Ионас Валанчюнас

Чөлөөт нэвтэрхий толь — Википедиагаас
Харайх: Удирдах, Хайлт

Ионас Валанчюнас (лит. Jonas Valančiūnas, 1992 оны тавдугаар сарын 6-нд Утяна хотод төрсөн) — Литвын мэргэжлийн сагсан бөмбөгчин бөгөөд НБА-гийн Торонто Рэпторс багийн төвийн тоглогч юм.

НБА[засварлах | edit source]

Европт гялалзсан Валанчюнасыг 2011 оны драфтад дээгүүр эрэмбэлэгдэхийг таамаглаж байв. Зургаадугаар сарын 23-нд 5-р сонголтоо Торонто Рэпторс хийж Ионасыг элсүүлсэн юм. Анх 2012 оны арваннэгдүгээр сарын 1-нд Индиана Пэйсерстэй тоглоход гараалж, 12 оноо, 10 самбар, 1 хаалтыг 23 минутанд хийв.[2] 2013 оны III сард 11.4 оноо, 7.3 самбар, 1.1 хаалтыг дунджаар 27 минутанд хийсэн Валанчюнасыг 'Дорнод бүсийн сарын шилдэг шинэ тоглогчоор' тодруулав.[3]

Зуны лигт 18.8 оноо, (56%-тай довтолсон) 10 самбар дунджилан[4] 'үнэ цэнэтэй тоглогчоор' алдаршив. Арванхоёрдугаар сарын 27-нд хувийн дээд 18 самбарыг Нью-Йорк Никстэй тоглоход тогтоов.[5]

2014 оны дөрөвдүгээр сарын 9-нд хувийн дээд 26 оноог 12 самбартай хамт Филадельфия 76-тай тоглоход авав. [6]

2014 оны дөрөвдүгээр сарын 11-нд Нью-Йорк Никстэй тоглоход хувийн дээд самбарын үзүүлэлтээ 21 болгон шинэчлэв.

2014 оны дөрөвдүгээр сарын 19-нд 'хасагдах шатанд' Бруклин Нетстэй тоглоход Ионас 17 оноо, 18 самбар авч Кеон Кларкийн тогтоосон багийн самбарын дээд үзүүлэлтийг шинэчлэв.[7]

Эшлэл[засварлах | edit source]

Холбоос[засварлах | edit source]

Викимедиа зургийн сан:
«Ионас Валанчюнас»

Загвар:2011 оны ЕАШТ-д Литвын сагсан бөмбөгийн шигшээ Загвар:2012 оны зуны олимпт Литвын сагсан бөмбөгийн шигшээ Загвар:2013 оны ЕАШТ-д Литвын сагсан бөмбөгийн шигшээ