Борис Резухин
Борис Петрович Резухин (18.. — 1921 оны 8 сарын 16) — Оросын хаант улсын армийн хошууч генерал (1920), дэлхийн I, Оросын иргэний дайнд Цагаантны хөдөлгөөний талд оролцогч. Тэрбээр Азийн морин дивизийн командлагчийн орлогч бөгөөд 2-р морин бригадын захирагч байсан. 1921 оны 02 дугаар сард Нийслэл хүрээг гамингаас чөлөөлөх тулалдаанд Азийн морин дивизийн орлогчоор оролцжээ. Нийслэл хүрээг чөлөөлсөн ялалтын дараа Богд хаан Резухинд чин ван цолыг шагнасан. Барон Унгерны ЗОУ руу хийсэн аян дайнд тэргүүн болон баруун жигүүрийн чиглэлээр давшилт хийжээ. Түүний командалсан Азийн морин дивизийн 2-р морин бригад Верхнеудинскийн чиглэлээр давшилт хийсэн боловч давуу хүчтэй Улаан арми болон Алс дорнодын Бүгд Найрамдах Улсын Ардын армийн цэрэг, улаан партизаны хүчинд шахагдан Монгол руу ухран орж, Бароны командалсан Азийн морин дивизийн гол хүчтэй нэгдсэн байна. Азийн морин дивизийн хамт Дух нарсны тулалдаан, Гуртын тавилангийн тулалдаан болон бусад тулалдаанд оролцож, Х.Чойбалсангийн командалсан Баруун замын Ардын журамт цэрэг ба А.Нейманы командалсан Улаан армийн Монгол дах аялан байлдах цэрэгтэй тулалдаж явжээ. Хурандаа Торновскийн дуртгалд өгүүлсэнээр Барон Унгерн фон Штернберг Урианхайн хотгор руу ухрахаар шийдсэний дараа түүнийг эсрэгээр Манжуур руу явах хүсэлтэй байсан хурандаа Хоботов тэргүүтэй офицерүүдын зохион байгуулсан хуйвалдааны золиос болж 1921 оны 08 дугаар сарын 16-ны шөнө Сэлэнгийн эрэгт буудалласан 2 -р морин бригадын хээрийн отогт алуулсан гэжээ.
Мөн үзэх[засварлах | edit source]
- Азийн морин дивиз монголд нэвтэрсэн нь
- Нийслэл хүрээг хятадын гамин цэргээс чөлөөлсөн нь
- Улаан хадны байлдаан
- Чойр, Замын үүдийн чиглэлээр хийсэн байлдаан
- Азийн морин дивизийн 1921 онд Зөвлөлтийн эсрэг хийсэн аян дайн
- Азийн морин дивизийн Троицкосавск руу хийсэн дайралт
- Азийн морин дивизд гарсан бослого
- Азийн морин дивиз Манжуур луу гарсан нь