Рио Фердинанд

Чөлөөт нэвтэрхий толь, Википедиагаас
Харайх: Удирдах, Хайлт
Рио Фердинанд
Rio Ferdinand.jpg
Хувийн мэдээлэл
Бүтэн нэр Рио Гэвин Фердинанд
Төрсөн огноо 1978 оны арваннэгдүгээр сарын 7
Төрсөн газар Пекхэм, Лондон, Англи
Биеийн өндөр 1.95 метр
Тоглодог байрлал төвийн хамгаалагч
Клубын мэдээлэл
Одоогийн клуб Манчестер Юнайтед
Дугаар 5
Тоглосон клубууд
Он Баг Тоглосон тоо
(Гоол)
1995-2000
1996
2000-2002
2002-
Вестхэм Юнайтед
Борнмут(зээллэгээр)
Лийдс Юнайтед
Манчестер Юнайтед
127(2)
10(0)
54(2)
221(6)
Үндэсний шигшээ
1997-2000
1997 -
Английн (21-ээс доошхи нас)
Англи
5(0)
78(3)

‡ Шинэчилсэн нь
2010-06-4

Рио Гэвин Фердинанд (англ. Rio Gavin Ferdinand, 1978 оны арваннэгдүгээр сарын 07) нь Премьер лиг дэх Манчестер Юнайтед клубийн арын хамгаалалтын байрлалд тоглодог бөгөөд 2010 онд Английн хөлбөмбөгийн үндэсний шигшээ багийн ахлагчаар томилогдсон хэдий ч ДАШТ-д бэртлийн улмаас оролцох боломжгүй болсон тул Стивен Жерардад үүргээ түр шилжүүлсэн. Рио шигшээ багтаа 78 тоглолт хийсэн бөгөөд гурван удаагийн ДАШТ-д оролцсон нэгэн.

Түүнийг багийн бүрэлдэхүүнд хамгийн чухал үүргийг тун чадварлаг гүйцэтгэдэг гэдгээр илүү сайн мэдэх билээ. Энэ нь багийн тоглолтын найруулалт[1]. Вестхэм Юнайтед клубээс гараагаа эхэлсэн Рио 1996 оноос эхлэн өдгөөг хүртэл Премьер лигт тоглож байгаа. Харин шигшээ багтаа 1997 оноос эхлэн тоглох болж түүхэн тоглогчдын эгнээнд жагссан билээ. Лийдс Юнайтед клубт 18 сая паундаар худалдагдан очсон нь тухайн үеийн өндөр үнэ байлаа. Уг клубт хоёр улирлыг өнгөрүүлэхдээ багийн ахлагчаар томилогдож байв.

Рио Манчестер Юнайтед клубт 2002 оны долоодугаар сард 30 паундаар очиж тухайн үеийн арилжааны үнийг дахиад л өндөрт өргөсөн нь бий. Энд тэр анхныхаа Премьер лигийн цомыг үнсч, багийнхныхаа хамтаар олон олон шагналын эзэн болж байв. Гэвч тэр энэ үед хар тамхины хэрэгт ороолцолдон найман сарын туршид лигийн тоглолтууд болон Евро-2004 тэмцээнд оролцох эрхээ хасуулж байв.

Фердинанд хоёр хүүтэй бөгөөд түүний эхнэрийг Ребекка Эллисон гэдэг. Түүний ах Антон Фердинанд, үеэл дүү Лес Фердинанд нар нэрээ дуурсгасан хөлбөмбөгчид билээ.

Бага нас[засварлах]

Фердинандын эцэг нь оёдолчин, эх нь хүүхэд асрагч байжээ. Тэд албан ёсоор гэрлээгүй хүмүүс байсан ба хүүгээ арван дөрвөн настайд нь тусдаа амьдарцгаасан гэдэг. Сургуульд орох үед нь Майк Тайсон, Диего Марадона нар ид нэр хүндийн оргилд гарч байсан бөгөөд тэднийг өөрийн баатраа гэж үздэг байв.

Фердинанд хүмүүжилтэй, сурлагадаа хүртэл их анхаардаг хүү байлаа. Гэр бүлийнхэнтэйгээ Лондоны алслагдмал, ядуу тарчигхан хүмүүс зонхилсон Пекхэм дүүрэгт амьдардаг байсан ба үе үе цочир ширүүн хэргүүд гардаг, замбараа муутай газар байжээ[2]. Амьдарч буй орчин нь ийм тул эцэг эх нь хүүгээ болж бүтэхгүй зүйлээс холуур тойрч зөнгөөрөө явж байхыг сургаж хүүгийнхээ занг зөв төлөвшихөд их нөлөөлсөн гэдэг. Фердинандын сурагч ахуй насны дүрийг 'Багси Мэлоун хэмээх америкийн хөгжимт киноны Багси Мэлоуны дүрээс харахад мэдрэгдэх болно гэж ярьдаг ажээ. Ангийнхныхаа хамт тоглоомын талбай дээр хөлбөмбөг тогмол тоглодог байх үеэс мэргэжлийн тамирчин болохыг мөрөөдөх болжээ.

1992 онд Лондоны захын Блэкхит дүүрэг дэх Цэнхэр цувтнууд ахлах сургуульд элсэн суралцах болов. Гэр нь сургуулиас нь зайтай байдаг тул дотуур байранд амьдардаг байв. Сургуульд суралцдаг хоёр дахь жилд нь Английг тэр аяар нь цочирдуулсан Стефен Лауренс хэмээх сурагчийн аймшигт аллага сургуульд нь болж хэн ч үгүй их цочролд автсан нь бий. Фердинанд хөлбөмбөг, гимнастикаар хичээллэдэгээсээ илүү театр болон балетийн урлагаар их хичээллэдэг нэгэн байжээ. Арван настайдаа Лондоны баруун хэсгийн Куинз Парк Рейнжерс клубийн академийн бэлтгэлийн үеэр тоглосон, арван нэгэн настайдаа Лондон дахь Балетийн Төв сургуульд элсэх шалгалтанд түрүүлж байсан нь түүний цаашдын хөлбөмбөг, балетаар хичээлэхэд дэм өгч байсан нь лавтай. Дөрвөн жилийн туршид идэвхтэй балетаар хичээллэж байгаад эцэст нь хөлбөмбөгийн спортыг сонгосон түүхтэй ажээ.


Шигшээ багт оруулсан гоол[засварлах]

# Хэзээ Хаана Өрсөлдөгч Оноо Үр дүн Тэмцээн
1 2002-06-15 Нийгата, Япон  Дани 1–0 3–0 2002 оны ДАШТ
2 2007-09-12 Лондон, Англи  Орос 3–0 3–0 2008 оны ЕАШТ-ий сон.
3 2008-10-11 Лондон, Англи  Хасаг 1–0 5–1 2010 оны ДАШТ-ий сон.

Шагналууд[засварлах]

Клуб[засварлах]

Манчестер Юнайтед[засварлах]

Хувиараа[засварлах]

  • Английн Премьер лигийн Оны шилдэг багийн бүрэлдэхүүн: 2001–02 (Leeds), 2004–05, 2006–07, 2007–08, 2008–09 (Manchester United)
  • Премьер лигийн Сарын онцлох тоглогч (1): 2001 оны X сар
  • FIFPro World XI: 2007–08

Үзүүлэлтүүд[засварлах]

Клуб Улирал Лиг Цом Лигийн цом Европ Бусад[3] Бүгд
Гараа Гоол Гараа Гоол Гараа Гоол Гараа Гоол Гараа Гоол Гараа Гоол
Вестхэм Юнайтед 1995–96 1 0 0 0 0 0 0 0 0 0 1 0
1996–97 15 2 1 0 1 0 0 0 0 0 17 2
Борнмут (зээллэгээр) 1996–97 10 0 0 0 0 0 0 0 1 0 11 0
Вестхэм Юнайтед 1997–98 35 0 6 0 5 0 0 0 0 0 46 0
1998–99 31 0 1 0 1 0 0 0 0 0 33 0
1999–2000 33 0 1 0 3 0 3 0 6 0 46 0
2000–01 12 0 0 0 2 0 0 0 0 0 14 0
Бүгд 127 2 9 0 12 0 3 0 6 0 157 2
Лийдс Юнайтед 2000–01 23 2 2 0 0 0 7 1 0 0 32 3
2001–02 31 0 1 0 2 0 7 0 0 0 41 0
Бүгд 54 2 3 0 2 0 14 1 0 0 73 3
Манчестер Юнайтед 2002–03 28 0 3 0 4 0 11 0 0 0 46 0
2003–04 20 0 0 0 0 0 6 0 1 0 27 0
2004–05 31 0 5 0 1 0 5 0 0 0 42 0
2005–06 37 3 2 0 5 0 8 0 0 0 52 3
2006–07 33 1 7 0 0 0 9 0 0 0 49 1
2007–08 35 2 4 0 0 0 11 1 1 0 51 3
2008–09 24 0 3 0 1 0 11 0 4 0 43 0
2009–10 13 0 0 0 1 0 6 0 1 0 21 0
Бүгд 221 6 24 0 12 0 67 1 7 0 331 7
Нийт 412 10 36 0 26 0 84 2 14 0 572 12

Хамгийн сүүлд 2010 оны 05 сарын 09-нд тоглосон[4]

Фердинанд 2004 онд

Эшлэл[засварлах]

  1. Rio Ferdinand (1997-11-15). Rio Ferdinand Profile, Statistics, News, Game Log. ESPN Soccernet. 2010-04-19-д хандсан.
  2. The Best Possible Life Chances. Southwark Council. 6 November 2008-д хандсан.
  3. Английн ХБХ-ны Коммунити Шиелд, УЕФА Супер цом, Олон Улсын цомын тэмцээнүүд, ФИФА-гийн клубүүдийн ДАШТ
  4. Rio Ferdinand. StretfordEnd.co.uk. 22 August 2009-д хандсан.

Холбоос[засварлах]