Ватт (нэгж)

Ватт
Нэгжийн систем	СИ-н уламжлагдсан нэгж
Хэмжигдэхүүн	Чадал
Тэмдэглэгээ	Вт
Нэрлэгдсэн	Жэймс Ватт
СИ-н үндсэн нэгжүүдээр	1 кг·м2/с3
Шилжүүлэг
1 Вт нь...
СГС системд	1×10−7 эрг/с

Ватт гэдэг нь Шотландын инженер, зохион бүтээгч Жэймс Ваттын нэрээр нэрлэгдсэн олон улсын СИ системийн чадлыг хэмжих уламжлагдсан нэгж (хэмжээс) юм. Тэмдэглэгээ нь Вт. Тус нэгж нь энерги шилжилтийн хурдыг хэмждэг ба 1Ж/1с гэж тодорхойлогддог. СИ-н үндсэн нэгжүүдээр илэрхийлэн бичвэл кг·м²·c⁻³.

Тодорхойлолтууд

1Вт гэдэг нь тогтмол 1Н хүчний эсрэг 1м/с тогтмол хурдтай хөдлөх үед 1с-д хийгдэх ажил юм.

Вт = Ж/с = Н·м·c⁻¹ = кг·м²·c⁻³.

Цахилгаан соронзонгийн үүднээс 1Вт нь 1А гүйдэл 1В потенциалын ялгавараар гүйх үед 1с-д хийгдэх ажил юм.

Вт = В·А

Жишээ

Физикийн чадал гэсэн хэмжигдэхүүн болон түүний нэгж Ватт нь бидний өдөр тутмын амьдралд их тааралддаг. Жишээ нь 100Вт-н (мөн 100 лааны гэж хэлэгддэг) чийдэн гэдэг нь 1секундэд 100Ж цахилгааны эрчим хүч хэрэглэн асна гэсэн үг юм. Вт (чадал) их байна гэдэг нь нэгж хугацаанд хэрэглэх эрчим хүч их байхыг харуулна.

Зэргүүд

ватт (Вт)-н зэргүүд

Хасах зэргүүд				Нэмэх зэргүүд
Тоон утга	Тэмдэглэгээ	Нэр		Тоон утга	Тэмдэглэгээ	Нэр
10−1	дВт	дециватт		101	даВт	декаватт
10−2	сВт	сантиватт		102	гВт	гектоватт
10−3	мВт	милливатт		103	кВт	киловатт
10−6	µВт	микроватт		106	МВт	мегаватт
10−9	нВт	нановатт		109	ГВт	гигаватт
10−12	пВт	пиковатт		1012	ТВт	тераватт
10−15	фВт	фемтоватт		1015	ПВт	петаватт
10−18	аВт	аттоватт		1018	ЭВт	эксаватт
10−21	зВт	зептоватт		1021	ЗВт	зеттаватт
10−24	йВт	йоктоватт		1024	ЙВт	йоттаватт
Түгээмэлүүдийг нь тодруулав.