий хуурай газар юм.

Биогазар зүйд болоод хүмүүнлэг- ба нийгмийн шинжлэх ухаанд энэхүү эх газрын массыг хуучин дэлхий хэмээн нэрлэн хэрэглэдэг.

Ерөнхий

Афро-Еврази гэх нэр нь уг нэрэнд орсон үгүүдийн дагуу африк ба еврази (ази болон европ тив) тивүүдээс бүрдэнэ. Ойролцоогоор 85 сая километр квадрат нутаг дэвсгэрийн талбай нь дэлхийн нийт газрын гадаргын зургааны нэгийг бүрдүүлэх ба дэлхийн бүх хуурай газрын хагасаас илэрхий их газар нутгийг хамардаг. Энэхүү том тивд дэлхийн хүн амын 6,1 тэрбум хүн (мэдээ: 2013 он) буюу 87 % оршин суудаг.

Дэд хуваалт

Евразийн газар нутгийг хуваахдаа эрдэмтэд маргаантай байдагтай адил Афро-Евразийн газар нутгийг задлан хуваахдаа мөн л маргалддаг ч голчлон түүх, соёлын талаас нь харгалзан хуваадаг. Уламжлал ёсоор Суэцийн сувгийг африк, евразийн хоорондын хил гэж үздэг.