Намжилын Баярсайхан

Намжилын Баярсайхан Бокс Төлөөлдөг улс: Монгол Хувийн мэдээлэл Бүтэн нэр Намжилын Баярсайхан Төрсөн огноо 1965 он Төрсөн газар Монгол Улс, Завхан

Медалиуд Зуны олимп Барселон 1992 60кг Азийн АШТ Кувейт 1987 60кг Бээжин 1989 60кг

Намжилын Баярсайхан нь 1965 оны 8 сарын 10-нд Завхан аймгийн Цагаанчулуут суманд төрсөн монголын боксчин юм. 1998 онд Цагдаагийн академи, 2004 онд Удирдлагын Академи төгссөн. Эрх зүйч, төрийн удирдлагын менежер мэргэжилтэй. Одоо Гаалийн Ерөнхий Газрын ахлах байцаагчаар ажилладаг.

Амжилтын товчоон

• 1992 оны Барселоны Олимпод боксын 60 кг-ын жинд хүрэл медаль хүртсэн.
• 1987 онд Кувейт, 1989 онд БНХАУ-д зохиогдсон Ази тивийн аварга шалгаруулах тэмцээнээс алтан медаль авсан.
• Дэлхийн аварга шалгаруулах тэмцээний шөвгийн наймд 2 удаа үлдсэн. (1989 Москва, 1991 Сидней)
• Монгол улсын 2 удаагийн аварга
• Улаанбаатар хотноо зохиогддог олон улсын Интернациональ тэмцээний 5 удаагийн аварга
• 1989, 1990 онд Чехийн Мустина Лабе олон улсын тэмцээний мөнгө, Бүгд Найрамдах Ардчилсан Солонгос Ард Улсад зохиогддог олон улсын тэмцээнээс 2 алт, 1 мөнгө, Оросын Холбооны Улсын олон улсын тэмцээнээс 2 мөнгө, Филиппин улсад зохиогдсон Олимпын наадамд эрх олгох тэмцээнээс мөнгөн медаль тус тус хүртсэн.
• Дэлхийн шилдэг боксчдын жагсаалтанд 3 удаа бичигдсэн. (1989, 1991, 1992)
• 1992 онд Монгол улсын гавъяат тамирчин цол хүртсэн. Азийн Боксын Холбооны шүүгчийн зэрэгтэй.

Мөн үзэх

• Олимпын медальт монголчууд