Бразил

Холбооны Бүгд Найрамдах Бразил Улс República Federativa do Brasil
Төрийн далбаа Төрийн сүлд
Уриа: Ordem e Progresso (Дэг журам ба дэвшил)
Төрийн дуулал: Hino Nacional Brasileiro (Бразилын төрийн дуулал)
Нийслэл	Бразилиа
Албан ёсны хэл	Португал
Төр засаг	Холбооны Бүгд Найрамдах ерөнхийлөгчийн засаглалтай улс
• Ерөнхийлөгч	Дилма Руссефф
• Дэд ерөнхийлөгч	Мишель Темер
Байгуулагдсан
• Португалаас тусгаарласнаа зарласан	1822 оны 9 сарын 7
• Хүлээн зөвшөөрөгдсөн	1825 оны 8 сарын 29
• Бүгд Найрамдах Улс болсон	1889 оны 11 сарын 15
Газар нутаг
• Нийт	8,514,877 км2 (5)
• Усны эзлэх талбай (%)	0.65
Хүн ам
• Тооцоо	186,757,608 (5)
• 2000 тооллого	169,799,170
• Нягтаршил	22/км2 (182)
ХХИ	0.800 маш өндөр · 70
Мөнгөний нэгж	Реал (BRL)
Цагийн бүс	UTC-2-с −5
• Зуны цаг (ЗЦ)	−2-с −5
Утасны томьёо	55
Домэйн нэр	.br

Бразил (порт. Brasil), албан ёсоор Холбооны Бүгд Найрамдах Бразил Улс ([República Federativa do Brasil] Error: {{Lang}}: text has italic markup (help)) нь Өмнөд Америкт орших улс юм. Бразил нь газар нутаг ба хүн амын хувьд Латин Америкийн хамгийн том, дэлхийн хэмжээгээр тавд бичигддэг улс юм. Мөн ардчилсан орнууд дотор хүн амаараа дөрөвт ордог. Бразилийн зүүн талд Атлантын далай оршдог бөгөөд нийт эрэг нь 7,491 км урттай. Хойд талаараа Венесуэл, Суринам, Гайана, Францын нутаг болох Францын Гайана, өмнөд талаараа Уругвай, баруун өмнөд талаараа Аргентин, Парагвай, баруун талаараа Боливи, Перу, баруун хойд талаараа Колумб улсуудтай хиллэнэ. Фернандо де Норонха, Рокас Атолл, Сэйнт Петр, Паул Рокс, Тринидаде ба Мартим Ваз зэрэг олон арлууд нь Бразилд хамаарна.

Бразил нь 1500 онд Педро Алвареш Кабралаар нээгдснээс хойш 1822 онд тусгаар тогтнох хүртэл Португалийн колони байжээ. Анх Бразилийн эзэнт гүрэн нэртэйгээр тусгаарласан бөгөөл 1889 оноос бүгд найрамдах улс болжээ. Гэхдээ одоогийн конгресс буюу хоёр танхимтай хууль тогтоох байгууллага нь 1824 онд Үндсэн хууль батлагдсан мөчид байгуулагдсан байна. Өнөөгийн Үндсэн хуульд Бразилийг холбооны бүгд найрамдах улс хэмээн тодорхойлсон байдаг. Бразил нь холбооны тойрог, 26 муж, 5,564 хотоос бүрдэнэ.

Бразилийн эдийн засаг нь номиналь ҮНБ-р аравт, худалдан авах чадварын ҮНБ-р дэлхийд есөд жагсдаг. Эдийн засгийн шинэчлэл нь Бразилийг өсч буй дэлхийн хүчирхэг орон болгосон бөгөөд НҮБ, Өмнөд Америкийн Орнуудын Холбоо зэрэг байгууллагуудыг анх байгуулсан орнуудын нэг болгожээ. Бразил нь Католик шашинт, Португал хэлээр ярьдаг, олон үндэстнээс тогтдог бөгөөд төрөл бүрийн тусгай хамгаалалттай газруудад нь ан амьтан, ургамал, байгалийн баялаг зэрэг элбэг.

Гадаад холбоос

•  Commons: Brasil – Викимедиа дуу дүрсний сан

Энэ өгүүлэл дутуу дулимаг бичигджээ. Нэмж гүйцээж өгөхийг хүсье.