Майны Франкфурт

Чөлөөт нэвтэрхий толь — Википедиагаас
— «Майн дахь Франкфурт» гээд холбогдов —
Харайх: Удирдах, Хайлт
«Франкфурт» үгээр энд холбогдлоо. Өөр зүйлийн хуудсыг «Франкфурт»-аас олж болно.
Майны Франкфурт
хот
Майны Франкфуртын төв хэсэг, Дойчхеррн гүүрээс харсан байдал

Сүлд тэмдэг

Франкфурт
Майны Франкфурт хотын байршил, германы газрын зураг дээр
Улс Flag of Germany.svg Герман (ХБНГУ)
Муж улс Хессен
Мужийн захиргаа Дармштадт
Хот Майны Франкфурт
Хотын дүүрэг 16 дүүрэгтэй
Газар нутаг 248,31 км²
Газрын байц д.т.д. 112 м
Хүн ам 701.350 (2013.12.31 байдлаар)
Нягт сийрэг 2843 хүн/км²
Хотын дарга Петер Фелдманн
Цагийн бүс ТЕЦ (ГЦ+1/+2)
Утасны дуг. +49 (0)69,
(0)6101 (Хархайм, Нидер-Эрленбаx),
(0)6109 (Берген-Энкхайм)
Шуудан-дугаар 60306–60599, 65929–65936
ТХ-таних дугаар F
Цахим хуудас www.frankfurt.de (германаар)

Майны Франкфурт хот нь 700.000 гаран хүн амтай бөгөөд хүн амынхаа тоогоор Хессен муждаа хамгийн томд нь тооцогдох ба улсдаа 5-р байранд ордог германы хот юм. Энэ хот нь Франкфурт-Райн-Майн нутгийн төв хот бөгөөд хүн амын төвлөрөлт нь ойролцоогоор 2,2 сая[1] орчим оршин суугчтай ба Райн-Майны метропол нутгийг тэр чигт тооцвол 5,5 сая болно.

Хотын нэр нь герман хэлээр Франкуудын гарам гэсэн утгатай. Эрт цагт франкуудын суурин газар байсан бөгөөд тэнд нь Майн голын гарам байдаг ажээ[2].

Майн голын эрэгт байрлах Франкфурт хот нь Германы санхүү, тээврийн төв бөгөөд Европын эх газрын санхүүгийн хамгийн том төв гэж хэлж болно. Тус хотод Европын Төв Банк, Германы Холбооны Банк, Франкфуртын Хөрөнгийн Бирж, Франкфуртын Худалдааны Төв болон хэд хэдэн арилжааны банк байрладаг. Франкфуртын нисэх онгоцны буудал нь дэлхийн хамгийн завгүй олон улсын нисэх буудлуудын нэг бөгөөд Франкфуртын төв өртөө нь Европын хамгийн том зангилаа өртөөнүүдийн нэг болно.

Дэлхийн хоёрдугаар дайны дараа Герман улс холбоотнуудын мэдэлд ороход Франкфурт нь Америкчуудын хяналтын бүст багтсан бөгөөд АНУ-ын Армийн Герман дахь төв штаб байрлаж байлаа.

Гадаадад "Франкфурт" гэвэл тус хотыг ойлгодог ч Германчууд Бранденбург мужид байх ижил нэртэй хотоос ялгахын тулд ихэвчлэн бүтэн нэрээр нь дууддаг байна.

Мөн үзэх[засварлах | edit source]

Зүүлт, тайлбар[засварлах | edit source]

  1. http://ftp.planungsverband.de/RV_Regionales_Monitoring_2011.pdf Daten und Fakten – Regionalverband FrankfurtRheinMain PDF-Datei
  2. Room, Adrian (2006). Placenames of the world. McFarland. Retrieved on 1 сарын 22.