Жүгдэрдэмидийн Гүррагчаа

Жүгдэрдэмидийн Гүррагчаа
Гүррагчаа 2011 онд
Батлан хамгаалах сайд
Албан тушаал хашсан 2000–2004
Ерөнхийлөгч	Нацагийн Багабанди
Ерөнхий Сайд	Намбарын Энхбаяр
Улсын их хурлын гишүүн
Албан тушаал хашсан 2004–2008
Ерөнхийлөгч	Нацагийн Багабанди Намбарын Энхбаяр
Ерөнхий Сайд	Цахиагийн Элбэгдорж Миеэгомбын Энхболд Санжийн Баяр
Хувийн мэдээлэл
Төрсөн	1947 оны 12 сарын 15 (1947-12-15) Гурванбулаг, Булган, Монгол
Алма матер	Жуковын нэрэмжит Агаарын цэргийн академи
Мэргэжил	Агаар сансрын инженер/Нисэхийн инженер
Шагнал
Цэргийн алба
Харьяалал	Монгол
Салбар	Монгол Улсын Зэвсэгт Хүчний Агаарын цэрэг
Алба хаасан жил	1966–?
Цол	Хошууч генерал
Харьяалал	Монгол
Сансрын карьер
Интеркосмос сансрын нисгэгч
Сансар дахь хугацаа	7ө 20ц 42м
Сонголт	1978 оны Интеркосмос бүлэг
Сансрын нислэг	Союз-39
Нислэгийн тэмдэг

Жүгдэрдэмидийн Гүррагчаа (1947 оны 12 сарын 5-нд Булган аймгийн , Гурванбулаг сум) нь Монгол улсаас сансарт ниссэн цорын ганц, дэлхийн 101 дэх, Азийн хоёр дахь сансрын нисгэгч бөгөөд нислэгийн инженер, хошууч генерал хүн юм.

Гүррагчаа 1947 онд Булган аймгийн Гурванбулаг суманд Жүгдэрдэмидийн том хүү болон төржээ.

Сансарт ниссэн нь

Ж.Гүррагчаа 1966 онд цэргийн албанд татагдаж, 1971 онд Зөвлөлт Холбоот Улсын Фрунзе хотын нисэхийн дамжаанд нисэх онгоцны радиоэлектрон төхөөрөмжийн 8796 механикч мэргэжилтэй болж, 1973 онд Москва хотод Жуковскийн нэрэмжит Агаарын цэргийн академид суралцан төгсчээ. 1978 оноос тэрээр ЗХУ-д Юрий Гагарины нэрэмжит Сансрын нисгэгчдийг бэлтгэх Сургалтын төвд М.Ганзоригийн хамтаар бэлтгэгдэж эхэлсэн байна. Энэ үед тэрээр ардын армийн ахмад цолтой байв.

1981 оны 3 сарын 22-нд Байконурын сансрын буудлаас ЗХУ-ын сансрын нисгэгч Владимир Жанибековын хамт Союз-39 хөлгөөр сансарт хөөрч Салют-6 сансрын станцтай холбогджээ. В.Жанибеков, Ж.Гүррагчаа нар сансарт 7 хоног, 20 цаг 42 минутыг өнгөрүүлж, дэлхийг 124 удаа тойрсоны дараа эх дэлхийдээ амжилттай газардсан юм.

• 
  Монголын анхны сансрын нисэгчийн хувцас, Монголын үндэсний түүхийн музей

Улс төрд

Тэрээр 2000 - 2004 онд Н.Энхбаярын толгойлсон засгийн газарт Батлан хамгаалахын сайдаар ажиллаж байгаад 2004 онд УИХ-ын сонгуулийн 59-р тойрогт нэр дэвшин өрсөлдөж сонгогдоод УИХ-ын гишүүнээр ажиллаж байв.

Шагнал

• 
  Монгол Улсын баатар
• 
  Зөвлөлт Холбоот Улсын баатар
• 
  Александр Невскийн одон, 2021 он
• 
  Сүхбаатарын одон
• 
  Чингис хаан одон
• 
  Гадаадын: Лениний одон (Зөвлөлт Холбоот Улс)

Тэрээр сансарт ниссэнийхээ дараа Зөвлөлт Холбоот Улсын баатар, Бүгд Найрамдах Монгол Ард Улсын баатар цолоор шагнагдаж байжээ. Тэрбээр Монгол хүн сансарт ниссэн 40 жилийн ойн баярын өдөр Монгол Улсын төрийн дээд шагнал болох Чингис хаан одонгоор шагнуулжээ.

Эшлэл

 Commons: Жүгдэрдэмидийн Гүррагчаа – Викимедиа зураг, бичлэг, дууны сан