Юрий Седых

Юрий Седых
Хөнгөн атлетик
Төлөөлдөг улс: Зөвлөлт Холбоот Улс ЗХУ
Хувийн мэдээлэл
Бүтэн нэр Юрий Георгиевич Седых
Төрсөн огноо 1955 оны 6 сарын 11 (1955-06-11) (68 настай)}
 
Медалиуд
Зуны олимп
Алт Монреаль 1976 Дүүгүүр
Алт Москва 1980 Дүүгүүр
Мөнгө Сөүл 1988 Дүүгүүр
Дэлхийн АШТ
Мөнгө Хельсинки 1983 Дүүгүүр
Алт Токио 1991 Дүүгүүр
Европын АШТ
Алт Прага 1978 Дүүгүүр
Алт Афин 1982 Дүүгүүр
Алт Штуттгарт 1986 Дүүгүүр

Юрий Григориевич Седых (Украин: Юрій Георгійович Сєдих; Орос: Ю́рий Гео́ргиевич Седы́х, 1955 оны 6 сарын 11-нд төрсөн[1]) нь Зөвлөлт-Украйны хөнгөн атлетикч бөгөөд дүүгүүр шидэлтийн дэлхийн дээд амжилтын эзэн юм.

Седых 1967 оноос хөнгөн атлетикаар хичээллэж эхэлсэн бөгөөд түүний анхны багшийг Владимир Иванович Воловик гэдэг байв.[2] Тэрээр Буревестник нийгэмлэгээс гараагаа эхэлж, хожим Киев дэх Зэвсэгт Хүчний спортын нийгэмлэгт харьяалагдах болсон (Седых Зөвлөлтийн Армийн хошууч цолтой). 1973 онд ЗХУ-ын өсвөрийн шигшээ багт багтжээ.[2] Тэрээр Германы Штуттгарт хотноо зохиогдсон 1986 оны Европын АШТ-д 86.74 м шидэж, дэлхийн дээд амжилт тогтоосон нь өнөөг хүртэл эвдэгдээгүй байна. Тус спортын түүхэнд 86 метрийн босгыг давсан тамирчин түүнээс гадна хоёрхон байдаг; Иван Тихон (86.73 м, дэлхийн дээд амжилтаас 1 см дутуу), Сергей Литвинов (86.04 м).

Бусад дүүгүүр шидэгчид дөрөв эргэж шиддэг бол Седых гурав эргээд л шидэлтээ гүйцэтгэдэг байв. Тэрээр бэлтгэл дээр гурав, дөрөв эргэлтийн алинаар ч ойролцоо амжилт үзүүлдэг байжээ. 1972 оноос түүнийг дасгалжуулах болсон Анатолий Бондарчук бол дэлхийн дүүгүүр шидэлтийн хамгийн шилдэг дасгалжуулагчдын нэг байлаа. Седых бэлтгэл дээрээ тэмцээнд хэрэглэгддэгээс хөнгөн, эсвэл хүнд жинтэй дүүгүүр шидэх явдал элбэг байсан гэдэг. Тэрээр 1976, 1980 оны зуны олимп, 1986 оны Сайн санааны тоглолт, 1991 оны дэлхийн АШТ-д тус тус түрүүлж байв.

Өдгөө Седых АНУ-д жил бүр дүүгүүр шидэлтийн зуны сургалт зохион байгуулдаг бөгөөд Францын дүүгүүр шидэгчдийг дасгалжуулж байна. Түүний шавь нараас Николья Фигье 80.88 метрийн амжилт үзүүлээд буй.

Хувийн амьдрал[засварлах | кодоор засварлах]

Юрийгийн анхны эхнэр Людмила Кондратьева мөн 1980 оны олимпийн 100 метрийн гүйлтийн аварга юм. Тэд 1980-аад оны дундуур гэрлэсэн ч хожим салжээ.[3][4]

Хоёр дахь буюу одоогийн эхнэр Наталья Лисовская нь бөөрөнцөг түлхэлтээр 1988 оны зуны олимпод аваргалсан, бөөрөнцөг түлхэлтийн дэлхийн дээд амжилтыг эзэмшдэг (22.63 м). Тэд 1992 онд төрсөн Алексиа хэмээх ганц охинтой бөгөөд 2010 онд Сингапурт зохиогдсон өсвөрийн зуны олимпоос дүүгүүр шидэлтийн төрөлд алтан медаль хүртсэн, тамирчин гэр бүл юм. Седыхын гэр бүл өдгөө Францын Парист амьдардаг бөгөөд охин нь Францын нэрийн өмнөөс тэмцээн уралдаанд оролцдог байна.

Ном зүй[засварлах | кодоор засварлах]

  • Е. Г. Богатырев (1982). Юрий Седых. Олимпийн наадмын баатрууд (in орос). Москва: Физкультура и Спорт.[permanent dead link]

Эшлэл[засварлах | кодоор засварлах]

  1. Борис Хавин (1979). Олимпийн наадмын тухай (in орос) (2-р хэвлэл ed.). Москва: Физкультура и Спорт. p. 578.
  2. 2.0 2.1 Е. Г. Богатырев (1982). Юрий Седых. Олимпийн наадмын баатрууд (in орос). Москва: Физкультура и Спорт.[permanent dead link]
  3. "Archive copy". Archived from the original on 2014-07-31. Retrieved 2010-11-20.{{cite web}}: CS1 maint: archived copy as title (link)
  4. http://www.sports-reference.com/olympics/athletes/se/yury-sedykh-1.html
Өмнөх
Баруун Герман Карл-Ханс Рием
Эрэгтэйчүүдийн дүүгүүрийн дэлхийн дээд амжилтын эзэн
1980 оны 5 сарын 16
Дараах
Зөвлөлт Холбоот Улс Юрий Тамм
Өмнөх
Зөвлөлт Холбоот Улс Юрий Тамм
Эрэгтэйчүүдийн дүүгүүрийн дэлхийн дээд амжилтын эзэн
1980 оны 5 сарын 16 – 1980 оны 5 сарын 24
Дараах
Зөвлөлт Холбоот Улс Сергей Литвинов
Өмнөх
Зөвлөлт Холбоот Улс Сергей Литвинов
Эрэгтэйчүүдийн дүүгүүрийн дэлхийн дээд амжилтын эзэн
1980 оны 7 сарын 31 – 1982 оны 6 сарын 4
Дараах
Зөвлөлт Холбоот Улс Сергей Литвинов
Өмнөх
Зөвлөлт Холбоот Улс Сергей Литвинов
Эрэгтэйчүүдийн дүүгүүрийн дэлхийн дээд амжилтын эзэн
1984 оны 7 сарын 3 –
Дараах
-
Өмнөх
Марокко Саид Ауйта
Дэлхийн оны шилдэг эрэгтэй хөнгөн атлетикч
1986
Дараах
Канад Бен Жонсон