Бахчисарай

Бахчисарай

*Bağçasaray* (Крымын татар)
Бахчисарай (Украин)
Бахчисарай (Орос)
Бахчисарай Bağçasaray (Крымын татар); Бахчисарай (Украин); Бахчисарай (Орос);
Хот
	Бахчисарайн ордон Чуфут-Кале Эски Дүрбе Зынжырлы медресе
	Сүлд
	Бахчисарай Крымын газрын зураг дээрх Бахчисарайн байршил. Бахчисарай Бахчисарай (Украин)
	Солбицол: 44°45′10″N 33°51′39″E / 44.75278°N 33.86083°EСолбицол: 44°45′10″N 33°51′39″E / 44.75278°N 33.86083°E
Улс	Украин (Оросод эзлэгдсэн)
Өөртөө засах бүгд найрамдах улс	Крым (де-юре)
Тойрог	Бахчисарай тойрог (де-юре)
Холбооны субъект	Крым (де-факто)
Байгуулагдсан	1532
Үүсгэн байгуулагч	Сахиб I Гирай
Өндөр	300 м (1,000 фут)
Хүн ам (2014)
• Нийт	27,448
Цагийн бүс	UTC+3 (MSK)
Шуудангийн код	298400 — 298408
Бүсийн дугаар	+7-36554

Бахчисарай (украин, оросоор: Бахчисарай; крым татараар Багъчасарай, татараар утга нь Цэцэрлэгт хүрээлэнгийн харш) нь Бүгд Найрамдах Өөртөө Засах Крым Улсын нэгэн хот бөгөөд Симферополь хотоос галт тэргээр нэг цаг орчмын зайтай оршдог.

Түүх

Энэхүү суурингийн талаар судар бичигт хамгийн анх 1502 онд дурдсан байх ба 1532 онд I. Сахиб Гирей ханы ордон байсан учраас Крымын ханлигийн нийслэл болно. Мөн түүнчлэн Исми Хан лалын сүмийг бас энэ хотод бүтээн босгожээ. 1783 онд болсон Орос-Туркийн дайны дараа тус хотын зэрэглэлийг буцаан суурин болгоод Оросын эзэмшилд очсон байна. Сүүлд ЗХУ-ын засаглалын үед 1926 онд буцаан хотын статустай болгосон байдаг.

"Бахчисарай" гэдэг үг цэцэрлэгт ордон гэж орчуулагддаг бөгөөд Алтан ордын нийслэл байсан Сарай гэж /Ордон/ хоттой нэрийн хувьд хамаатай болох нь ойлгомжтой юм.

Газар зүй

Бахчисарайд нэгэн үед Крымын ханлигийн хант улсыг захирч байсан хааны ордон байдаг. Энэхүү барилгын цогцыг 16-р зуунаас 18-р зуун хүртэл иран, турк, орос, украйны шилдэг барилгачид оролцон босгосон бөгөөд төрөл бүрийн барилгын хийцийг өөртөө агуулжээ. Тус харш нь нулимаст усан оргилууртай ба үүний тухай алдарт яруу найрагч Александр Пушкин магтан шүлэглэсэн байдаг. Бахчисарайн усан оргилуурын тухай оросын олон олон хөгжмийн зохиолчид дуу болгосны жишээнд Аренскийн кантата (1899 онд), Асафьевийн балетын бүтээл (1933/1934 онд) зэрэг бүтээлүүд байдаг аж.