Майкл Оуэн

Майкл Оуэн
Хувийн мэдээлэл
Бүтэн нэр	Майкл Жэймс Оуэн
Өндөр	5 фут 9 инч (1.75 м)
Байрлал	Довтлогч
Багийн мэдээлэл
Одоогийн баг	Манчестер Юнайтед
Дугаар	7
Өсвөрийн баг
1991–1996	Ливерпүүл
Мэргэжлийн замнал*
Шигшээ баг‡
	* Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно. Сүүлд шинэчилсэн: 2011 оны 1 сарын 4 (UTC).; † Гараа (Гоол).; ‡ Шигшээ багийн гараа болон гоолыг сүүлд шинэчилсэн: 2009 оны 7 сарын 3 (UTC)

Майкл Жэймс Оуэн (Англи: Michael James Owen, 1979 оны 12 сарын 14-нд Честерт төрсөн) нь Английн мэргэжлийн хөлбөмбөгчин бөгөөд өдгөө Манчестер Юнайтед багт довтлогчоор тоглодог.

Хөлбөмбөгчин асан Терри Оуэний хүү тэрээр 1996 онд Ливерпүүл багаас мэргэжлийн хөлбөмбөгчний замналаа эхэлжээ. Эхэндээ залуучуудын багт тоглодог байсан хүү үндсэн багт 1997 оны 5 сард анх тоглохдоо л гоол оруулжээ. Улмаар Премьер Лигт бүтэн тоглосон анхны улиралдаа мэргэн буучдын жагсаалтыг тэргүүлсэн юм. Уг амжилтаа дараагийн жил нь давтсан тэрээр гуяныхаа гэмтлийг үл хайхран 1997–2004 онд Ливерпүүл багийнхаа мэргэн бууч нь байж ирсэн билээ. 2001 онд Ливерпүүл баг УЕФА-гийн цом, Английн Хөлбөмбөгийн Холбооны цом, Хөлбөмбөгийн Лигийн цомыг хүртэж, Оуэн өөрөө Баллон д'Ор шагналыг хүртэн, анхны томоохон амжилтуудаа гаргажээ. Тэрээр Ливерпүүлийн бүрэлдэхүүнд Премьер Лигт 216 тоглолт хийхдээ 118 гоол оруулсан юм.

Оуэн 2004 оны дундуур 8 сая фунт стерлингээр Реал Мадрид багт очсон боловч тоглолтонд ихэнхдээ сэлгээгээр орж ирдэг байлаа. Гэхдээ л Ла Лигад 13 гоол оруулсан нь тоглосон минуттай нь харьцуулахад улирлын хамгийн өндөр үзүүлэлт болж байсан юм. Тэрээр дараагийн улиралд нь Англидаа буцан ирж, 16 сая фунт стерлингээр Ньюкасл Юнайтед багт шилжжээ. 2005–06 оны улирлыг амжилттайгаар эхлүүлсэн ч дараагийн 18 сарын турш бэртэл гэмтлээс салсангүй. Хөлбөмбөгтөө буцаж ирсэн Оуэн багийн ахлагчаар сонгогдож, 2007–08 оны улиралд багийнхаа мэргэн буучаар тодорчээ. Түүний гэрээний 4 жилийн хугацааны сүүлийн улиралд Ньюкасл баг зиндаа уруудаж, чөлөөт агент болсон Оуэн Манчестер Юнайтед баг руу үнэгүй шилжиж иржээ.

Олон улсын тавцанд анх 1998 онд насанд хүрэгчдийн шигшээ багтаа багтан тоглосон тэрээр тухайн үедээ Английн шигшээ багийн хамгийн залуу тоглогч, хамгийн залуудаа гоол оруулсан тоглогч болж байв. Түүний 1998 оны ДАШТ-д үзүүлсэн гайхалтай тоглолт түүнийг од болгосон бөгөөд уг тэмцээнээс гадна 2000 оны ЕАШТ, 2002 оны ДАШТ, 2004 оны ЕАШТ-д оролцож, гоол оруулж явжээ. Тэрээр Английн шигшээ багийн бүрэлдэхүүнд 4 том тэмцээнд гоол оруулж байсан цорын ганц тоглогч нь юм. Мөн 2006 оны ДАШТ-д оролцсон ч гэмтэл авч, бүрэн эдгэрэх хүртлээ бүтэн жил зарцуулсан билээ. Багийн ахлагчийн туузыг ч зүүж байсан удаатай Оуэн Английн шигшээ багийн бүрэлдэхүүнд хийсэн тоглолтынхоо тоогоор 7-рт бичигддэг. Тэрээр 89 тоглолтод 40 гоол оруулсны 26 нь тоглолтын хувь заяаг шийдвэрлэж байсан аж.^[2]

2006 оны ДАШТ-д Оуэн гэмтэл авч, удаан хугацаагаар тоглоогүй нь ФИФА, Английн Хөлбөмбөгийн Холбоо, Ньюкасл Юнайтед багийн хооронд маргаан үүсгэж байсан бөгөөд Ньюкасл 10 сая фунт стерлингийн нөхөн төлбөр авч, урьд хожид үзэгдээгүй явдал гарч байсан. Улмаар тоглогчид шигшээ багтаа тоглож байгаад гэмтэл авбал харьяалагдах баг болон шигшээ багийн хоорондох харьцааг зохицуулах асуудалд өөрчлөлт орсон түүхтэй билээ.

Статистик

Баг	Улирал	Лиг		Цом		Лигийн цом		Европ		Бусад		Нийт
Баг	Улирал	Тоглолт	Гоол	Тоглолт	Гоол	Тоглолт	Гоол	Тоглолт	Гоол	Тоглолт	Гоол	Тоглолт	Гоол
Ливерпүүл	1996–97	2	1	0	0	0	0	0	0	0	0	2	1
	1997–98	36	18	0	0	4	4	4	1	0	0	44	23
	1998–99	30	18	2	2	2	1	6	2	0	0	40	23
	1999–2000	27	11	1	0	2	1	0	0	0	0	30	12
	2000–01	28	16	5	3	2	1	11	4	0	0	46	24
	2001–02	29	19	2	2	0	0	12	5	2	2	45	28
	2002–03	35	19	2	0	4	2	13	7	1	0	55	28
	2003–04	29	16	3	1	0	0	6	2	0	0	38	19
	Нийт	216	118	15	8	14	9	52	21	3	2	297	158
Реал Мадрид	2004–05	35	13	4	2	–		4	1	0	0	43	16
Реал Мадрид	Нийт	35	13	4	2	–		4	1	0	0	43	16
Ньюкасл Юнайтед	2005–06	11	7	0	0	0	0	0	0	0	0	11	7
	2006–07	3	0	0	0	0	0	0	0	0	0	3	0
	2007–08	29	11	3	1	1	1	0	0	0	0	33	13
	2008–09	28	8	2	0	2	2	0	0	0	0	32	10
	Нийт	71	26	5	1	3	3	0	0	0	0	79	30
Манчестер Юнайтед	2009–10	19	3	1	0	4	2	6	4	1	0	31	9
	2010–11	5	1	0	0	1	2	1	0	1	0	8	3
	Нийт	24	4	1	0	5	4	7	4	2	0	39	12
Бүгд		346	161	25	11	22	16	63	26	5	2	458	216

2011 оны 1 сарын 4-ний байдлаар^[3]

^[4] ^[5]

Английн шигшээ баг
Огноо	Гараа	Гоол
1998	12	4
1999	6	1
2000	6	3
2001	8	6
2002	12	5
2003	9	5
2004	13	4
2005	9	7
2006	5	1
2007	8	4
2008	1	0
Нийт	89	40

Эшлэл

↑ Hugman, Barry J. (2009). The PFA Footballers Who's Who 2009–10. Edinburgh: Mainstream Publishing. х. 322. ISBN 978-1-84596-474-0.
↑ Arnhold, Matthias (2009-01-29). "England – Record International Players". RSSSF. Татаж авсан: 2009-02-11.
↑ Endlar, Andrew. "Michael Owen". StretfordEnd.co.uk. Татаж авсан: 2 October 2010.
↑ http://www.national-football-teams.com/v2/player.php?id=2190
↑ http://www.rsssf.com/miscellaneous/owen-intlg.html

Гаднын холбоосууд

Commons: Майкл Оуэн – Викимедиа зураг, бичлэг, дууны сан

[1] Hugman, Barry J. (2009). The PFA Footballers Who's Who 2009–10. Edinburgh: Mainstream Publishing. х. 322. ISBN 978-1-84596-474-0.

[2] Arnhold, Matthias (2009-01-29). "England – Record International Players". RSSSF. Татаж авсан: 2009-02-11.

[3] Endlar, Andrew. "Michael Owen". StretfordEnd.co.uk. Татаж авсан: 2 October 2010.

[4] ttp://www.national-football-teams.com/v2/player.php?id=2190

[5] ttp://www.rsssf.com/miscellaneous/owen-intlg.html

[1]

[2]

[3]

[4]

[5]