Карим Масимов
| Карим Масимов | |
 | |
| Бүтэн нэр | Кәрім Қажымқанұлы Мәсімов Кари́м Кажимка́нович Маси́мов |
|---|---|
| Төрсөн өдөр | 1965 оны 6 сарын 15 |
| Төрсөн газар | Зөвлөлт, Казахстан, Целиноград |
| Улс орон |  Казахстан (БНКазУ) |
| Ажил үйл | улс төрч, эдийн засагч |
Карим Масимов (хас. Кәрім Қажымқанұлы Мәсімов) гэж 1965 онд Целиноградад буюу өнөөгийн Нур-Султан хотод төрсөн уйгур үндэстэн, (гэж яригддаг боловч өөрийгөө хасагийн найман овогт хүн гэж үздэг юм билээ; түүний эцэг Кажимкан Касымович Масимов нь хожа араб - хасагийн холимог цустай, эх нь Элеонора Каримовна Ажибекова гэж хасагийн найман овгийн хүн ) 2007-2012, 2014-2016 онуудад хоёр удаа Казахстан улсын Ерөнхий сайдаар ажиллаж байсан улс төрч хүн. 2016-2022 онд БНКазУ-ын Үндэсний Аюулгүй байдлын Хорооны дарга байсан. Казахстаны Нур Отан намын гишүүн.
Карим Масимов 1982 онд Алма-Ата хотноо улсын хэмжээний физик-математикийн дунд сургууль дүүргэж ЗЗөвлөлт Холбоот Улсын Москва хотын П.Лулумбын Ард түмнүүдийн найрамдлын дээд сургууль болон Хасагийн Эдийн засгийн их сургууль төгссөн байна. Түүнээс гадна Хятад, Америкт сурчээ. Казах, орос, хятад, араб хэлтэй. 1991 онд Казахстан улсын хөдөлмөрийн яаманд ажилд орсноос хойш хэд хэдэн банк удирдсан. 2000—2001 онд Зам тээвэр, харилцаа холбооны сайд, 2001—2003 онд Ерөнхий сайдын зөвлөх, 2003—2006 онд Ерөнхийлөгчийн зөвлөхөөр ажиллаж байв. 2012—2014 онд Ерөнхийлөгчийн хэрэг эрхлэх газрын даргаар ажилласан.
2022 оны нэгдүгээр сарын 5-ны өдөр Аюулгүйн зөвлөлийн хуралдааны дараа Казахстаны Ерөнхийлөгч Касым-Жомарт Токаев тус улсад үймээн самуун гарч байгаатай холбогдуулан Карим Масимовыг ҮАБХ-ны даргын албан тушаалаас огцруулсан. Маргааш нь түүнийг эх орноосоо урвасан хэргээр (БНКазУ-ын Эрүүгийн хуулийн 175-р зүйл) саатуулж, түр саатуулах төвд хорьжээ. Масимовын оронд Токаевын Төрийн хамгаалалтын газрын дарга асан Ермек Сагинбаев Казахстаны үндэсний аюулгүй байдлын Хорооны шинэ тэргүүн болсон байна.
Цахим холбоос[засварлах | edit source]
| Улс төрийн албан тушаал | ||
|---|---|---|
| Өмнөх Даниал Ахметов |
Казахстан улсын ерөнхий сайд 2007–2012 |
Дараах Серик Ахметов |
| Өмнөх Серик Ахметов |
Казахстан улсын ерөнхий сайд 2014-2016 |
Үүрэг гүйцэтгэгч |