Ян Железны

Ян Железны Хөнгөн атлетик Хувийн мэдээлэл Бүтэн нэр Ян Железны Төрсөн огноо (1966-06-16) 6 сарын 16, 1966 Төрсөн газар Млада Болеслав, Чехословак

Төлөөлсөн улс: Чехословак

Медалиуд Зуны олимп Сөүл 1988 Жад шидэлт Барселона 1992 Жад шидэлт Дэлхийн АШТ Ром 1987 Жад шидэлт

Төлөөлсөн улс: Чех

Медалиуд Зуны олимп Атланта 1996 Жад шидэлт Сидней 2000 Жад шидэлт Дэлхийн АШТ Штуттгарт 1993 Жад шидэлт Гётеборг 1995 Жад шидэлт Севилья 1999 Жад шидэлт Эдмонтон 2001 Жад шидэлт Европын АШТ Хельсинки 1994 Жад шидэлт Гётеборг 2006 Жад шидэлт

Ян Железны (Чех: Jan Železný, 1966 оны 6 сарын 16-нд Чехословакийн Млада Болеславт төрсөн) нь Чехийн хөнгөн атлетикч, жад шидэлтийн дэлхий, олимпын аварга, дэлхийн дээд амжилтын эзэн тамирчин юм. Тэрээр жад шидэлтийн бүх цаг үеийн хамгийн шилдэг 5 амжилтыг ганцаараа эзэмшдэг. Иймээс түүнийг бүх цаг үеийн хамгийн шилдэг жад шидэгч гэх нь элбэг.

Тэрээр 1996 онд 98.48 метр шидэж дэлхийн дээд амжилт тогтоосноос гадна 2001 оны ДАШТ-д 92.80 метрээр ДАШТ-ий дээд амжилтыг тогтоосон. Железны 90 метрээс хол шидсэн амжилтыг албан ёсны тэмцээнүүдэд 52 удаа үзүүлсэн байдаг нь бусад бүх жад шидэгчдийнхийг нийлүүлснээс (32) хол илүү юм. Тэрээр мөн шинэ төрлийн жадаар 94 метрээс хол шидэж чадсан цорын ганц тамирчин төдийгүй уг амжилтаа 5 удаа үзүүлжээ.

Железны тамирчныхаа замналдаа Стив Бакли, Сергей Макаров, Борис Хенри, Сеппо Рэти, Рэймонд Хэкт, Аки Парвиайнен нарын олон шилдэг тамирчидтай ширүүн өрсөлдөж ирсэн.

Тэрээр хамгийн сүүлд Гётеборгт болсон 2006 оны Европын АШТ-д 85.92 метрийн амжилтаар хүрэл медаль хүртээд зодог тайлжээ. Зодог тайлах ёслолоо анх хөнгөн атлетикаар хичээллэж эхэлсэн Млада Болеславтаа 2006 оны 9 сарын 19-нд хийсэн аж.

Тэрээр өдгөө Олон Улсын Олимпын Хорооны гишүүн бөгөөд Прага хотод дасгалжуулагчаар ажилладаг.

Цахим холбоос

• ОУХАХ-ны цахим хуудсан дахь тамирчны танилцуулга: Ян Железны

Өмнөх Жонатан Эдвардс	Европын оны шилдэг эрэгтэй хөнгөн атлетикч 1996	Дараах Вилсон Кипкетер
Өмнөх Томаш Дворак	Европын оны шилдэг эрэгтэй хөнгөн атлетикч 2000	Дараах Андре Бухер
Өмнөх Майкл Жонсон	ОУХАХ-ны дэлхийн шилдэг хөнгөн атлетикч 2000	Дараах Хишам Эл Герруж