Жанет Жепкосгей

**Жанет Жепкосгей**
	Жанет Жепкосгей
	Хөнгөн атлетик
	Төлөөлдөг улс: Кени
	Хувийн мэдээлэл
Бүтэн нэр	Жанет Жепкосгей
Төрсөн огноо	1983 оны 12 сарын 13
Төрсөн газар	Кабирирсанг, Кени
Медалиуд
Зуны олимп
Дэлхийн АШТ

Жанет Жепкосгей (Англи: Janeth Jepkosgei, 1983 оны 12 сарын 13-нд төрсөн) нь Кенийн дундын зайн гүйгч, дэлхийн аварга цолтой тамирчин юм.

Өсвөр үе

"Эльдорет Экспресс" хэмээх хочтой Жанет Капсабет хотын ойролцоох Кабирирсанг тосгонд мэндэлжээ. Алдартай тамирчид болох Вилсон Кипкетер, Вилфред Бунгей нар мөн тус тосгоных юм^[1]. Тэрээр Капсумбейивогийн сургуульд байхдаа хөнгөн атлетикаар хичээллэж эхэлсэн байна. 1998 онд Итений ойролцоо байх, Кенийн хөнгөн атлетикч эмэгтэйчүүдийг бэлтгэн гаргадгаараа алдартай Сингоре Охидын Ахлах Сургуульд элсэн оржээ. Жанет дөнгөж 1-р ангидаа л ахлах сургуулиудын 8 төрөлтийн тэмцээнд улсын аварга болсон аж^[2]. Тэр үед Жанет 400 метрийн халхалттай гүйлтийн төрлөөр мэргэшсэн байв. Гэвч Польшийн Быдгошт болсон 1999 оны дэлхийн залуучуудын АШТ-д оролцох эрхийг дадсан 400 метрийн халхалттай гүйлтийн төрөлдөө авч чадалгүй, 800 метрийн төрлөөр оролцсон бөгөөд урьдчилсан шатнаас хасагдсан байна^[3].

2000 онд тэр дунд сургуулиудын улсын АШТ-д 400 метрийн халхалттай, 800 метрийн гүйлтийн төрлөөр тэргүүлэв. Мөн онд болсон Зүүн Африкийн залуучуудын АШТ-д 400 метрийн халхалттай гүйлтэд алт, 800 метрт мөнгөн медаль зүүжээ^[2].

2001 онд Жанет Элдоретэд байрлах, ОУОХ-ны тэтгэлэгт өндөр түвшний бэлтгэлийн төвд харьяалагдах болов. Тэнд 1988 оны олимпын аварга Пол Эренгийн удирдлага дор бэлтгэл хийх болжээ^[4]. Мөн онд Африкийн өсвөрийн АШТ-ээс 800 метрт мөнгөн медаль, дараагийн жил нь Ямайкын Кингстонд болсон өсвөрийн ДАШТ-д түрүүлж алтан медаль хүртсэн^[3].

Тэрээр 2003 оны Бүх Африкийн наадамд 800 метрээр шигшээ уралдаанд шалгарсан байна. Гэвч 2004 оны олимпын сонгон шалгаруулалтад улсдаа тэргүүлсэн ч норматив биелүүлж чадаагүй тул эрхээ авч чадсангүй. 2005 оны ДАШТ-д ч мөн адил, улсдаа тэргүүлэхдээ B нормативыг биелүүлсэн боловч Кенийн Хөнгөн Атлетикийн Холбоо 800 метрийн зайд эмэгтэй тамирчин илгээхгүй байхаар шийджээ^[3].

Шилдэг тамирчин

2006 оноос хойш түүний амжилт эрс ахив. 2006 оны 3 сарын 24-нд Жанет Британийн хамтын нөхөрлөлийн орнуудын наадамд 1:57.88 амжилтаар түрүүлэхдээ Мозамбикийн туршлагатай шилдэг тамирчин Мариа де Лурдес Мутолаг ялав. Дараа нь Африкийн АШТ-д түрүүлжээ. Ингэхдээ Кенийн 800 метрийн зайн гүйлтийн дээд амжилтыг 2 ч удаа эвдсэн аж. Жепкосгей 2006 оны Кенийн шилдэг эмэгтэй тамирчнаар тодорсон байна^[5].

2007 оны 8 сарын 28-нд Жепкосгей Японы Осака хотноо болсон ДАШТ-д 800 метрийн зайд түрүүлж, Кенийн дундын зайн гүйгч эмэгтэйчүүдээс анх удаа дэлхийн аварга болж түүхэнд бичигдлээ. Гарааны зурхайгаас эхлэн тэргүүлсэн тэрээр 1:56.04 амжилтаар улсынхаа дээд амжилтыг эвдэж, улирлын шилдэг амжилтыг үзүүлсэн. Энэ амжилтаараа тэр дахин улсынхаа оны шилдэг эмэгтэй тамирчин болов^[6].

2008 оны 5 сарын 24-нд 19 настай залуу тамирчин Памела Желимо түүний тогтоосон улсын дээд амжилтыг ахиулж, 1:55.76-д хүргэжэ^[7]. Желимо улирлын турш Жепкосгейг давамгайлсан боловч Жепкосгей олимпоос мөнгөн медаль хүртэж чадсан байна.

2009 оны ДАШТ-ий урьдчилсан уралдаанд Жепкосгей Өмнөд Африкийн Кастер Семенятай мөргөлдөж, унаснаар хэсэгтээ сүүлийн байр эзэлсэн ч заргалдсанаар хагас шигшээ уралдаанд оролцох эрхтэй болов^[8]. Шигшээ уралдаанд мөнөөх Семенягийн дараа орж, мөнгөн медаль зүүжээ.

Одоо тэр Клаудио Берарделлигийн удирдлаган дор дасгал сургуулилтаа хийдэг бөгөөд менежер нь Федерико Роса юм^[2].

Амжилт

Он	Тэмцээн	Зохиогдсон газар	Байр	Төрөл
2002	Дэлхийн өсвөрийн АШТ	Ямайка, Кингстон	1	800 м
2006	Британийн хамтын нөхөрлөлийн орнуудын наадам	Австрали, Мельбурн	1	800 м
	Африкийн АШТ	Мавритий, Бамбус	1	800 м
	ОУХАХны Гран-при шигшээ	Герман, Штуттгарт	2	800 м
	Дэлхийн цом	Грек, Афин	2	800 м
2007	Дэлхийн АШТ	Япон, Осака	1	800 м
2007	ОУХАХны Гран-при шигшээ	Герман, Штуттгарт	1	800 м
2008	Зуны олимп	Хятад, Бээжин	2	800 м
2008	ОУХАХны Гран-при шигшээ	Герман, Штуттгарт	2	800 м
2009	Дэлхийн АШТ	Герман, Берлин	2	800 м

Хувийн дээд амжилт

800 метр - 1:56.04 (2007)
1000 метр - 2:37.98 (2002)
1500 метр - 4:08.48 (2008)
Нэг миль - 4:28.72 (2008)

Эшлэл

ОУХАХ-ны цахим хуудсан дахь тамирчны танилцуулга: Жанет Жепкосгей
Rosa & Associati дахь профиль

↑ The Standard, April 2, 2006: Sleepy village that produces track stars^{[permanent dead link]}
↑ ^2.0 ^2.1 ^2.2 IAAF: August 28, 2007: Focus on athletes
↑ ^3.0 ^3.1 ^3.2 IAAF, October 23, 2007: Jepkosgei's Beijing target - first Kenyan women's middle distance Olympic gold
↑ Daily Nation, December 25, 2007: How Jepkosgei made us proud^{[permanent dead link]}
↑ The Standard February 23, 2007 Kipchirchir, Jepkosgei named Soya winners^{[permanent dead link]}
↑ "SOYA Awards - 2007 winners". Archived from the original on 2008-09-13. Татаж авсан: 2009-11-20.
↑ Daily Nation, May 26, 2008: Jelimo sets new world junior record^{[permanent dead link]}
↑ Earth Times, August 16, 2009: Appeals: Jepkosgei advances; Taylor out for good - Summary (Memento 5. Есдүгээр сар 2012 цахим архивт)

[1] The Standard, April 2, 2006: Sleepy village that produces track stars^{[permanent dead link]}

[focus-2] 2.0 ^2.1 ^2.2 IAAF: August 28, 2007: Focus on athletes

[target-3] 3.0 ^3.1 ^3.2 IAAF, October 23, 2007: Jepkosgei's Beijing target - first Kenyan women's middle distance Olympic gold

[4] Daily Nation, December 25, 2007: How Jepkosgei made us proud^{[permanent dead link]}

[5] The Standard February 23, 2007 Kipchirchir, Jepkosgei named Soya winners^{[permanent dead link]}

[6] "SOYA Awards - 2007 winners". Archived from the original on 2008-09-13. Татаж авсан: 2009-11-20.

[7] Daily Nation, May 26, 2008: Jelimo sets new world junior record^{[permanent dead link]}

[8] Earth Times, August 16, 2009: Appeals: Jepkosgei advances; Taylor out for good - Summary (Memento 5. Есдүгээр сар 2012 цахим архивт)

[1]

[2]

[3]

[4]

[5]

[6]

[7]

[8]