Ян Коллер

Чөлөөт нэвтэрхий толь — Википедиагаас
Харайх: Удирдах, Хайлт
Ян Коллер
Koller.jpg
Ян Коллер Крылья Советовд
Хувийн мэдээлэл
Төрсөн огноо 1973 оны 3 сарын 30 (1973-03-30) (44 настай)
Төрсөн газар Чехословак,[1] Прага
Өндөр 2.02 м
Байрлал Довтлогч
Мэргэжлийн замнал*
Он Баг Гараа (Гоол)
1994–1996 Спарта Прага 29 (5)
1996–1999 Локерен 97 (43)
1999–2001 Андерлехт 65 (42)
2001–2006 Боруссиа 138 (59)
2006–2008 Монако 50 (12)
2008 Нюрнберг 14 (2)
2008–2009 Крылья Советов 46 (16)
2009–2011 Канн 44 (20)
Нийт 483 (201)
Шигшээ баг
1995–1996 Чех (21-) 3 (1)
1999–2009 Чех 91 (55)
* Мэргэжлийн замналын тоглолтын (гоол) үзүүлэлтийг дотоодын лигтэй нь уялдуулсан болно.
† Гараа (Гоол).

Ян Коллер (чех. Jan Koller, 1973 оны гуравдугаар сарын 30-нд Прага хотод төрсөн) — Чехийн зодог тайлсан хөлбөмбөгчин юм.

91 тоглолтонд 55 гоолдсон Чехийн шилдэг мэргэн бууч. Коллер биеийн хүчний тоглолттой, агаарын бөмбөгийг мөргөх, унаж татах, гуядах зэргээр гоолддог 202 см өндөр биед баймааргүй техниктэй довтлогч.

Замнал[засварлах | edit source]

Хаалгачаар бэлтгэгдэж эхэлсэн[2] Коллерийг шууд довтлогчоор хүчирхэг Спарта Прага дууджээ. 1995 оны хавар анх Бенешовтой тоглоход сэлгээнээс гараалсан[3] түүнийг бельгийн Локерен 102,000 еврогоор элсүүлсэн юм.

Бельгийн лигт илүү сайжирсан Коллер мэргэн бууч (24 гоол) болсон 1998-1999 онд Андерлехтэд элсчээ. Тэнд найдвартай хамтрагч канад довтлогч Томаш Радзинскитэй хосолсоны дүнд Коллер анхны улиралдаа 'Алтан шаахайн' эзнээр шалгарав. Харин германы Боруссиа Дортмундын 13 сая еврогийн татгалзах аргагүй саналыг Андерлехт ёсоор болгон авъяаслаг довтлогчоо илгээв. 2002 онд бундеслигт аваргалахад 11 гоолоор тусалсан Коллер УЕФА Цомын шувтаргад Фейеноордод ялагдахад (3:2) гоолдсон.

2002-2003 онд түүнийг хаалгачаар давхар бэлтгэсэн хэрэг Бавари Мюнхентэй тоглоход гарав. Йенс Леманн талбайгаас хөөгдөхөд (67')[4] нээлтийн гоолын эзэн (8') Коллерийг хаалгачаар тоглуулахад сурамгай хаалтуудаар гоолгүй манасан билээ.[5][6][7]

2006-2008 онд францын Монакод тоглоод германы Нюрнбергт иржээ.[8] Тэнд нутаг нэгт Томаш Галасек болон Яромир Блажек нартай II лигт унасан байдаг.

2008 оны нэгдүгээр сарын 23-нд оросын Крылья Советовд 1 сая еврогоор элсэв.[9] 2009 оны арванхоёрдугаар сарын 5-нд францын III лигийн Каннд элсэж,[10] гэрээний хугацаагаа дуусгаад 2011 онд хөлбөмбөгийн замналаа дуусгажээ.

Шигшээ[засварлах | edit source]

Коллер Чехийн шигшээд 2000, 2004, 2008 оны ЕАШТ болон 2006 оны ДАШТ-д оролцсон. 2004 оны зургаадугаар сарын 19-нд Данитай (3:0), зургаадугаар сарын 27-нд Нидерландтай (3:2) Евро-2004 тэмцээнд, 2006 оны зургаадугаар сарын 12-нд АНУ-тай (3:0) 2006 оны ДАШТ-д, 2008 оны зургаадугаар сарын 15-нд Турктэй (2:3) Евро-2008 тэмцээнд тоглоход Коллер гоолдсон.

Амжилт[засварлах | edit source]

Багийн
Хувийн
  • Чехийн шилдэг мэргэн бууч — 55 гоол
  • Бельгийн лигийн мэргэн бууч: 1998/99
  • Бельгийн лигийн алтан шаахай: 2000
  • Чехийн шилдэг хөлбөмбөгчин: 1999

Үзүүлэлт[засварлах | edit source]

[11]

Сонирхолтой баримт[засварлах | edit source]

Тэр хараа муутай тул контакт линзтэй тоглодог байв.

Эшлэл[засварлах | edit source]

  1. Nejlepší reprezentační střelec Jan Koller ukončil kariéru (Czech). Czech Republic Football Association. 31 March 2013-д хандсан.
  2. Czech striker Koller calls it a day. FourFourTwo (17 August 2011). 17 October 2013-д хандсан.
  3. Teď už budu hrát jen zadarmo, loučil se fotbalový útočník Koller (Czech). idnes.cz (6 September 2011). 12 May 2013-д хандсан.
  4. "Koller za Dortmund skóroval i chytal", idnes.cz, 10 November 2002. 29 December 2012-нд авсан. (Czech) 
  5. http://www.fussballdaten.de/bundesliga/2003/12/bmuenchen-dortmund/
  6. Auch diese Feldspieler standen im Tor (German). 29 December 2012-д хандсан.
  7. 1. Bundesliga - Elf des Tages am 12. Spieltag der Saison 2002/03 (German). 29 December 2012-д хандсан.
  8. Club vor Verpflichtung von Koller (German). fcn.de (6 January 2006). 5 March 2008-д хандсан.
  9. "Koller signs contract with Russian club Samara", SI.com, 23 June 2008. 24 June 2008-нд авсан. Archived from the original on 27 June 2008. 
  10. Koller signs for Cannes. FIFA (4 December 2010). 4 December 2010-д хандсан.
  11. Jan Koller – International Appearances. RSSSF. 2 February 2011-д хандсан.

Холбоос[засварлах | edit source]

Загвар:2000 оны ЕАШТ-д Чехийн хөлбөмбөгийн шигшээ Загвар:2004 оны ЕАШТ-д Чехийн хөлбөмбөгийн шигшээ Загвар:2006 оны ДАШТ-д Чехийн хөлбөмбөгийн шигшээ Загвар:2008 оны ЕАШТ-д Чехийн хөлбөмбөгийн шигшээ