Гүрсэдийн Сайханбаяр

Гүрсэдийн Сайханбаяр

Гүрсэдийн Сайханбаяр (1968 оны 7-р сарын 04-нд Улаанбаатар хотод төрсөн)- Монгол улсын Батлан хамгаалахын сайд асан (2020-2024), дэслэгч генерал.

Боловсрол:  

• 1975-1985 онд нийслэлийн 10 жилийн 53 дугаар дунд сургууль
• 1985-1989 онд Цэргийн нэгдсэн дээд сургуулийн улс төрийн анги
• 1994-1995 онд Засгийн газрын дэргэдэх Төрийн захиргааны удирдлагын хөгжлийн институтын төрийн удирдлагын анги
• 2000-2001 онд БНХАУ-ын Үндэсний батлан хамгаалахын их сургуулийн дээд дамжаа
• 2012-2014 онд ОХУ-ын ЗХЖШ-ын академид тус тус суралцан төгссөн. Улс төрч, төрийн захиргааны удирдлагын арга зүйч, зохион байгуулагч, төрийн удирдлагын менежер, стратеги, команд штабын мэргэжилтэй. Төрийн удирдлага, цэргийн ухааны магистр зэрэгтэй.

Ажилласан байдал:

• 1989-1990 онд Зэвсэгт хүчний 121 дүгээр ангид сургуулийн салбарын улс төрийн орлогч
• 1990-1994 онд Зэвсэгт хүчний 318 дугаар ангид ротын улс төрийн орлогч, соёл хүмүүжлийн ажлын зааварлагч, суртал нэвтрүүлэгч
• 1994-1997 онд Зэвсэгт хүчний Ерөнхий штабын сургалт, соёл хүмүүжлийн газарт мэргэжилтэн
• 1997-2000 онд Зэвсэгт хүчний ерөнхий штабын мэдээлэл, соёл сурталчилгаа, хүмүүжлийн ажлын хэлтсийн дарга
• 2000-2005 онд БХЯ-ны Төрийн захиргааны удирдлагын газрын орлогч, Төрийн захиргаа, хүний нөөцийн удирдлагын хэлтсийн дарга
• 2005-2012 онд БХЯ-ны Төрийн захиргааны удирдлагын газрын дарга
• 2014-2020 оны 7 дугаар сар хүртэл БХЯ-ны Стратегийн бодлого, төлөвлөлтийн газрын дарга
• Монгол Улсын Ерөнхий сайдын 2020 оны 7 дугаар сарын 8-ны өдрийн 4 дүгээр захирамжаар Монгол Улсын Засгийн газрын гишүүн-Батлан хамгаалахын сайдаар 2024 оны 7 дугаар сар хүртэл томилогдон ажиллаж байсан. “Дэслэгч генерал” цолтой, эрхэлсэн түшмэлийн гутгаар зэрэгтэй.
• 2025 оноос Батлан хамгаалахын сайдын зөвлөхөөр ажиллаж байна.

Шагнал:

• 1999 онд Хөдөлмөрийн хүндэт медаль
• 2006 онд Цэргийн гавьяаны одон
• 2006 онд Их Монгол Улс байгуулагдсаны 800 жилийн ойн медаль
• 2015 онд Цэргийн гавьяаны улаан тугийн одонгоор шагнуулсан байна.

 Commons: Гүрсэдийн Сайханбаяр – Викимедиа зураг, бичлэг, дууны сан